2 Bakolinto 4:4 - Nouveau Testament en Ngombe 1961

⁴ Mojɔ bo njambe ongondo ye ahua milema mibato bamina baya badi pɛ bojima, bo bata’nɛ bohu boMwako Mopele moekumu eMasiya yona odi elimo eNjambe.

2 Bakolinto 4:4 ပူးပေါင်းရင်းမြစ်များ

Matayo 13:22

Ngua jia jikwa a bisika bidaka njani jidi oko mwako mokaka moto, Mwako ko mogbokaka oko na mikakwano a mojɔ mongando jingondo ye, a mojɔ mobokosea bomakonja, na motabotaka nongo.

Yoane 1:14

Ebaeli ekindoa moto, na yo ayeyoa a tei esu; aluma na monganji na Soti. Iso bonɛ ekumu ende, ekumu eMwana-sɔmi omɔci yona odonga ai Sango.

Yoane 1:18

Pɛpɛ nongo moto onɛ Njambe; Mwana-sɔmi omɔci ko yona odi a bupa boSango amobolojai ai so.

Yoane 12:31

Ngondo edi bosamba edɛye. Kumu ongondo ye âdumbama bokpa.

Yoane 12:35

Yesu abala na bu bo, Bohu bodi boyeyoa na nu oko ehole ekue pɛ. Dalani yana adi no na bohu, bo modidi motadipa no njea. Mojɔ bo, yona odalaka a modidi atajebaka nongo njea ekɛkɛ yo.

Yoane 12:40

Iyo adimei miso mabu, na apingejai milema mibu, Bo batanɛ na miso, batacingea na milema, Basaka hekoa ai mbi bo nabahelejae.

Yoane 12:45

Iyona onɛkɛ mbi, anɛkɛ koko yona olomani.

Yoane 14:30

Nitabala na nu koko bou, mojɔ bo kumu ongondo ye akɛkɛ adoe; yo ko aditi na kpaci ai mbi.

Yoane 15:24

Pɛpɛ nongo okina otongo okɔ bilomu bikɔkɔ mbi a tei ebu. Eipeta da boa, ka baditi na lindo. Edɛye ko bani mbi, na badi na mbi soki, na badi na Sangwa’mbi soki pongono.

Yoane 16:11

a mojɔ mobosambeja, cina bo kumu ongondo ye asambi.

Yoane 8:12

Yesu abala koko na bato bo, Mbi nadi bohu bongondo. Moto akacingama na mbi, atadala a modidi; âda oko na bohu bobomɔ.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Bikɔmɛli 26:23

oko bo Masiya abwani bodingoa, bo angɔe boso a tei ebagwake, na bo atɔndɔe mwako mobohu ai bato basu na a makota matongo.

1 Bakolinto 10:20

Pɛpɛ; cina ebalaka mbi edi bo bapakano bakapa masiko, bamapaka a miembo mibe, te nongo ai Njambe. Mbi nitapalaka bo okataneni na miembo mibe.

2 Bakolinto 2:11

bo bosaka samboa na Satana; mojɔ bo bojebaka poloso ende.

2 Bakolinto 2:12

Iyana amea mbi a Toloa a botɔndɔ Mwako Mopele moMasiya, Kumu ahoja njea ai mbi bohu mɛnɛ.

2 Bakolinto 3:11

Mojɔ bo, isa mojɔ mua moidaka na boyeyoa modoa na ekumu, esingaiti mojɔ mua moyeyoaka!

2 Bakolinto 3:14

Milema mibu ko miidaka nongo na njɛnɛ; nongo bakalanga Mokongo Moyou busa bu, ehuako emina edi oko, mojɔ bo ehuako emina edi bodonga oko na Masiya.

2 Bakolinto 3:18

Iso basusu, maso masu a bohu, bonjaka ekumu eKumu, o anjaka so a talatala, na bokindoaka a elimo ende. Bokinaka ekumu emɔci a bosɔ ekumu etongo; mojɔ momina mocingi oko na Kumu yona odi Mwembo.

2 Bakolinto 4:6

Mojɔ bo, Njambeyona obala bo, Kma bohu bohoe a tei emodidi, ahojai milema misu bohu mɛnɛ, bo apɛ bohu boejebeli eekumu eNjambe a boso boMasiya.

Bagalata 1:4

Iyo asapa a mojɔ mojibe jisu bo asikoe so a ngondo ye ebe, o akana Njambe Sangwa’su.

Baɛpɛsɔ 2:2

Mida minu midaka oko moda mongondo ye, na odakani na lisuma ai kumu yona odi na bokumu bonde a pwea, oko mwembo mua modi na ngulu a tei ebana balipanga e dɛye.

Baɛpɛsɔ 6:12

Mojɔ bo, bila enaka so editi na mini na makia; edi oko na makumu, na kpaci, na bakumu bangondo ye emodidi, na mandundu mamiembo Mibe a bisika bidiko.

Bafilipoi 2:6

Mojɔ bo, yo, nongo adaka yo na elimo eNjambe, ailɛ nongo bo bobwana bonde na Njambe bodi eka eyumu a bobanea.

Bakɔlɔsai 1:15

Iyo adi elimo eNjambe yona odi so pɛ bonɛ na miso; adi Sɔmi obato basusu baya bayoama.

Bakɔlɔsai 1:27

Mojɔ bo Njambe ajima bo abanejae bo mojɔ mu mobo-mbamake modi mojɔ moekumu enɛnɛ mɛnɛ a tei ebapakano,—cina emina edi Masiya a tei enu, njingo eekumu.

1 Timoteo 1:11

boMwako Mopele moekumu eNjambe obojongoa, mua mosɔ mbi a bobanea.

Tito 2:13

Bodibo’mba njingoesuyena enɔi, okoboboloa boekumu eNjambe osu monɛnɛ na Moheleja osu Yesu Masiya,

Baebele 1:3

Iyo adi bolailai boekumu eNjambe; adi elimo esoti eNjambe, na abeaka ngondo jisusu na ebaeli engulu ende. Ama yo pa lisiko a mojɔ mojibe, ami ko da oko a dɔngɔ diebɔ ebami eKumu oDiko.

Baebele 6:4

Mojɔ bo, isa bato basi bohu, na balɛli epeeli eDiko, na basi epeeli eMwembo Mosɛnɔke,

Mokanda Momibae Mosɔnɔ Pɛtɛlo - 2PE 1:19

Na bojebaka bo ebaeli ebatɔndɔi edi ebaeli esoti. Ino obwanini bohokea ebaeli emina. Edi o paka yena ehojaka esika emodidi, oko a ehole ehoaka busa na emanaka monjɔtɔ mokembe a milema minu.

1 Yoane 2:11

Moto ko yona odi na mwangwa’nde soki adi a modidi, na adalaka a modidi; t’ajebake esika ekɛkɛ yo, mojɔ bo modidi mohindejaka miso mande.

1 Yoane 2:8

Endele ko, mobeko mosɔneaka mbi no modi moyene, modi mobeko mosoti a tei ende na a tei enu. Cina bo modidi mokɛkɛ anɔe, na bohu bosoti bohoi e dɛye.

1 Yoane 5:19

Iso bojebaka bo bodi bana baNjambe, na bo ngondo esusu edi a mɔmɔ mayona Mobe.