2 Bakolinto 4:10 - Nouveau Testament en Ngombe 1961

¹⁰ Iso bolwaka bogwa boYesu oko bolwa, a tei emikuku misu bihole bisusu, bo bomɔ boYesu boboloe a tei emikuku misu pongono.

2 Bakolinto 4:10 ပူးပေါင်းရင်းမြစ်များ

Yoane 14:19

Ngɔngɔ mweka, ngondo êtanɛ mbi koko. Ino ko ônɛni mbi, mojɔ bo mbi nadi mɔ, na ino odani mɔ pongono.

Baloma 6:5

Mojɔ bo, isa bokatani na nde a tei ebogwa bonde, bodi bokatana koko na nde a njea ebongɔ bonde a bogwa.

Baloma 6:8

Na isa bogwi na Masiya, bojimaka bo bodi bohela na nde.

Baloma 8:36

Mojɔ bo mosɔnɔmɔ bo, Bodi a bogwa busa bosusu a mojɔ mowɛ; Banjaka so o bata baya bahɛngɛmɛ a bogwa.

2 Bakolinto 1:5

Mojɔ bo, bokakatana na Masiya a madingoa mande manɛnɛ, bodi bosɔ libondo linɛnɛ libogɔmbeja a mojɔ moMasiya.

2 Bakolinto 1:9

Bolɛ bo ehole esu ebogwa emea, na mojɔ momina mohekoja ejimeli esu ai Njambe yona ongɔjɔkɔ bagwake, te nongo ai so bɛnɛ.

2 Bakolinto 13:4

Iyo agwa a mole-mobokea oko na boyɛmbu; adi mɔ ko a mojɔ mongulu eNjambe. Iso pongono bodi bayɛmbu a tei ende; endele ko, bodi na bomɔ bonde a mojɔ mongulu eNjambe bo bokɔe elomu a tei enu.

2 Bakolinto 4:11

Mojɔ bo, adi so mɔ, bolindoamaka a bogwa bihole bisusu a mojɔ moYesu, bo bomɔ boYesu boboloe a tei emikuku misu mibogwa.

Bagalata 6:17

E dɛye, yɛ bonɔngeja mbi koko, pɛpɛ nongo moto, mojɔ bo nadi na bihuli biYesu a mokuku mombi.

Bakɔlɔsai 1:24

Mhi nasepaka e dɛye a mojɔ mominɔngɔ minɛkɛ mbi a kombe enu. Masiya adingoaka a mini mimbi a mojɔ momokuku monde, oko Denga dinde; na mbi napalaka bo nabwanejae libondo limadingoa mamina.

2 Timoteo 2:11

Ebaeli ye edi soti; isa bogwi na nde, bôhela na nde pongono.

1 Pɛtɛlo 4:13

Sepani ko a mojɔ momina, mojɔ bo osɔkɔni libondo limadingoa maMasiya, bo odaeni koko na sepi na enanga a boboloa boekumu ende.

1 Pɛtɛlo 4:14

Bakapɔmbeja no a mojɔ mokombe eMasiya, odini na bojongoa, mojɔ bo Mwembo moekumu, Mwembo moNjambe modi ai no.

Boboloja 1:17

Yana amonɛ mbi, nakwa a bibota binde o mogwake. Iyo ko abakea ebɔ ende ebami ai mbi, na abala bo, yɛ bobanga. Mbi nadi yona oboso, yona osuka, na yona obomɔ.