2 Bakolinto 3:6 - Nouveau Testament en Ngombe 1961

⁶ yona obɔngeja so bo bodae bakɔmɛli baMokongo Moyene, bakɔmɛli baMwembo, te nongo bakɔmɛli babi-kenge bia bisɔnɔmɔ; mojɔ bo, mibeko mia misɔnɔmɔ miwaka oko bowa; Mwembo ko mopaka bomɔ.

2 Bakolinto 3:6 ပူးပေါင်းရင်းမြစ်များ

Matayo 13:52

Yesu abala na bu bo, Mosɔni yona ocingeaka ngando jiBokumu boDiko adi o moto yona odi na ndako, na amejaka leka loyene na leka loyou a edejai ende.

Matayo 26:28

Mojɔ bo kɔpɔ ye edi makia mambi maMokongo, maya masopei a mojɔ mobato banɛnɛ, a bobacingoa a jibe.

Malako 14:24

Iyo abala na bu bo, Iye edi makia mambi mamokongo, maya masopei a mojɔ mobato banɛnɛ.

Luka 22:20

Aseja bo boyaka, atomba kɔpɔ pongono, abala na bu bo, Kɔpɔ ye edi mokongo moyene momakia mambi maya masopei a mojɔ monu.

Yoane 5:21

Sango angɔjɔkɔ bagwake, na abapaka bomɔ. Oko boa koko, Mwana apaka bomɔ ai baya bapalaka yo.

Yoane 6:63

Mwembo pɛ mopaka bomɔ; munu modi eka engasa. Bikenge bibali mbi na nu bidi mwembo, na bidi bomɔ.

Baloma 1:5

Iso bosɔ monganji na elomu ebabwɛnji oko ai yo, bo bohekojae makota masusu a lisuma hejimeli a mojɔ mokombe ende.

Baloma 3:20

Mojɔ bo pɛpɛ nongo moto odi bolonga a miso mande cina ebilomu biMibeko; Mibeko mipaka oko ejebeli ebobe.

Baloma 4:15

Suka eMibeko edi kɛnjɔ; endele ko, isa Mibeko miditi, bosopa boMibeko boditi.

Baloma 4:17

Mosɔnɔmɔ koko bo, Mbi nakɔi wɛ tata omakota manɛnɛ. Adi tata osu a miso maNjambe yona ojimea yo, oko Njambe yona opaka bomɔ ai bagwake, na abeaka leka lua loditi, bo lodae.

Baloma 7:6

Edɛye ko, Mibeko miditi koko na kpaci ai so; bodaka a mbɔci jiMibeko, na bogwa bo bokɔe elomu esu na bomɔ boyene boMwembo, te a njea eMibeko miyou mimokanda.

Baloma 8:2

Mojɔ bo mobeko moMwembo mosikoa mbi a mobeko mobobe na mobogwa.

1 Bakolinto 11:25

Ama bo sieja boyaka, yo ami tomba oko kɔpɔ pongono, na abala bo, Kɔpɔ ye edi Mokongo Moyene momakia mambi. Kɔni boa, bihole hisusu himwakaka no, bo osalɛjeni ai mbi.

1 Bakolinto 12:28

Njambe akolea bato a tei eDenga, boso oko babwɛnji, na ngɔngɔ jibu oko batɔndɔi. Bacingi na bu ngɔngɔ oko bakoja, na bato baya bakɔkɔ mindumba, bato basengo, bakɔmeja, bato babilomu, bato bakɔpi jinɛnɛ.

1 Bakolinto 15:45

A mojɔ momina, mosɔnɔmɔ bo, Adama, moto oboso, adaka moto obomɔ. Adama osuka adi mwembo mua mopaka bomɔ.

1 Bakolinto 3:10

Njambe akɔni monganji bo nadae moyoeli obowɛi. Natanda matai macina, na moto otongo ayoaka diko. Moto na moto yona oyoaka abwani bonganjama na eyoeli ende.

1 Bakolinto 3:5

Apolo adi nda? Paulo adi nda? Badi oko bakɔmɛli baNjambe a bojimeja no, mojɔ bo Kumu apaka moto na moto elomu ende.

2 Bakolinto 11:23

Isa bo badi bakɔmɛli baMasiya, esingaiti mbi. (Nabalaka o moto olilale.) Mbi nakɔ bilomu bmɛnɛ; nakwea a blɔkɔ bihole binɛnɛ; batuani nji pɛ njɛngi; napa njupi bihole binɛnɛ;

2 Bakolinto 3:14

Milema mibu ko miidaka nongo na njɛnɛ; nongo bakalanga Mokongo Moyou busa bu, ehuako emina edi oko, mojɔ bo ehuako emina edi bodonga oko na Masiya.

2 Bakolinto 3:3

Na onejakani bo odini mokanda molomi Masiya na su, mua mosɔnɔmɔ na Mwembo moNjambe obomɔ, te nongo na madiba mamokanda; mosɔnɔmɔ a Inilema mibato, te a matai.

2 Bakolinto 3:7

Isa mojɔ mobogwa mua mosɔnɔmɔ a matai modoa na ekumu, esingaiti mua moMwembo!

2 Bakolinto 3:9

Oko boa isa elomu ebodumba edaka na ekumu, esingaiti elomu ebolongeja!

Bagalata 3:21

Ekada boa, Mibeko mikɛsɛni na njikano jiNjambe? pɛpɛ nongo mweka! Mojɔ bo, Njambe, akɔkɔ yo pa Mibeko mia Mibwani bopa bomɔ, ka bodongo bocingi oko na Mibeko.

Baɛpɛsɔ 2:1

Ino odakani kanga bagwake mɛnɛ a mojɔ momalaboa manu na jibe jinu.

Baɛpɛsɔ 2:5

a mojɔ momina, nongo adaka so bagwake a mojɔ mojibe jisu, iyo apa so bomɔ yana apa yo Masiya bomɔ (ohelni oko a mojɔ momonganji moNjambe), na angɔjɔ so na Masiya, na adeja so na nde a bisika biDiko, a tei eMasiya Yesu,

Baɛpɛsɔ 3:7

Mbi nahɔmɔ bo nadae mokɔmɛli oMwako Mopele, cina eepeeli emonganji moNjambe mua mosɔ mbi ai yo na ndangasa engulu ende.

1 Timoteo 4:6

Okalɛjɛ baninga ngando jimina, ôda mokɔmɛli mopele oMasiya Yesu yona obeki na bikenge biejimeli, na bokoja bopele boma wɛ sɔ.

2 Timoteo 1:11

Mbi nahɛngɛmɛ bo nadae motɔndɔi, na obwɛnji, na mokoja oMwako momina,

Baebele 12:24

Na odoini ai Yesu yona okwea bosiili na Mokongo Moyene, na a makia maya mamɛsɛmi; na makia mande, na makia maAbela, makia mande manɔi na bwɛnji bopele.

Baebele 13:20

Njambe obowi angɔjɔ koko Kumu osu Yesu a bogwa, Monjeli Monɛnɛ obata, na makia maMokongo mua modi na bosusu.

Baebele 7:22

A mojɔ momina, Yesu adi mokando moMokongo mua monɔi na bopele.

Baebele 8:13

Abalaka yo a mojɔ moMokongo moyene, anjaka mua moboso o eka yena editi koko na cina. Na isa eka editi koko na cina, na isa ebengi bogwa, edikai mweka pɛ bo edimoe na bosusu.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.

1 Yoane 1:1

Imua modaka kanga a bobanga mɛnɛ, mua moka so, mua monɛ so na miso, mua monja so, mua mobanda so na mɔmɔ, modaka oko Ebaeli ebomɔ.