2 Bakolinto 3:17 - Nouveau Testament en Ngombe 1961

¹⁷ Kumu adi oko Mwembo, na bosɔnii bodi oko a esika edi Mwembo moKumu.

2 Bakolinto 3:17 ပူးပေါင်းရင်းမြစ်များ

Yoane 6:63

Mwembo pɛ mopaka bomɔ; munu modi eka engasa. Bikenge bibali mbi na nu bidi mwembo, na bidi bomɔ.

Yoane 8:32

Ôjebani mua mosoti, na Soti êcingoa no.

Baloma 8:2

Mojɔ bo mobeko moMwembo mosikoa mbi a mobeko mobobe na mobogwa.

1 Bakolinto 15:45

A mojɔ momina, mosɔnɔmɔ bo, Adama, moto oboso, adaka moto obomɔ. Adama osuka adi mwembo mua mopaka bomɔ.

2 Bakolinto 3:18

Iso basusu, maso masu a bohu, bonjaka ekumu eKumu, o anjaka so a talatala, na bokindoaka a elimo ende. Bokinaka ekumu emɔci a bosɔ ekumu etongo; mojɔ momina mocingi oko na Kumu yona odi Mwembo.

2 Bakolinto 3:6

yona obɔngeja so bo bodae bakɔmɛli baMokongo Moyene, bakɔmɛli baMwembo, te nongo bakɔmɛli babi-kenge bia bisɔnɔmɔ; mojɔ bo, mibeko mia misɔnɔmɔ miwaka oko bowa; Mwembo ko mopaka bomɔ.

Bagalata 4:6

Na adi no bana bande, Njambe aloma Mwembo moMwana’nde a tei emilema misu, na Mwembo mosembaka bo, Aba! Sesa!

Bagalata 5:1

Masiya asikoa so bo bodae na bosɔmi. A mojɔ momina, dani bambihmake a bosɔmi bonu; T’ojimeni oko bo opikameni koko a libuli.

Bagalata 5:13

Baninga, obeamani bo odaeni na bosɔmi; endele ko, pɛ boji-mani bo bosɔmi bonu bopɛ no mokalo a bosuma posa jimokuku. Moto na moto adi bokɔmɛ mina’nde oko na epaeli.

2 Timoteo 1:7

Mojɔ bo Njambe aipa so mwembo mobomɛli, oko mwembo mongulu, na epaeli, na bowɛi.