2 Bakolinto 3:14 - Nouveau Testament en Ngombe 1961

¹⁴ Milema mibu ko miidaka nongo na njɛnɛ; nongo bakalanga Mokongo Moyou busa bu, ehuako emina edi oko, mojɔ bo ehuako emina edi bodonga oko na Masiya.

2 Bakolinto 3:14 ပူးပေါင်းရင်းမြစ်များ

Matayo 13:11

Yesu abasɔmbeja bo, Ino osini bocingea a bojeba ngando jibombamake jiBokumu boDiko; ibo ko basiti bocingea.

Matayo 16:17

Yesu amosɔmbeja bo, Odi na bojongoa, wɛ Simona mwana ’Yona. Cina bo obolojaiti nongo mojɔ momina na bowɛi bomoto. Sangwa’mbi ko yona odi oho Diko amobolojai ai wɛ.

Matayo 6:23

Diso diwɛ ko dikabeha, mokuku mowɛ mosusu modi oko a modidi. Oko boa, isa bohu bua bodi a tei ewɛ bodi oko modidi, modi modidi tuu.

Yoane 12:40

Iyo adimei miso mabu, na apingejai milema mibu, Bo batanɛ na miso, batacingea na milema, Basaka hekoa ai mbi bo nabahelejae.

Yoane 12:46

Mbi nadoi o bohu a ngondo, bo yona ojimeaka mbi atayeyoa koko a modidi.

Yoane 8:12

Yesu abala koko na bato bo, Mbi nadi bohu bongondo. Moto akacingama na mbi, atadala a modidi; âda oko na bohu bobomɔ.

Bikɔmɛli 13:15

Asieja bo bolanga Mibeko na mokanda mobatɔndɔi, basuku basinagoge baba-lomea monɔkɔ bo, Baninga, isa odini na ekina eleho a mojɔ mobato, balani.

Bikɔmɛli 15:21

Mojɔ bo bato balangaka mikanda miMose a sinagoge masu masusu maSabata. Mose adi na bato a ngando jisusu baya batɔndɔkɔ mijɔ minde, na edaka koko boa a bilulu biehele mɛnɛ.

Bikɔmɛli 16:14

Okina obu adaka mwali ongando kombe Twatila, kombe ende mɛnɛ Ludia. Iyo akɔkɔ bwasa na bisenja bikpetu bibobuno bonɛnɛ. Adaka mosakoi oNjambe, na ahokea so. Kumu adipoa molema monde ho alɛe mijɔ mibalaka Paulo.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Baloma 11:25

Baninga, mbi napalaka bo ocingeeni mojɔ mu mobombamake, osaka dani na egbo. Modi oko bo likma libondo liYisalaele lidi na miso mago, na bâda boa oko a ehole êbwana etango ebapakano.

2 Bakolinto 3:15

Ee, oko busa bu, bakalanga mokanda moMose, ehuako ehuaka milema mibu.

2 Bakolinto 3:6

yona obɔngeja so bo bodae bakɔmɛli baMokongo Moyene, bakɔmɛli baMwembo, te nongo bakɔmɛli babi-kenge bia bisɔnɔmɔ; mojɔ bo, mibeko mia misɔnɔmɔ miwaka oko bowa; Mwembo ko mopaka bomɔ.

2 Bakolinto 4:6

Mojɔ bo, Njambeyona obala bo, Kma bohu bohoe a tei emodidi, ahojai milema misu bohu mɛnɛ, bo apɛ bohu boejebeli eekumu eNjambe a boso boMasiya.

Baɛpɛsɔ 4:18

Bocingea bobu bodi bokutubanake, na babɔtɔnɔ na bomɔ boNjambe cina elibumi libu lia licini na milema Mibu mipipo.