2 Bakolinto 3:12 - Nouveau Testament en Ngombe 1961

¹² Oko boa, adi so na njingo emina, bobalaka na nu a bohu mɛnɛ.

2 Bakolinto 3:12 ပူးပေါင်းရင်းမြစ်များ

Yoane 10:24

BaYuda badoa na bamohika. Babala na nde bo, Okinaka so na mokakwano ekoka ye mojɔ moye? Tɔndɔ so a bohu isa wɛ odi Masiya.

Yoane 16:25

Mbi nabali mijɔ mi oko na mindɛ. Mbi ko nitabala koko na nu na mindɛ. Nadi botɔndɔ no a bohu a mojɔ moSango, na ehole emina edoakadea.

Yoane 16:29

Bacingami bande babala bo, Edɛye, obalaka a bohu soti, te nongo na mindɛ.

Bikɔmɛli 14:3

Bayeyoa ko a Ikonia, na batɔndɔ mwako moKumu na eci. Kumu angameja Ebaeli emonganji monde na bimbete na mindumba na mɔmɔ mabu.

Bikɔmɛli 4:13

Ibo bakamoa oko bokamoa yana anɛ bo bogale boPɛtɛlo na Yoane; mojɔ bo bajebaka bo badi oko bato baelomu pɛ, pɛpɛ nongo ejebeli enɛnɛ emikanda. A mojɔ momina bacingea bo bama cingama oko na Yesu.

Bikɔmɛli 9:27

Balanaba ko amosɔ, na akɛ na nde ai babwɛnji. Iyo abajebaja mojɔ moSaula, bo ama nɛ Kumu a njea, na bo Kumu ama bala na nde. Abajebeja koko bo Saula ama tɔndɔ Mwako Mopele na eci a kombe eYesu a Damaseke.

Bikɔmɛli 9:29

Atondo koko Mwako Mopele na eci enɛnɛ a kombe eKumu. Abalaka koko na BaYuda baya badaka na kɔpi eBaEla, na abomaka na bu kitɛ. Ibo ko badaka oko na posa bo bamowoe.

1 Bakolinto 14:19

Endele ko, na bobala bikenge koto domi na kɔpi etongo, na bikenge bitano na bocingea bombi mɛnɛ, napalaka gbo oko bo nabale na Denga oko na bikenge bitano na bocingea.

2 Bakolinto 10:1

Mbi Paulo, nakada a tei enu, nadi o moto-ngasa, bohali ko ko nadi na bogale; mbi nangɔɔnɔkɔ no na bowi na boyɛmbu boMasiya.

2 Bakolinto 3:11

Mojɔ bo, isa mojɔ mua moidaka na boyeyoa modoa na ekumu, esingaiti mojɔ mua moyeyoaka!

2 Bakolinto 4:13

Adi so na mwembo momɔci moejimeli mua modaka na nde yona osɔnɔ bo, Mbi najimi; a mojɔ momina nabali; iso koko bojimaka na bobalaka;

2 Bakolinto 7:4

Mbi najimaka no na soti mɛnɛ. Nasakumejaka bou a mojɔ monu. Molema mombi mogɔmbi soti, na sepi embi epetoaka a tei eminɔngɔ misu.

Bafilipoi 1:14

Na baninga banɛnɛ bahɛi na ejimeli ai Kumu a mojɔ mombɔci jimbi, na badi na eci a botɔndɔ mwako moNjambe, pɛpɛ nongo bɔ.

Bafilipoi 1:20

Posa embi enɛnɛ na njingo embi jidi bo nitasamboa nongo; bou oko bo nakumejae Masiya na eci enɛnɛ a mokuku mombi, isa na mohelo mombi, isa na bogwa bombi.

Bakɔlɔsai 4:4

Ingani bo nabolojae mojɔ momina a bohu na ebaeli yena ebwani.

1 Batɛsalɔnike 2:2

Nongo ama so dingoa na ama so samboa a Pilipoi, bomi hɛ oko na eci eNjambe, o ajebaka no, a botɔndɔ no Mwako Mopele moNjambe o bila mɛnɛ.

1 Timoteo 3:13

Ibaya bakɔkɔ elomu epele emosuku oDenga badi na esako epele, na bahɛkɛ na eci a ejimeli ai Yesu Masiya.

Pilemona 1:8

A mojɔ momina, nongo adi mbi na kpaci a tei eMasiya a botɔndɔ wɛ ngando jia jibwani na wɛ a bokɔ,