2 Bakolinto 3:1 - Nouveau Testament en Ngombe 1961

¹ Iso bobengi bosakumeja koko so bɛnɛ? Iso bobwani bosɔ mikanda o asɔkɔ bakina bato, a bojebeja no ekɔmɛli esu, isa mikanda minu a bojebeja bato ekɔmɛli esu?

2 Bakolinto 3:1 ပူးပေါင်းရင်းမြစ်များ

Bikɔmɛli 18:27

Yana akana yo bo akɛe a Akaya, bato baDenga bamokɔmeja, na basɔnea bacingami oho mokanda bo bamosɛ bopele. Amea yo oho, akɔmeja bou mɛnɛ bato baya bama jima oko na monganji moNjambe,

Baloma 16:1

Napalaka bo osɛni ngɛnɛ esu Poibe bopele. Iyo adi mokɔmɛli oDenga diKɛnkɛlɛ.

1 Bakolinto 10:33

Mbi mɛnɛ nakengaka bosepeja bato basusu na ngando jisusu jikɔkɔ mbi, bo bahele; te nakɔke a mojɔ mombi mɛnɛ, oko a mojɔ mobato batongo banɛnɛ.

1 Bakolinto 16:3

Mbi nakamea, odini bohɔ bato, na mbi nâbapa mokanda, bo nabalome na bipeeli binu a Yelusalema.

1 Bakolinto 3:10

Njambe akɔni monganji bo nadae moyoeli obowɛi. Natanda matai macina, na moto otongo ayoaka diko. Moto na moto yona oyoaka abwani bonganjama na eyoeli ende.

1 Bakolinto 4:15

Nongo okadani na bakoja koto domi a tei eMasiya, sangwa’nu adi oko omɔci pɛ. Mojɔ bo mbi nabota no na Mwako Mopele a tei eMasiya.

2 Bakolinto 10:12

Iso botapalaka bo bosa’ngɛe na bo bosabwanejae na bato baya basakumejaka bo bɛnɛ. Ibo basa’ngɛkɛ na mwɛngi mobu bɛnɛ; moto na moto anjaka okina otongo bo asa’ngɛe na nde; bapeliti bocingea.

2 Bakolinto 10:18

Mojɔ bo, Kumu akalongeja moto, moto omina adi molongi, te moto yona osalongejaka yo mɛnɛ.

2 Bakolinto 10:8

Nongo nakasakumeja bou mɛnɛ a mojɔ mokpaci esɔ mbi ai Kumu, nadi bolonga, mojɔ bo apani kpaci emina a bopingeja no, te a bodumba no.

2 Bakolinto 12:11

Adi mbi na ebalabala? Ino bɛnɛ olindini mbi, no baya babwani bojima mbi. Mojɔ bo, nongo adi mbi moto-ngasa, naditi nongo ngɔngɔ jibabwɛnji bagala, pɛpɛ nongo mweka.

2 Bakolinto 12:19

Olɛkɛni ekoka ye bo so bosalongejaka ai no? Ngando jisusu jibalaka so baninga jidi a bopingeja no; na bojibalaka a boso boNjambe na a tei eMasiya.

2 Bakolinto 2:17

Iso botakɔkɔ bwasa na Ebaeli eNjambe, o akɔkɔ bakina. Bodi bato basoti, baya basɔ elomu emina ai Njambe. Bobalaka a boso boNjambe na a tei eMasiya.

2 Bakolinto 5:12

Botasalongejaka koko ai no. Bopaka no oko njea ebosepa a mojɔ mosu. Oko boa odini bosɔnibeja ai bato baya basakumejaka a mojɔ mongando jingasa, te ngando jisoti