2 Bakolinto 13:7 - Nouveau Testament en Ngombe 1961

⁷ Bongaka Njambe bo otakɔni nongo bobe, te a bolongeja so, oko bo okɔeni bopele pɛ, nongo adi so badaloi.

2 Bakolinto 13:7 ပူးပေါင်းရင်းမြစ်များ

Matayo 6:13

Bambeja so a njea ebomeka. Heleja so ko a bobe Bokumu bodi ai wɛ, na ndangasa, na ekumu, oko na bosusu. Amen.

Yoane 17:15

Mbi nita’ngaka wɛ bo obadongejae a ngondo. Nangaka oko bo obakakele ai yona Mobe.

Baloma 1:28

Balɛ bo babwani bosɛtoja Njambe; oko boa Njambe abakina o babuli bamilema mibu mibokosea, bo badae na bikɔmɛli bia bibɔngiti.

Baloma 12:17

Moto akakɔ no bobe, t’osɔmbejaeni oko bobe ai yo. Lɛni oko mijɔ mipele pɛ a boso bobato basusu.

Baloma 13:13

Yɛni bodae na ekɔmɛli epele ebato baya badalaka a bohu, te na ebueli na bolangoa, isa na ndukeli na lisɔngi, isa na miano na likaka.

Baloma 16:10

Abɛjɛni Apele yona olonga a elomu eMasiya. Abɛjɛni bato baKumu baya badi a ndako eAlisitɔbulo.

1 Bakolinto 11:19

Odini mabondo-mabondo soti; oko boa bato basoti badi boboloa a tei enu.

2 Bakolinto 10:10

Bakina babalaka bo, Mikanda minde midi mipipo, na midi na kpaci; yo mɛnɛ ko akada a tei esu, adi oko na boyɛmbu, na etɔndɛli ende edi ngasa mɛnɛ.

2 Bakolinto 10:18

Mojɔ bo, Kumu akalongeja moto, moto omina adi molongi, te moto yona osalongejaka yo mɛnɛ.

2 Bakolinto 13:6

Nadi na njingo bo odini bojeba bo iso boditi badaloi.

2 Bakolinto 13:8

Mojɔ bo bobwaniti boda na Soti soki; bodi oko a dɔngɔ diSoti.

2 Bakolinto 13:9

Iso bosepaka yana adi so na bwɛmbu, isa ino odini na bopipo. Bongaka bo obɔngeni na soti.

2 Bakolinto 6:4

Adi so bakɔmɛli baNjambe, bokɔkɔ ngando jisusu bo bodae na esako epele. Bodi na lingbangba linɛnɛ a tei eminɔngɔ, na taka, na jɔɔlɔ,

2 Bakolinto 8:21

Bomekaka bo ngando jikɔkɔ so jibɔnge, te a miso maKumu pɛ, oko a miso mabato pongono.

Bafilipoi 4:8

Mojɔ mosuka baninga, baneani a milema minu oko ngando jia jidi soti, jia jibɔngi, jia jidi bojo, jia jidi jisɛnɔke, jia jidi na epaeli, jia jidi na gala epele,—isa jinɔi na bopele, isa jibwani na bosakoa.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

1 Timoteo 2:2

a mojɔ moba-kumu, na bato baya badi na kpaci, bo bodae bogo na bo mohelo mosu modae na bowi, oko na yongi na lisuma ai Njambe.

2 Timoteo 2:15

Kɔ na ngulu ewɛ esusu bo opasame a boso boNjambe, o moto yona oditi na sɔni a mojɔ moelomu ende, yona odi na bɛtɛ a elomu eEbaeli eSoti.

2 Timoteo 4:18

Kumu adi boheleja mbi a ndungu jisusu jibe, na âbanea mbi a mojɔ moBokumu bonde boDiko. Ekumu ai yo oko na bosusu! Amen.

Yakobo 1:12

Moto akahɔnɔ bomeka, moto omina adi na bojongoa; mojɔ bo, akapasama adi bosɔ likongo libomɔ lidikeja Njambe ai baya bamo-palaka.

1 Pɛtɛlo 2:12

Dani na mida mipele a tei ebapakano. Oko boa, nongo bakalɔngɔ no o bato babe, badi bonɛ bikɔmɛli binu bipele, na bakumeja Njambe a busa bobo-doa bonde ai bo.