2 Bakolinto 13:4 - Nouveau Testament en Ngombe 1961

⁴ Iyo agwa a mole-mobokea oko na boyɛmbu; adi mɔ ko a mojɔ mongulu eNjambe. Iso pongono bodi bayɛmbu a tei ende; endele ko, bodi na bomɔ bonde a mojɔ mongulu eNjambe bo bokɔe elomu a tei enu.

2 Bakolinto 13:4 ပူးပေါင်းရင်းမြစ်များ

Yoane 10:18

Pɛpɛ nongo moto okatoaka mohelo mombi; namopaka mbi mɛnɛ. Nadi na kpaci bo namopɛ, na kpaci bo namotombe koko; mobeko mosɔ mbi ai Sangwa’mbi oko mu.

Bikɔmɛli 2:36

Oko boa, bato basusu badenga diYisalaele babwani bojeba bo Njambe abakea Yesu bo adae Kumu na Masiya, oko yona owa ’no a mole-mobokea.

Bikɔmɛli 3:16

Edi oko kombe ende yena epi moto yoyo ngulu, cina eejimeli a kombe ende; omonɛkɛni na omojebakani no bɛnɛ. Edi oko ejimeli ai Yesu yena epi moto yoyo mokuku monjilake a boso bonu basusu.

Baloma 1:4

Iyo ko akuma o Mwana ’Njambe na ndangasa a njea eMwembo mobosɛnɔ, yana angɔ yo a tei ebagwake.

Baloma 14:9

Yesu agwa na ahela koko oko a mojɔ momina, bo adae Kumu obagwake, na Kumu obato baya badi mɔ.

Baloma 6:4

Yana abatisama so, bopuseama na nde a tei ebogwa, bo bodae na ekɔmɛli ebomɔ boyene o angɔjɔmɔ Masiya a bogwa na ekumu eSango.

1 Bakolinto 1:25

Mojɔ bo, na bogegele boNjambe na bowɛi bobato, bogegele boNjambe bonɔi na bowɛi; na boyɛmbu boNjambe, na ngulu ebato, boyɛmbu boNjambe bonɔi na ngulu.

1 Bakolinto 15:43

Mo puseamaka, pɛpɛ nongo ekumu; modi bongɔ na ekumu. Mopuseamaka eka eyɛmbu, modi bongɔ oko na ndangasa.

1 Bakolinto 2:3

Adaka mbi na nu, nadaka na bwɛmbu, na bɔ, na mongongoma.

1 Bakolinto 6:14

Njambe angɔjɔ Kumu a bogwa, na adi bongɔjɔ so pongono na ngulu ende.

2 Bakolinto 10:10

Bakina babalaka bo, Mikanda minde midi mipipo, na midi na kpaci; yo mɛnɛ ko akada a tei esu, adi oko na boyɛmbu, na etɔndɛli ende edi ngasa mɛnɛ.

2 Bakolinto 12:10

Oko boa, nasepaka na boyɛmbu, na biloli, na minɔngɔ, na madingoa, na jɔɔlɔ, a mojɔ moMasiya. Mojɔ bo, ehole edi mbi na bwɛmbu, ehole edi mbi na ngulu oko yena.

2 Bakolinto 13:9

Iso bosepaka yana adi so na bwɛmbu, isa ino odini na bopipo. Bongaka bo obɔngeni na soti.

Bafilipoi 3:10

Nakɔ boa bo najebe Masiya, na ndangasa yena engɔ na nde a bogwa, bo nakatane na nde a madingoa mande, na bo nakatane na nde a bogwa bonde

Baebele 5:7

Yesu, yana adaka yo ya nase, angaka, na angɔɔnɔkɔ na bopipo, na mbisoli pongono, ai yona obwana bomoheleja a bogwa. Na yo amoka cina elisuma linde ai Njambe.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.

1 Pɛtɛlo 3:22

Iyo akɛ oho Diko, na adi a ebɔ ebami eNjambe; na babwɛnji baDiko na bakumu na bato bakpaci bamosumaka.