2 Bakolinto 12:15 - Nouveau Testament en Ngombe 1961

¹⁵ Mbi nadi bopa leka lombi losusu na sepi, na nadi bosapa mbi mɛnɛ pongono a mojɔ momiembo minu. Epaeli enu ai mbi ekatita, pɛ mojɔ; epaeli embi ai no ehɛkɛ oko bohɛ.

2 Bakolinto 12:15 ပူးပေါင်းရင်းမြစ်များ

Baloma 9:3

Mojɔ bo posa embi edi bo nalakejamembi mɛnɛ, na bo nabɔtɔne na Masiya, a mojɔ mobaninga bambi baya badi na mbi mbota emɔci.

2 Bakolinto 1:14

o acingeaka no mweka edɛye, bo obwanini bosepa a mojɔ mosu, na bo so bodi bosepa a mojɔ monu a busa boKumu Yesu.

2 Bakolinto 1:6

Isa so bodi na minɔngɔ, cina eminɔngɔ mimina edi bo ino osɛni bogɔmbeja na mohelo. Na so bokasɔ bogɔmbeja, bodi a bogɔmbeja no, na odini bosɔ bogɔmbeja bomina, okadani na lingbangba a tei emadingoa, o adingoaka so.

2 Bakolinto 11:11

Mojɔ moye? Naditi na epaeli ai no? Njambe ajebaka bo nadi na epaeli ai no.

2 Bakolinto 12:14

Hokeani; nadi na mosɛlingo mobodoa ai no—ehole ebisato ye; na nitada nongo muna ai no. Mbi mtapalaka leka lonu, napalaka oko no bɛnɛ. Bana te babɔkɔke baboti; baboti ko babɔkɔkɔ bana babu.

2 Bakolinto 12:9

Iyo ko abala na mbi bo, Monganji mombi mobwani na wɛ, mojɔ bo ngulu embi edi boboloa na soti oko a tei eboyɛmbu. A mojɔ momina, nadi bosakumeja na sepi mɛnɛ a mojɔ moboyɛmbu bombi, bo ngulu eMasiya edae ai mbi.

2 Bakolinto 2:3

Cina emokanda mosɔnɔ mbi edaka bo bato baya babwani bosepeja mbi a bodoa bombi, batakeja mbi wa. Nalɛ a molema mombi bo odini bosepa no basusu a mojɔ mosepi embi.

2 Bakolinto 4:12

Oko boa, bogwa bokɔkɔ elomu a tei esu, bomɔ ko a tei enu.

2 Bakolinto 7:2

Pani so pokiso a tei emilema minu. Iso boikɔ nongo bobe ai moto. Boilaboja nongo moto. Boikɔ nongo moto poloso.

2 Bakolinto 7:3

Nita-balaka boa a bodumba no. Odini a tei emilema misu, isa bokahela, Isa bokagwa, o ami mbi bala na nu boso.

Bagalata 4:10

Bolɛ bonu bodi oko a masu, na songe, na bididi, na bianga.

Bafilipoi 2:17

Ee, nongo makia mambi makasopea a diko di epeeli enu elitumbu, oko ejimeli enu, nadi na sepi, na nasepaka na nu basusu.

Bakɔlɔsai 1:24

Mhi nasepaka e dɛye a mojɔ mominɔngɔ minɛkɛ mbi a kombe enu. Masiya adingoaka a mini mimbi a mojɔ momokuku monde, oko Denga dinde; na mbi napalaka bo nabwanejae libondo limadingoa mamina.

1 Batɛsalɔnike 2:8

Oko boa, adaka so na epaeli enɛnɛ ai no, bodaka na posa a bopa no milema misu bɛnɛ, te Mwako Mopele moNjambe pɛ, mojɔ bo bodaka na nu ngɛnjɔ.

2 Timoteo 2:10

Na mbi nahɔnɔkɔ ngando ji jisusu a mojɔ moBahɔmɔke, ho ’bo pongono basɛ mohelo mua modi ai Masiya Yesu, na ekumu yena edi na hosusu.

Baebele 13:17

Sumakani basuku banu, na kɔni o apalaka bo, mojɔ bo badi o banjeli bamilema minu, o bato baya badi boneja elomu ebu. Kɔni bo elomu ebu edae na sepi, te nongo na manji, osaka samboani no bɛnɛ.