2 Bakolinto 12:10 - Nouveau Testament en Ngombe 1961

¹⁰ Oko boa, nasepaka na boyɛmbu, na biloli, na minɔngɔ, na madingoa, na jɔɔlɔ, a mojɔ moMasiya. Mojɔ bo, ehole edi mbi na bwɛmbu, ehole edi mbi na ngulu oko yena.

2 Bakolinto 12:10 ပူးပေါင်းရင်းမြစ်များ

Luka 6:22

Bato bakalona no, bakabengana no, bakanɔngeja no, na baka-Pɔmbeja kombe enu a mojɔ moMwana ’Moto,—bojongoa ai no.

Yoane 15:21

Ibo ko bâkɔ ngando ji jisusu ai no a mojɔ mokombe embi, ema bo batajebaka yona olomani.

Bikɔmɛli 5:41

Babwɛnji bamana a likita, na badaka na sepi mojɔ bo babwana bosɔ ekumu ebosamboa a mojɔ mokombe emina.

Baloma 5:3

Mojɔ motongo koko, bosepaka a tei eminɔngɔ misu. Bojebaka bo monɔngɔ mobotaka lingbangba;

1 Bakolinto 4:10

Iso bodi oko bigegele a mojɔ moMasiya. Ino ko odini na bowɛi a tei eMasiya! Iso bodi bayɛmbu; mo ko odini bapipo! Ino odini na ekumu; iso ko bosamboi.

2 Bakolinto 1:4

Iyo agɔmbejaka so a tei eminɔngɔ misu misusu, bo so bogɔmbejae bato batongo baya badi na minɔngɔ, o agɔmbejaka Njambe so bɛnɛ.

2 Bakolinto 10:18

Mojɔ bo, Kumu akalongeja moto, moto omina adi molongi, te moto yona osalongejaka yo mɛnɛ.

2 Bakolinto 12:9

Iyo ko abala na mbi bo, Monganji mombi mobwani na wɛ, mojɔ bo ngulu embi edi boboloa na soti oko a tei eboyɛmbu. A mojɔ momina, nadi bosakumeja na sepi mɛnɛ a mojɔ moboyɛmbu bombi, bo ngulu eMasiya edae ai mbi.

2 Bakolinto 13:4

Iyo agwa a mole-mobokea oko na boyɛmbu; adi mɔ ko a mojɔ mongulu eNjambe. Iso pongono bodi bayɛmbu a tei ende; endele ko, bodi na bomɔ bonde a mojɔ mongulu eNjambe bo bokɔe elomu a tei enu.

2 Bakolinto 13:9

Iso bosepaka yana adi so na bwɛmbu, isa ino odini na bopipo. Bongaka bo obɔngeni na soti.

2 Bakolinto 4:17

Monɔngɔ mosu mokɛkɛlɛkɛ mua moditi boyeyoa, mosɛlingoaka ekumu enɛnɛ mɛnɛ a mojɔ mosu, ekumu yena edi boyeyoa oko na bosusu.

2 Bakolinto 4:5

Iso botɔndɔkɔ Mwako Mopele moYesu Masiya, bo yo adi Kumu, te nongo mijɔ misu bɛnɛ. Iso bɛnɛ bodi oko bakɔmɛli banu a kombe eYesu.

2 Bakolinto 5:15

Na yo agwea bato basusu bo mihelo mibato baya badi mɔ, mitaya da ai bo bɛnɛ, oko ai yona obagwea, yona ongɔ koko a bogwa a mojɔ mobu.

2 Bakolinto 5:20

Oko boa so bodi babwɛnji baMasiya. Njambe alehaka no na ebaeli esu, na so bongɔɔnɔkɔ no a kombe eMasiya bo ojimeni mokongo moNjambe.

2 Bakolinto 6:4

Adi so bakɔmɛli baNjambe, bokɔkɔ ngando jisusu bo bodae na esako epele. Bodi na lingbangba linɛnɛ a tei eminɔngɔ, na taka, na jɔɔlɔ,

2 Bakolinto 7:4

Mbi najimaka no na soti mɛnɛ. Nasakumejaka bou a mojɔ monu. Molema mombi mogɔmbi soti, na sepi embi epetoaka a tei eminɔngɔ misu.

Baɛpɛsɔ 6:10

Mojɔ mosuka,—sapingejani a tei eKumu na bopipo bondangasa ende.

Bafilipoi 1:29

Mojɔ bo libondo linu liditi ejimeli ai Masiya pɛ; lidi oko bo odingoeni a mojɔ monde.

Bakɔlɔsai 1:24

Mhi nasepaka e dɛye a mojɔ mominɔngɔ minɛkɛ mbi a kombe enu. Masiya adingoaka a mini mimbi a mojɔ momokuku monde, oko Denga dinde; na mbi napalaka bo nabwanejae libondo limadingoa mamina.

2 Batɛsalɔnike 1:4

A mojɔ momina, so bosakoaka no a Menga maNjambe, a mojɔ molingbangba na ejimeli enu, a tei eminɔngɔ na madingoa masɔkɔ no.

2 Timoteo 3:11

bodingoa na minɔngɔ mimbi, na mijɔ minɛ mbi a Antiokia, a Ikonia na a Lusetulia. Nasɔ bodingoa bonɛnɛ na eci; Njambe ko ahelejani a minɔngɔ mi misusu.

Yakobo 1:2

Baninga, okanɛni bomeka tungu na tungu, dani na sepi a mojɔ momina.

Boboloja 2:3

Najebaka bo odi na lingbangba a mojɔ mokombe embi; ohɔnɔkɔ muna momina na otangwaka.