2 Bakolinto 11:23 - Nouveau Testament en Ngombe 1961

²³ Isa bo badi bakɔmɛli baMasiya, esingaiti mbi. (Nabalaka o moto olilale.) Mbi nakɔ bilomu bmɛnɛ; nakwea a blɔkɔ bihole binɛnɛ; batuani nji pɛ njɛngi; napa njupi bihole binɛnɛ;

2 Bakolinto 11:23 ပူးပေါင်းရင်းမြစ်များ

Bikɔmɛli 14:19

Bakina BaYuda ko baAntiokia na Ikonia badoa. Ibo bapangoa bato, ba’la Paulo matai, na bamokpakula a sokolu engando, mojɔ bo balɛkɛ bo adi mogo.

Bikɔmɛli 20:23

Mwembo Mosɛnɔke ko mojebejaka mbi a ngando na ngando bo minyɔlɔ na minɔngɔ mimbakani oho.

Bikɔmɛli 21:11

Iyo atomba kamba ePaulo, na amokanda mɔmɔ na mako. Abala bo, Mwembo Mosɛnɔke mobalaka bo BaYuda badi bokanda moswa okamba ye mbɔci boa a Yelusalema, na bâmopa a mɔmɔ mabapakano.

Bikɔmɛli 25:14

Bayeyoa ena makina masu, na Peseto atɔndɔ kumu mojɔ moPaulo. Abala bo, Pelike akina momi omɔci ya a blɔkɔ.

Bikɔmɛli 27:1

Yana ajima ’bo bo botambe a masua a bokɛ a Italia, bakina Paulo na bato batongo bablɔkɔ a mɔmɔ maJulio, kapitɛni okompani eAuguseto.

Bikɔmɛli 28:16

Paulo, yana abanɛ yo, asakoa Njambe, na apingeja molema monde. Amea so a Loma, bajima bo Paulo adae a ekina ndako na soda omɔci a bomobanea.

Bikɔmɛli 28:30

Paulo ahwɛ a ndako emina hianga bisusu bibae, na asɔkɔ bato basusu baya badoaka ai yo.

Bikɔmɛli 9:16

Na mbi nadi bomoneja bo adi bodingoa bou mɛnɛ a mojɔ mokombe embi.

Baloma 8:36

Mojɔ bo mosɔnɔmɔ bo, Bodi a bogwa busa bosusu a mojɔ mowɛ; Banjaka so o bata baya bahɛngɛmɛ a bogwa.

1 Bakolinto 15:10

Nadi adi mbi, oko a mojɔ momonganji moNjambe, na monganji monde ai mbi moinama. Mbi nakɔ elomu epipo, pɛpɛ nongo okina obu obwana na mbi a njea emina; mbi mɛnɛ ko naikɔ, oko monganji moNjambe mua modi ai mbi.

1 Bakolinto 3:5

Apolo adi nda? Paulo adi nda? Badi oko bakɔmɛli baNjambe a bojimeja no, mojɔ bo Kumu apaka moto na moto elomu ende.

1 Bakolinto 4:1

Iso bodi oko bakɔmɛli baMasiya, na babanei bangando jibo-mbamake jiNjambe; na moto akalɛ so, abwani bolɛ so oko boa.

1 Bakolinto 4:11

Iso bogwaka nja, na bodi na ekangola oko edɛye. Bodi mbundu, bodingoaka, bodi oko bakɛndɛli pɛ, pɛpɛ ngando.

1 Bakolinto 4:9

Mbi nalɛkɛ bo Njambe adejai so babwɛnji ngɔngɔ jibato basusu, o bato baya bahɛngɛmɛ a bogwa; mojɔ bo bodi o makou pɛ a mojɔ mongondo, na babwɛnji badiko, na bato pongono.

2 Bakolinto 10:7

Ino onjakani oko boso bomoto pɛ? Isa okina moto ajimaka bo adi moto oMasiya, abwamti bobosa bo so bodi koko bato baMasiya, o adi yo mɛnɛ.

2 Bakolinto 11:5

Mbi nalɛkɛ bo naditi nongo ngɔngɔ jibabwɛnji bamina bagala.

2 Bakolinto 3:6

yona obɔngeja so bo bodae bakɔmɛli baMokongo Moyene, bakɔmɛli baMwembo, te nongo bakɔmɛli babi-kenge bia bisɔnɔmɔ; mojɔ bo, mibeko mia misɔnɔmɔ miwaka oko bowa; Mwembo ko mopaka bomɔ.

2 Bakolinto 4:11

Mojɔ bo, adi so mɔ, bolindoamaka a bogwa bihole bisusu a mojɔ moYesu, bo bomɔ boYesu boboloe a tei emikuku misu mibogwa.

2 Bakolinto 6:9

Bodi na esako epele, bato ko pɛ bojeba so. Bodi o bagwake, endele ko bodi oko mɔ; asɔkɔ so nji, pɛ ko bogwa.

Bagalata 6:17

E dɛye, yɛ bonɔngeja mbi koko, pɛpɛ nongo moto, mojɔ bo nadi na bihuli biYesu a mokuku mombi.

Baɛpɛsɔ 3:1

A mojɔ momina, mbi Paulo, nadi lisungu liYesu Masiya a mojɔ monu bapakano.

Baɛpɛsɔ 4:1

Oko boa, mbi lisungu liMasiya, nangɔɔnɔkɔ no bo odaeni na mida mia Mibwani na bobea bobeama na nu,

Baɛpɛsɔ 6:20

Nadi ohwɛnji a minyɔlɔ oko a mojɔ momina. Ingakani bo nadae na eci yena ebwani na mbi a bobala.

Bafilipoi 1:13

Bajebaka ya a ngando ebasoda, na a bisika bisusu bitongo, bo nadi a blɔkɔ a mojɔ moMasiya.

Bafilipoi 2:17

Ee, nongo makia mambi makasopea a diko di epeeli enu elitumbu, oko ejimeli enu, nadi na sepi, na nasepaka na nu basusu.

Bakɔlɔsai 1:24

Mhi nasepaka e dɛye a mojɔ mominɔngɔ minɛkɛ mbi a kombe enu. Masiya adingoaka a mini mimbi a mojɔ momokuku monde, oko Denga dinde; na mbi napalaka bo nabwanejae libondo limadingoa mamina.

Bakɔlɔsai 1:29

Elomu ekɔkɔ mbi edi oko a mo jɔ momina; naekɔkɔ na molema mombi mosusu, oko na ngulu ende yena elindaka mbi na bopipo.

1 Batɛsalɔnike 3:2

Na boloma mwangwa’su Timoteo, mokɔmɛli oNjambe, a elomu eMwako Mopele moMasiya. Bomoloma bo ambilimejae no a ejimeli enu, na a boleha no,

1 Timoteo 4:6

Okalɛjɛ baninga ngando jimina, ôda mokɔmɛli mopele oMasiya Yesu yona obeki na bikenge biejimeli, na bokoja bopele boma wɛ sɔ.

2 Timoteo 1:16

Nangaka Kumu bo adae na monganji a denga diOnesipolo, mojɔ bo yo asepeja molema mombi bihole binɛnɛ, na aika sɔni a mojɔ mominyɔlɔ mimbi.

2 Timoteo 1:8

A mojɔ momina, obwaniti boda na sɔni a botata tati ai Kumu osu, isa a mojɔ mombi lisungu linde. Asɔ ko libondo limonɔngɔ mosɔkɔ mbi a mojɔ moMwako Mopele, o apaka Njambe wɛ ngulu.

2 Timoteo 2:9

Mbi nadingoaka o moto mobe, na nadi a minyɔlɔ a mojɔ momina. Ebaeli eNjambe ko editi a minyɔlɔ.

2 Timoteo 3:11

bodingoa na minɔngɔ mimbi, na mijɔ minɛ mbi a Antiokia, a Ikonia na a Lusetulia. Nasɔ bodingoa bonɛnɛ na eci; Njambe ko ahelejani a minɔngɔ mi misusu.

Pilemona 1:9

napalaka bongɔɔnɔ wɛ a mojɔ moepaeli, oko mbi Paulo yona odi mosuku mɛnɛ, na lisungu liMasiya Yesu e dɛye.

Baebele 10:34

Odakani na wa ai bato baya badaka a minyɔlɔ. Yana atomba bato leka lonu, odakani oko na sepi, cina bo ojebakani bo lisango linu linɔi na bopele, lia lidi boyeyoa.