2 Bakolinto 11:13 - Nouveau Testament en Ngombe 1961

¹³ Bato bamina badi babwɛnji babokosea, bakɔmɛli baepulu; badi oko na elwaeli pɛ ebabwɛnji baMasiya.

2 Bakolinto 11:13 ပူးပေါင်းရင်းမြစ်များ

Matayo 25:24

Yona oso oko talenta emɔci pɛ adoa pongono. Iyo abala bo, Moswa’mbi, najebaka bo wɛ odi moto mopipo. Obukaka ndongo a esika edi wɛ pɛ bona, Otombaka a esika edi wɛ pɛ bohɛhɛ.

Bikɔmɛli 15:1

Bakina bato badonga a Yelusalema, na bakoja bato baDenga bo, Bamiti lena no ganda o adumbea Mose mobeko, otahelani.

Bikɔmɛli 15:24

Iso boka bo bakina bato basu bakɛ oho ai no, na banɔngeja no, na bakeja no mokakwano a milema. Baikɛ nongo na kpaci esu.

Bikɔmɛli 20:30

Na bato badi bongɔ a tei enu bɛnɛ a bokoja mijɔ mibokosea, na bâlaboja bacingami.

Baloma 16:18

Bato bamina batakɔmɛkɛ Masiya Kumu osu; badi oko babuli basɔpɔ jibu bɛnɛ; bakoseaka milema mibato bayɛmbu na bibaeli bibu bipele, na poloso ebu.

2 Bakolinto 11:15

Oko boa, bakɔmɛli bande bakakosea bo badi bakɔmɛli babodongo, bobwaniti bokamoa. Suka ebu êbwana na bikɔmɛli bibu.

2 Bakolinto 2:17

Iso botakɔkɔ bwasa na Ebaeli eNjambe, o akɔkɔ bakina. Bodi bato basoti, baya basɔ elomu emina ai Njambe. Bobalaka a boso boNjambe na a tei eMasiya.

2 Bakolinto 4:2

Iso boloni bikɔmɛli bibosambolu na bipoloso; ekɔmɛli esu editi nongo na epulu; botahekojaka Ebaeli eNjambe a ekina cina etongo. Botɔndɔkɔ mijɔ misoti a bohu, bo bodae na lilonga a boso bobato basusu, na a boso boNjambe.

Bagalata 1:7

Mokina Mwako Mopele motongo moditi; bakina bato ko banɔngejaka no, na bapalaka botatana Mwako Mopele moMasiya.

Bagalata 2:4

Bakina baninga babokosea ko bakwea kɛngi a tei esu na poloso, bo bakoke-lejae bosɔmi bosu bua bodi na su a tei eMasiya Yesu, a bohuleja so a libuli.

Bagalata 4:17

Ibo batongo badi na bingi enɛnɛ a mojɔ monu; editi ko bingi esoti. Bapalaka bo babɔtejae no na su, bo odaeni na bingi a mojɔ mobu.

Bagalata 6:12

Bato baya badi na bingi ai no a mojɔ mobolena ganda, badi oko na posa eembete emokuku, bo batadingoa a mojɔ momole-mobokea moMasiya.

Baɛpɛsɔ 4:14

Bobwaniti boda koko bana bakɛkɛ, baya bahombahombaka na bapɛpɛnɛkɛ na pwea jisusu jibokoja bobato baepulu baya badi na poloso a bokoja ngando jibokosea.

Bafilipoi 3:18

Cina bo, ekɔmɛli ebato banɛnɛ edi oko ekɔmɛli ebato baya badi soki jimole-mobokea moMasiya. Natomba bobala na nu a mojɔ mobu bihole binɛnɛ, na natɔndɔkɔ no koko e dɛye na bio.

Bafilipoi 3:2

Toma dingani a mojɔ mombwa; toma dingani a mojɔ mobato baya badi na bikɔmɛli bibe; toma dingani a mojɔ mobato babolena-ganda babokosea.

Bakɔlɔsai 2:4

Nabali boa, bo moto asaka kosea no na bikenge biepulu.

Bakɔlɔsai 2:8

Toma nganjamani bo moto atakosea no na bikenge bibowɛi, na mijɔ mingasangasa mia mihulaka ai bato pɛ, na micingi na ejimeli a miembo mingondo, te nongo na Masiya.

1 Yoane 2:18

Bana bambi, ehole esuka emei. Ino o’kani bo Soki-eMasiya adi bodoa. Soki-jiMasiya badoi banɛnɛ, na badi e dɛye; oko boa bojebaka bo ehole esuka emei.

1 Yoane 4:1

Baninga, t’ojimeni oko miembo misusu. Sisoani miembo a bojeba isa micingi na Njambe, cina bo batɔndɔi babokosea banɛnɛ banangani a ngondo.

Yuda 1:4

Cina bo bakina bato bakwei a tei enu na poloso, bato babe baya bahekojaka monganji moNjambe a bosambolu, na banga-naka Moswa na Kumu osu omɔci, Yesu Masiya. Mokindo mobato bamina mokoleama ehele.

Boboloja 19:20

Bapea Tito na motɔndɔi obokosea yona okɔkɔ mindumba, oko yona okosea bato na mindumba mimina, bato baya bama sɔ embete eTito, na baya bama sakoa elimo ende. Ibo basusu babae badumbama yana adaka bo mɔ, a libale limosa mosupulu.

Boboloja 2:2

Mbi najebaka bikɔmɛli biwɛ, na elomu ewɛ, na lingbangba liwɛ. Najebaka bo bato babe bakɔkɔ wɛ maneene, bo osisoi baya basabeaka babwɛnji na baditi nongo babwɛnji, na onini bo badi bakosei.

Boboloja 2:20

Endele ko, nadi na wɛ mojɔ mu; ojimaka bo Yesabela, mwali yona obalaka bo adi motɔndɔi, akojae na alabojae bakɔmɛli bambi a bokɔ ngando jibosambolu, na a boyaka masiko maya mapama ai banjambe babokosea.

Boboloja 2:9

Mbi najebaka monɔngɔ mowɛ, na bokwali bowɛ (nongo adi wɛ na likonja). Najebaka mojɔ momasingi mabato baya baba-laka bo badi BaYuda, na baditi BaYuda; badi oko sinagoge eSatana.