2 Bakolinto 1:12 - Nouveau Testament en Ngombe 1961

¹² Iso bosepaka na mojɔ mumu; molema mosu motataka bo ekɔmɛli esu a miso mabato, na a miso manu bɛnɛ, edaka na bosɛnɔ na lisuma ai Njambe; te nongo na bowɛi bongondo, oko na mo-nganji moNjambe.

2 Bakolinto 1:12 ပူးပေါင်းရင်းမြစ်များ

Bikɔmɛli 23:1

Paulo anja likita linjenje; abala na bu bo, Baninga, molema mombi motadumbaka mbi a mojɔ moekɔmɛli embi masu masusu a miso maNjambe.

Bikɔmɛli 24:16

A mojɔ momina, mbi nakɔkɔ na bingi bihole bisusu bo molema mombi motada na mojɔ, isa a boso boNjambe, isa a boso bobato.

Baloma 9:1

Mbi nabalaka mojɔ mosoti a tei eMasiya. Nitakoseaka. Molema mombi mojimaka na mbi a tei eMwembo Mosɛnɔke

1 Bakolinto 1:17

Mojɔ bo Masiya ailoma mbi a bobatisa; aloma mbi a botɔndɔ Mwako Mopele, te na bɛtɛ ebobala, bo mole-mobokea moMasiya mosaka da eka engasa, pɛpɛ ngulu.

1 Bakolinto 12:8

Okina asɔkɔ ebaeli ebowɛi a Mwembo, na otongo asɔkɔ ebaeli eejebeli a Mwembo momina.

1 Bakolinto 15:10

Nadi adi mbi, oko a mojɔ momonganji moNjambe, na monganji monde ai mbi moinama. Mbi nakɔ elomu epipo, pɛpɛ nongo okina obu obwana na mbi a njea emina; mbi mɛnɛ ko naikɔ, oko monganji moNjambe mua modi ai mbi.

1 Bakolinto 2:13

Iso botɔndɔkɔ ngando ji, oko na bibaeli bikojaka Mwembo so, te nongo na bibaeli bibowɛi bobato. Bokojaka ngando jiMwembo oko na kɔpi eMwembo.

1 Bakolinto 4:4

Nongo nakalɛ bo naditi na mojɔ, nitalonga a mojɔ momina, cina bo Kumu yo mɛnɛ asambejaka mbi.

1 Bakolinto 5:8

A mojɔ momina, kinani so boyake Kola na molɛmbɛ mua mopeliti lipetu, molɛmbɛ mobosɛnɔ na mosoti, te nongo na lipetu liyou, lipetu lilisoki na libobe.

2 Bakolinto 1:17

Adaka mbi na mokano momina, nadaka na milema mibae? Mijɔ mikanaka mbi midi mijɔ mimoto ongondo? Adi mbi na minɔkɔ mibae, Ee! ee! na Pɛpɛ! pɛpɛ!

2 Bakolinto 11:3

Njɔ ko akosea Ewa na poloso ende; na mbi nadi na mokakwano bo milema minu misaka beha boa pongono, na osaka kinani lisuma linu lisɛnɔke ai Masiya.

2 Bakolinto 2:17

Iso botakɔkɔ bwasa na Ebaeli eNjambe, o akɔkɔ bakina. Bodi bato basoti, baya basɔ elomu emina ai Njambe. Bobalaka a boso boNjambe na a tei eMasiya.

2 Bakolinto 4:2

Iso boloni bikɔmɛli bibosambolu na bipoloso; ekɔmɛli esu editi nongo na epulu; botahekojaka Ebaeli eNjambe a ekina cina etongo. Botɔndɔkɔ mijɔ misoti a bohu, bo bodae na lilonga a boso bobato basusu, na a boso boNjambe.

2 Bakolinto 8:8

Nitadumbaka nongo mobeko. Nangɛkɛ oko epaeli enu na bingi ebato batongo, isa edi epaeli esoti.

Bagalata 6:4

Moto na moto adi bokokeleja ekɔmɛli ende mɛnɛ. Oko boa âda na njea bo asakumejae na ngando jinde mɛnɛ, pɛ bosa’ngɛ na moto otongo.

Baɛpɛsɔ 6:14

Imani ngbi. Kandani njingo eSoti a moongo manu. Lwani bosɛnɔ o ebende a bupa.

Bafilipoi 1:10

a bombetea ngando jia jinɔi na bopele, bo odaeni pɛpɛ nongo mojɔ, pɛpɛ nongo pita, a mojɔ mobusa boMasiya.

1 Batɛsalɔnike 2:10

Ekɔmɛli esu a tei enu baejimeli edaka esɛnɔke na bojo, pɛpɛ nongo mojɔ; ino bɛnɛ odini banjɛnɛki bamojɔ momina, na Njambe pongono.

1 Timoteo 1:5

Cina eeleho esu edi oko epaeli yena emanaka a molema mosɛnɔke, na bolɛ bopele, na ejimeli esoti.

Tito 2:7

Aneja wɛ mɛnɛ ekoaneli epele na bikɔmɛli biwɛ bisusu. Kina bokoja bowɛ bodae bokoja bosoti, bobwanake; kina ebaeli ewɛ edae ebaeli esoti.

Baebele 13:18

Ingakani a mojɔ mosu. Bojimaka bo boditi na mojɔ a molema. Posa esu edi bo bodae na ekɔmɛli epele a njea jisusu.

Yakobo 4:6

Iyo ko ahɛjɛkɛ monganji oko bohɛjɛ. A mojɔ momina Misɔnɔ Mibalaka bo, Njambe anaka na bato baegbo, Adi ko na monganji ai bato bamilema mititake.

1 Pɛtɛlo 3:16

Yɛni boda na lindo a milema minu; oko boa, nongo bakatɔkɔlɔ no, baya bakɔkɔ boa badi bosamboa, cina eekɔmɛli enu epele a tei eMasiya.

1 Pɛtɛlo 3:21

Madiba mamina madi embete ebatisimo; batisimo emina editi a bodongeja mbindo a mokuku; edi oko mojimo momolema mopele ai Njambe, na ehelejaka no e dɛye cina ebongɔ boYesu Masiya a bogwa.