2 Batɛsalɔnike 3:4 - Nouveau Testament en Ngombe 1961

⁴ Iso koko bodi na ejimeli ai Kumu a mojɔ monu, bo okɔkɔni na bo Okɔeni ngando jilehaka so no.

2 Batɛsalɔnike 3:4 ပူးပေါင်းရင်းမြစ်များ

Matayo 28:20

Bakojani bo bakɔe ngando jisusu iikoja mbi no, na mbi nâda na nu oko na bosusu.

Baloma 15:14

Baninga, mbi najimaka na soti bo olumini na ngando jipele; odini na ejebeli engando jisusu, na obwanini bopana bilebo.

Baloma 15:18

Ebɔngiti bo nabale a mojɔ mongando jitongo, oko ngando jikɔ Njambe na mbi a bogbokeja bapakano na ebaeli, na elomu,

Baloma 2:7

adi bopa bomɔ bua bodi na bosusu ai bato baya badi na lingbangba a bikɔmɛli bipele, baya badukaka ekumu, na lisuma, na bomɔ bua bodi na bosusu.

1 Bakolinto 14:37

Isa okina onu alɛkɛ bo adi motɔndɔi, isa bo adi na bipeeli bimwembo, adi bocingea bo mijɔ misɔnei mbi no midi mobeko moKumu.

1 Bakolinto 7:19

Mojɔ bo, bolena boganda bodi eka engasa, na mwea modi koko eka engasa. Mojɔ mosoti modi oko lisuma a mibeko miNjambe.

2 Bakolinto 2:3

Cina emokanda mosɔnɔ mbi edaka bo bato baya babwani bosepeja mbi a bodoa bombi, batakeja mbi wa. Nalɛ a molema mombi bo odini bosepa no basusu a mojɔ mosepi embi.

2 Bakolinto 2:9

Nasɔnea no boso a mojɔ momina, bo nameke no, a bojeba isa odini na lisuma a ngando jisusu.

2 Bakolinto 8:22

Bomeka bingi emwangwa’su bou mɛnɛ bihole binɛnɛ; na bingi ende ehɛi oko bohɛ cina eepaeli ende ai no. A mojɔ momina bomo-lomaka na bu batongo.

Bagalata 5:10

Mbi nadi na njingo ai Kumu bo so na no bodae na molema momɔci. Moto ko yona onɔngejaka no âsɔ mokindo monde mɛnɛ.

Bafilipoi 1:6

Mbi najebaka na soti bo yona obanga elomu epele a tei enu âesukeja bopele a mojɔ mobusa boYesu Masiya.

Bafilipoi 2:12

Baninga, ino odakani na lisuma bihole bisusu yana adaka mbi na nu. A mojɔ momina, toma dani na bingi e dɛye adi mbi bohali, a hongameja bohela honu, na bɔ na mongongoma.

1 Batɛsalɔnike 4:10

Na ekɔmɛli enu edi boa soti ai baninga basusu baya badi a Makedonia. Pɛ mojɔ; bole-haka no koko bo ohɛeni koko na epaeli bou mɛnɛ.

2 Batɛsalɔnike 3:12

Iso bobekeaka na bolehaka bato baya badi na ekɔmɛli emina, a kombe eKumu Yesu Masiya, bo bakɔe elomu na yongi, a bodiha molɛmbɛ mobu bɛnɛ.

2 Batɛsalɔnike 3:6

Iso bobekeaka no baninga a kombe eKumu osu Yesu Masiya bo obɔtɔneni na baninga basusu baya badi na ekɔmɛli ebe, baya badi pɛ bosuma bokoja bosɔ no ai so.

Pilemona 1:21

Nasɔnei wɛ mokanda mu mojɔ bo najimaka bo odi na lisuma. Najebaka bo otakputoa bokɔ mojɔ mopalaka mbi; ee, odi bonɔ mojɔ momina na monganji.