2 Batɛsalɔnike 2:8 - Nouveau Testament en Ngombe 1961

⁸ Yona Mobe asa ko amane. Kumu Yesu ko adi bomowa na mohuli momo-nɔkɔ monde, na âmoghokeja na ekumu ehodoa bonde.

2 Batɛsalɔnike 2:8 ပူးပေါင်းရင်းမြစ်များ

Matayo 13:19

Moto aka’ka mwako moBokumu, na yo pɛ bocingea, yona Mobe adoaka a bocinoa mua momɛsɛmi a molema monde. Mojɔ monde modi o ngua jia jikwa a dɔngɔ dinjea.

Matayo 13:38

Gbie edi ngondo. Ngua jipele jidi bana baBokumu. Njani jidi bana bayona Mobe. Soki yona oji’na adi oko Satana.

Matayo 16:27

Mojɔ bo, Mwana ’Moto adi bodoa na babwɛnji bande a ekumu eSangwa’nde, na adi bokaba ai moto na moto libondo lia libwani na bikɔmɛli binde a ehole emina.

Matayo 16:28

Mbi natɔndɔkɔ no na soti bo bakina ba’mi yaya baya batagwa oko banɛkini Mwana ’Moto akadoe a Bokumu bonde.

1 Bakolinto 1:28

Njambe ahɔkɔ bato bangasangasa baya bapeliti nongo ekumu a miso mabato, ee oko bato bangasa mɛnɛ, a bodumba ngando jia jidi edɛye.

2 Batɛsalɔnike 2:3

T’ojimeni oko bo moto akosee no nongo mweka. Mojɔ bo bopengoa bonɛnɛ bôpeta da oko Busa bomina bomeakini; na Moto oBobe adi bopeta mana, oko Mwana oMokindo,

1 Timoteo 6:14

bo osume mobeko, bo moda mowɛ motada na litɔnɔ, pɛpɛ nongo mojɔ, oko a bodoa boKumu osu Yesu Masiya.

2 Timoteo 1:10

Monganji momina moboloi e dɛye na bodoa boMoheleja osu Masiya Yesu, yona ogbokeja bogwa, na ameja bomɔ a bohu, na bomɔ bua botagwa, a mojɔ moMwako Mopele.

2 Timoteo 4:1

Mbi nalehaka wɛ a boso boNjambe, na a boso boMasiya Yesu yona odi bosambeja bahelake na bagwake; nalehaka wɛ a mojɔ mobodoa bonde na bokumu bonde.

2 Timoteo 4:8

E dɛye, likongo libodongo lisɛlingoami a mojɔ mombi; Kumu yona osambejaka na soti, âebakea ai mbi a busa bomina; te nongo ai mbi pɛ, oko ai bato basusu baya badi na posa ebodoa bonde.

Tito 2:13

Bodibo’mba njingoesuyena enɔi, okoboboloa boekumu eNjambe osu monɛnɛ na Moheleja osu Yesu Masiya,

Baebele 10:27

Edikai oko njingo eesambi yena ekɔkɔ maneene, na mosa monɛnɛ mua modi botumba soki.

1 Yoane 2:13

Nasɔneaka no basango, mojɔ bo oje-bakani yona odaka oko a bobanga mɛnɛ. Nasɔneaka no menga, mojɔ bo ogbokejami yona Mobe. Nasɔnei no bana bakɛkɛ mojɔ bo oje-bakani Sango.

1 Yoane 3:12

Bobwaniti boda na ekɔmɛli eKaina, yona odaka moto oSatana na awa mwangwa’nde. Na awa mwangwa’nde mojɔ moye? Mojɔ ke bo bikɔmɛli binde mɛnɛ bidaka bibe, na bia bimwangwa’nde bidaka bipele.

1 Yoane 5:18

Bojebaka bo moto na moto yona obotama na Njambe t’akɔke bobe. Moto yona obotama na Njambe asabaneaka, na yona Mobe atabakea nongo ebɔ ai yo.

Boboloja 1:16

Apeaka njɔtɔ sambo a ebɔ ende ebami, na abɛnɛ onjɛngɔ jibae jipɔlu amanaka a monɔkɔ monde. Boso bonde bodaka o bohu bonɛnɛ bomodika-busa a ngulu ende.

Boboloja 13:5

Tito adaka na monɔkɔ a bobala bikenge biegbo, na bikenge bibosambolu; na asɔ kpaci bo akɔe o apalaka yo songe domi-inɛi na babae.

Boboloja 19:15

Abɛnɛ monɛnɛ amanaka a monɔkɔ monde a bokwɛlɛ makota mangondo. Tondo ende ebokumu edi tondo eebende a mojɔ mobu. Iyo adi bonda eboka evino ekɛlɛ egbasoake eNjambe obonɔ.

Boboloja 2:16

Hekoja molema mowɛ. Omiti hekoja molema, nadi bodoa ai wɛ bokpa, a bona na bato bamina na abɛnɛ omonɔkɔ mombi.

Boboloja 20:10

Satana, mokosei obu, adumbama a libale lomosa na lisupulu, esika edi Tito na motɔndɔi obokosea, na badi bodingoa oho mabulu na mei oko na bosusu mɛnɛ.