2 Batɛsalɔnike 2:16 - Nouveau Testament en Ngombe 1961

¹⁶ Yɛ Kumu osu Yesu Masiya yo mɛnɛ, na Njambe Sangwa’su, yona opala so na opa so bogɔmbeja bua bodi na bosusu, na njingo epele oko na monganji monde. Yɛ agɔmbejae milema minu na ambihmejae no a bilomu bisusu bipele, na bikenge bisusu bipele.

2 Batɛsalɔnike 2:16 ပူးပေါင်းရင်းမြစ်များ

Luka 16:25

Abalayama ko amosɔmbeja bo, Mwana, t’obosae oko bo wɛ osɔ libondo liwɛ lipele yana adaka wɛ a ngondo; Lazalo ko asɔ oko libondo libe. Edɛye ko yo adi na sepi ya, na wɛ odi na monɔngɔ.

Yoane 13:1

Yana adaka Kola-eBonɔ pɛ bopeta mea, Yesu ajeba bo ehole ende emea, ehole ebodonga a ngondo ye, a bokɛ ai Sango. Amaka yo da na ngɛnjɔ ai bande mɛnɛ baya badaka a ngondo, ami baneja oko ngɛnjɔ pɛ njɛngi.

Yoane 15:13

Ngɛnjɔ yena enɔi edi oko ye, bo moto apɛ mohelo monde a mojɔ mobina’nde.

Yoane 15:9

Sango adi na mbi ngɛnjɔ. Mbi nadi na nu ngɛnjɔ koko boa. Yeyoani a tei engɛnjɔ embi.

Yoane 16:22

Ino odini koko na wa edɛye. Mbi ko nânɛ no koko, na milema minu mîsepa. Pɛpɛ nongo moto odi bocinoa sepi enu.

Yoane 3:16

Mojɔ bo Njambe apalaka ngondo na ngɛnjɔ yeye; apa Mwana’nde obotama omɔci pɛ, bo moto na moto yona omojimeaka asɛ bomɔ bua bodi na bosusu.

Yoane 4:14

Moto ko akamwaka madiba mamopaka mbi, ata’ka koko ekangola na ikina; cina bo madiba mâmopa mbi mada molo momadiba mabomɔ a tei ende, maya makɛlɛkɛ na bosusu.

Bikɔmɛli 15:11

Iso bojimaka bo bodi bohela oko a mojɔ momonganji moKumu, iso na ho oko njea emɔci.

Bikɔmɛli 18:27

Yana akana yo bo akɛe a Akaya, bato baDenga bamokɔmeja, na basɔnea bacingami oho mokanda bo bamosɛ bopele. Amea yo oho, akɔmeja bou mɛnɛ bato baya bama jima oko na monganji moNjambe,

Baloma 1:7

Njɛbɛ ai no basusu oho Loma baya basɔ epaeli eNjambe, na babeama bo badae basɛnɔke. Yɛ monganji na bowi boNjambe Sangwa’su na Kumu Yesu Masiya bodae ai no.

Baloma 4:16

Mojɔ mosusu mocingi oko na ejimeli pɛ. Oko boa koko, sako emina edi mojɔ momonganji moNjambe, na edi ai bana basusu baAbalayama—te nongo ai baya bajimaka Mibeko pɛ, oko ai baya badi na ejimeli eAbalayama; mojɔ bo, yo adi tata osu basusu.

Baloma 4:4

Moto akakɔ elomu, likonja lisɔkɔ yo liditi epeeli; abwani bosɔ likonja limina.

Baloma 5:8

Njambe ko anejaka ngɛnjɔ ende ai so oko na mojɔ mu;—Masiya agwea so yana adaka so oko bato babe.

Baɛpɛsɔ 5:2

Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.

Baɛpɛsɔ 5:25

Ino bami, dani na ngɛnjɔ ai bali banu, o adaka Yesu na ngɛnjɔ a Denga, na asapa a mojɔ moDenga

Bakɔlɔsai 1:23

okayeyoani bambilimake na ngbi a ejimeli, pɛ nongo bodonga a njingo eMwako Mopele moka no. Mwako momina motɔndɔmɔ ai bato basusu ya nase, na mbi Paulo nahɛngɛmɛ ho nadae mokɔmɛli omwako momina.

Bakɔlɔsai 1:5

a mojɔ monjingo yena ehɛngɛmɛ oho Diko a mojɔ monu. O’kani mojɔ monjingo emina boso oko na bikenge bisoti, bikenge biMwako Mopele.

1 Batɛsalɔnike 1:3

Mojɔ bo bolɛkɛ elomu eejimeli enu, elomu enu eepaeli, na njingo enu yena etambɛkɛ, ai Kumu osu Yesu Masiya, a boso boNjambe Sangwa’su.

1 Batɛsalɔnike 3:11

Yɛ Njambe Sangwa’su yo mɛnɛ, na Kumu osu Yesu, bapɛ so njea ai no.

2 Batɛsalɔnike 2:13

Baninga, Kumu adi na nu ngɛnjɔ; na so bobwani bosakoa Njambe bihole bisusu mojɔ bo Njambe ahɔ no oko a libangake bo oheleni, oko na hosɛnoja boMwembo, na cina eejimeli eSoti.

Tito 1:2

bo badae na njingo ebomɔ bua bodi na bosusu, bomɔ bodikeja Njambe a libangake mɛnɛ; na yo Pakputojake nongo sako.

Tito 2:13

Bodibo’mba njingoesuyena enɔi, okoboboloa boekumu eNjambe osu monɛnɛ na Moheleja osu Yesu Masiya,

Baebele 7:19

(Mojɔ bo Mobeko moibɔngeja eka). Na njingo etongo eboloi yena enɔi na bopele, na so bodi bobatama na Njambe oko na njingo emina.

1 Yoane 3:16

Bojebaka ngɛnjɔ oko na mojɔ mu, bo yo apa mohelo monde a mojɔ mosu; na so hobwani bopa mihelo misu a mojɔ mobaninga.

Boboloja 1:5

na Yesu Masiya, Motati oejimeli, Mwana-sɔmi a tei ebagwake, Mosuku obakumu bangondo. Iyo apalaka so, na asikoa so a jibe jisu, na makia mande,

Boboloja 22:5

Na bulu botaya dabí; paka editi koko na elomu oho, isa modika-busa, mojɔ bo Kumu Njambe abapabi bohu, na bakumabi oko na bosusu.

Boboloja 3:9

Baya badi basinagoge eSatana, baya babalaka bo badi BaYuda na baditi BaYuda, na bakoseaka, mbi nadi bobahuda ai wɛ bo basasunee a boso bobibota biwɛ, bo bajebe bo mbi napalaka wɛ.