1 Yoane 1:3 - Nouveau Testament en Ngombe 1961

³ Iso botɔndɔkɔ no oko mua monɛ so, na mua moka so, bo okataneni na su; na bokatana bosu bodi na Sango, na Mwana’nde Yesu Masiya.

1 Yoane 1:3 ပူးပေါင်းရင်းမြစ်များ

Yoane 17:11

Mbi te nayake da a ngondo. Ibo ko badi a ngondo, na mbi nadoaka ai wɛ. Sesa mosɛnɔke, banea bato bapani wɛ, a kombe ewɛ mɛnɛ, bo badae omɔci o adi so omɔci.

Yoane 17:21

bo ibo basusu badae oko omɔci, bo badae omɔci a tei esu, o adi wɛ Sesa a tei embi, na mbi a tei ewɛ, bo ngondo ejime bo wɛ oloma mbi.

Yoane 17:25

Sesa, Yona obodongo, ngondo etajebaka wɛ. Mbi ko najebaka wɛ; ibaba pongono bajebaka bo wɛ oloma mbi.

Yoane 17:3

Bomɔ bua bodi na bosusu bodi oko bo bajebe wɛ, Njambe osoti omɔci, na yona oloma wɛ, oko Yesu Masiya.

Yoane 19:35

Iyona onɛ mojɔ momina atɔndɔ mojɔ momina, na tati ende edi tati esoti. Iyo ajebaka bo abalaka na soti mɛnɛ, bo ino ojimeni pongono.

Bikɔmɛli 13:32

Oko boa so bodoi ai no na Mwako Mopele bo, sako esɔ batata basu ai Njambe,

Bikɔmɛli 13:41

Ikani, no bato babosɛtɔ; kamoani na dimoani; Mojɔ bo mbi nadi bokɔ mokina mojɔ a masu manu; Moto akajebeja no mojɔ momina, otajimani.

Bikɔmɛli 2:42

Ibo badaka na bingi enɛnɛ a mojɔ mobokoja bobabwɛnji, na bakatana na molema momɔci a bobuka molɛmbɛ na a mojɔ mobo’nga.

Bikɔmɛli 20:27

Mojɔ bo natɔndɔ no mokano moNjambe mosusu mɛnɛ, pɛ bobomba mokina mojɔ.

Bikɔmɛli 4:20

Mojɔ bo so botahɔnɔkɔ boda bogo a mojɔ mongando jinɛ so na jika so.

Baloma 15:27

Bakɔi mojɔ momina na sepi, mojɔ bo badi oko na nongo ai bo; isa bapakano basangoi iikabo libipeeli biMwembo a mojɔ mobu, babwani bobakɔmeja na bipeeli bileka.

1 Bakolinto 1:30

Bomɔ bonu a tei eMasiya Yesu bohulaka oko ai yo. Njambe akɔ bo Masiya Yesu adae bowɛi, na bodongo, na bosɛnɔ, na lisiko, a mojɔ mosu.

1 Bakolinto 1:9

Njambe atakputoja nongo sako ende. Edi oko yo, yona obea no a bokatana na Mwana’nde Yesu Masiya Kumu osu.

1 Bakolinto 15:1

Baninga, mbi napalaka bo nabale na nu a mojɔ moMwako Mopele motɔndɔ mbi no. Ojimani mwako momina, na odini bambihmake a mwako momina.

2 Bakolinto 13:14

Yɛ monganji moKumu Yesu Masiya, na epaeli eNjambe, na bokatana boMwembo Mosɛnɔke bodae na nu basusu.

Baɛpɛsɔ 3:6

Cina emina edi bo bapakano badi basangoli pongono; badi binama bimokuku momɔci, na basangoaka njikano yena edi a tei eYesu Masiya a mojɔ moMwako Mopele.

Bafilipoi 1:7

Ebɔngi bo mbi nadae na bolɛ bomina a mojɔ monu basusu, cina bo nabaneaka no a tei emolema mombi, isa a mbɔci ji, isa a elomu ebobanea na bopingeja elomu eMwako Mopele, oko no baya bakatani na mbi a bosɔ monganji moNjambe.

Bafilipoi 2:1

Isa bogɔmbeja bodi a tei eMasiya, na peye eepaeli, na bokatana boMwembo, na wa, na monganji

Bafilipoi 3:10

Nakɔ boa bo najebe Masiya, na ndangasa yena engɔ na nde a bogwa, bo nakatane na nde a madingoa mande, na bo nakatane na nde a bogwa bonde

Bakɔlɔsai 1:13

Iyo ahelejai so a ngulu emodidi, na akwejai so a Bokumu boMwana’nde ongɛnjɔ.

1 Batɛsalɔnike 1:10

na a bo’mba bohula boMwana’nde oho Diko yona ongɔjɔ yo a bogwa, oko Yesu yona ohelejaka so a likundu lia likɛkɛ adoe.

1 Timoteo 6:2

Isa baswa’bu badi na ejimeli, babwaniti bobanyamola na mokalo bo badi baninga. Badi bonɔ na bingi a bobakɔmɛ, mojɔ bo bakɔmɛkɛ bato baejimeli baya babwani bosɔ epaeli. Ikoja na leha ngando jimina.

Baebele 2:12

Abala bo, Mbi nadi bojebeja banangwa’mbi kombe ewɛ; Nadi bosakoa wɛ a tei eDenga.

Baebele 3:1

Baninga basɛnɔke, baya babeama a bokatana a elomu eDiko, toma lɛni Yesu, Obwɛnji na Nganga Monɛnɛ oejimeli esu.

Baebele 3:14

Mojɔ bo libondo lisu lidi a tei eMasiya, bokapea boku oko a suka, ejimeli yena edaka na su a libangake,

1 Pɛtɛlo 5:1

Mbi nalehaka basuku banu, mojɔ bo nadi mosuku mbi mɛnɛ, na monjɛnɛki omadingoa maMasiya, na sangoli olibondo liekumu yena eboloabí ngɔngɔ.

Mokanda Momibae Mosɔnɔ Pɛtɛlo - 2PE 1:16

Mojɔ bo, yana ajebeja so no mojɔ mobodoa boKumu osu Yesu Masiya, na mojɔ mongulu ende, boitɔndɔ no masɔ maya macingi na bowɛi bobato. Iso bonɛ ekumu ende na miso masu bɛnɛ.

1 Yoane 1:1

Imua modaka kanga a bobanga mɛnɛ, mua moka so, mua monɛ so na miso, mua monja so, mua mobanda so na mɔmɔ, modaka oko Ebaeli ebomɔ.

1 Yoane 1:5

Bwɛnji bosɔ so ai yo, bwɛnji botɔndɔkɔ so no, bodi oko bu;—Njambe adi bohu. Modidi moditi nongo a tei ende.

1 Yoane 1:7

Bokadala ko a bohu, o adi yo a bohu, bokatanaka, moto na mina’nde moto, na makia maYesu Mwana’nde masɛnojaka so a bobe bosusu.