1 Bakolinto 9:23 - Nouveau Testament en Ngombe 1961

²³ Nakɔkɔ boa a mojɔ moMwako Mopele, bo nadae na libondo limbi a elomu emina.

1 Bakolinto 9:23 ပူးပေါင်းရင်းမြစ်များ

Malako 8:35

Mojɔ bo, yona opalaka bobanea mohelo monde âmonameja oko bonameja. Na yona onamejaka mohelo monde a mojɔ momhi, na a mojɔ moMwako Mopele, âmobanea oko bobanea.

Baloma 11:17

Bikina bitape ko bikatɛndɔmɔ, na wɛ olive oesika okakatana na mole a esika edaka bitape bimina, odi bokatana na cina emole, na odi bosɔ ngulu emole moolive.

1 Bakolinto 9:12

Isa ojimakani bo bakina batongo bakɔe na nu boa, esingaiti so! Iso ko boikɔkɔ boa, pɛpɛ nongo mweka. Bodingoaka oko bodingoa bo botabindaneja Mwako Mopele moMasiya.

1 Bakolinto 9:22

Nadi moyɛmbu ai bayɛmbu, bo nalɛnge bayɛmbu. Nadi tungu jisusu ai bato basusu bo nameke njea jisusu a boheleja bakina bato.

1 Bakolinto 9:24

Otajebakani bo bato bakapota mbambano, bapotaka bo basusu? yona osɔkɔ ndese ko, oko omɔci pɛ. Oko boa toma potani a bosɔ ndese.

2 Bakolinto 2:4

Nasɔnea no boso, na monɔngɔ, na jɔɔlɔ a molema mombi, na mbisoli jinɛnɛ, te bo nakejae no wa, oko bo ojebeni epaeli embi enɛnɛ ai no.

Bagalata 2:5

Iso ko boibabokea, pɛpɛ nongo mweka, bo Mwako Mopele moSoti moyeyoe na nu.

2 Timoteo 2:10

Na mbi nahɔnɔkɔ ngando ji jisusu a mojɔ moBahɔmɔke, ho ’bo pongono basɛ mohelo mua modi ai Masiya Yesu, na ekumu yena edi na hosusu.

2 Timoteo 2:6

Moswa ’gbie, yona okɔkɔ elomu, abwani bosɔ libondo liboso limbuma jigbie.

Baebele 3:1

Baninga basɛnɔke, baya babeama a bokatana a elomu eDiko, toma lɛni Yesu, Obwɛnji na Nganga Monɛnɛ oejimeli esu.

Baebele 3:14

Mojɔ bo libondo lisu lidi a tei eMasiya, bokapea boku oko a suka, ejimeli yena edaka na su a libangake,

1 Pɛtɛlo 5:1

Mbi nalehaka basuku banu, mojɔ bo nadi mosuku mbi mɛnɛ, na monjɛnɛki omadingoa maMasiya, na sangoli olibondo liekumu yena eboloabí ngɔngɔ.

1 Yoane 1:3

Iso botɔndɔkɔ no oko mua monɛ so, na mua moka so, bo okataneni na su; na bokatana bosu bodi na Sango, na Mwana’nde Yesu Masiya.