1 Bakolinto 8:3 - Nouveau Testament en Ngombe 1961

³ Moto ko akapala Njambe, Njambe ajebaka moto omina.

1 Bakolinto 8:3 ပူးပေါင်းရင်းမြစ်များ

Matayo 7:23

Mbi ko nâbatɔndɔ bo, Mbi nitajebaka no nongo mweka. Dongani ya ai mbi, ino bato babikɔmɛli bibe.

Yoane 10:14

Mbi nadi mobanei mopele. Najebaka bambi mɛnɛ, na bambi mɛnɛ bajebaka mbi

Yoane 21:17

Abala na nde bala ejisato bo, Simona mwana ’Yona, opalaka mbi? Pɛtɛlo aka monɔngɔ a molema yana abala Yesu na nde bala ejisato bo, Opalaka mbi? Âmosɔmbeja bo, Kumu, wɛ ojebaka ngando jisusu. Ojebaka bo mbi napalaka wɛ. Yesu abala na nde bo, Bɔkɔ bata bambi.

Baloma 11:2

Njambe alomti nongo bato bande, mojɔ bo ajeba eyou bo badi bato bande. Otaje-bakani mojɔ moElia mua modi a Misɔnɔ? Iyo anga Njambe a bodumba Yisalaele bo,

1 Bakolinto 13:12

Bonjaka edɛye oko a talatala na ehindahindi; bô’nɛnɛ ko ngɔngɔ o bato baya bayɛlɛni. Edɛye, ejebeli embi edi oko ekenge pɛ; a busa bomina ko, nadi bojeba o ajebamaka mbi.

1 Bakolinto 2:9

Mojɔ bo mosɔnɔmɔ bo, Miso mainɛ, matoi maika, Na molema momoto moipaka lɛ Ngando jisɛlingoa Njambe a mojɔ mobato baya bamopalaka.

Bagalata 4:9

E dɛye ko ojebakani Njambe,—gbo oko Njambe yona ojebaka no; oko boa osɔmbɔkɔni koko a ngando jingasangasa jia jipehti nongo ngulu, na opalakani bo odaeni koko a libuli lingando jimina mojɔ moye?

2 Timoteo 2:19

Pɛ mojɔ; eyoeli-ecina embilimake eNjambe eyeyoaka, yena edi na mosɔnɔ mu, Kumu ajebaka bato bande mɛnɛ. na Yɛ moto na moto yona ongaka a kombe eKumu acie bobe.

Yakobo 1:12

Moto akahɔnɔ bomeka, moto omina adi na bojongoa; mojɔ bo, akapasama adi bosɔ likongo libomɔ lidikeja Njambe ai baya bamo-palaka.

Yakobo 2:5

Baninga baepaeli, hokeani. Njambe ahɔ bato babokwali bangondo mojɔ bo likonja libu lidi oko ejimeli, bo badae basangoli baBokumu bodikeja yo ai baya bamopalaka.

1 Pɛtɛlo 1:8

Ino omonɛkinini, omopalakani ko. Nongo adi no pɛ bomonɛ e dɛye, omojimakani, na osepakani a mojɔ monde na sepi pɛ njɛngi yena enɔi kɔpi emoto.

1 Yoane 4:19

Iso ko bodi na ngɛnjɔ, mojɔ bo yo adaka na ngɛnjɔ ai so boso.

1 Yoane 4:7

Baninga baepaeli, yɛni bodae na ngɛnjɔ, moto ai mina’nde moto. Mojɔ bo ngɛnjɔ ehulaka ai Njambe, na moto yona odi na ngɛnjɔ abotama na Njambe na ajebaka Njambe.

Boboloja 2:13

Mbi najebaka esika edi ndako ewɛ; edi oko a esika edi ngɛndɛ eSatana. Opeaka kombe embi boku. Oingana nongo ejimeli embi a masu mawa bo Antipa, motati ombi oejimeli a tei enu, oko a esika eSatana.

Boboloja 2:19

Mbi najebaka bikɔmɛli biwɛ, epaeli ewɛ, ejimeli ewɛ, elomu ewɛ na lingbangba liwɛ. Na bikɔmɛli biwɛ e dɛye na bikɔmɛli biwɛ biboso, mbi najebaka bo bikɔmɛli biwɛ e dɛye binɔi bikɔmɛli biwɛ biboso.

Boboloja 2:9

Mbi najebaka monɔngɔ mowɛ, na bokwali bowɛ (nongo adi wɛ na likonja). Najebaka mojɔ momasingi mabato baya baba-laka bo badi BaYuda, na baditi BaYuda; badi oko sinagoge eSatana.