1 Bakolinto 6:9 - Nouveau Testament en Ngombe 1961

⁹ Otajebakani bo bato babe batasangoa Bokumu boNjambe? T’opanganeni; bato balisɔngi bato babole, bato babɔɔli, bimwalimwali, bibamibami,

1 Bakolinto 6:9 ပူးပေါင်းရင်းမြစ်များ

Matayo 19:29

Moto akakina ndako, isa bananango, isa ngɛnɛ, isa sango, isa nango, isa bana, isa gbie, a mojɔ mokombe embi, adi bosɔ libondo lia linɔi na bonɛnɛ, na adi bosangoa bomɔ bua bodi na bosusu,

Matayo 25:34

A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.

Luka 21:8

Yesu asɔmbeja bo, Toma nganjamani bo bato basaka laboja no. Mojɔ bo bato banɛnɛ bâdoa a kombe embi na bâbala bo, Mbi nadi yo; na, Ehole eba’i mea. Pɛ bosusani bato bamina.

Bikɔmɛli 20:32

Edɛye nakmaka no a mɔmɔ maNjambe na ebaeli emonganji monde. Iyo adi na ngulu a bombilimeja no, na adi bopa no lisango linu a tei ebato basusu baya bahɛngɛmɛ ai yo.

Bikɔmɛli 24:25

Yana alehaka yo a mojɔ mobodongo na bosangbindea na esambi ebodoa, Pelike adaka na bɔ. Abala na Paulo bo, Peta kɛ edɛye; ekina ndɔndɔ, nakaboloja njea, nadi bobea wɛ.

Baloma 1:18

Njambe aneja kɛlɛ ende, na edonga oho Diko a mojɔ mobosɛtɔ na bobe bobato, mojɔ bo bobe bobu bobindanejaka Soti.

1 Bakolinto 15:33

Yɛ bosakoseani! Mambaci mabe mabejeka ekɔmɛli epele emoto.

1 Bakolinto 15:50

Baninga, mbi natɔndɔkɔ no bo mini na makia mabwaniti bosangoa Bokumu boNjambe; na eka ebopɔ ebwaniti bosangoa yena edi na bosusu.

1 Bakolinto 3:16

Ino otajebakani bo odini tempelo eNjambe, na bo Mwembo moNjambe modi a tei enu?

1 Bakolinto 5:1

Bato babalaka bo bɔɔli bodi a tei enu. Nongo bapakano bataje-baka bɔɔli bomina, bo moto adae na mwali osangwa’nde.

1 Bakolinto 5:10

Cina emina editi bo obambaeni bato balisɔngi bangondo ye, na bato bambengea, na bato baliba, na bato babole. Ekada boa, ka odini bodonga a ngondo oko bodonga.

1 Bakolinto 5:11

Mbi nasɔnea no bo otapanganani na moto oDenga yona odi na lisɔngi, isa mbengea, isa moto obole, isa moto oebaeli ebe, isa moto obolangoa, isa mobi. Obwanitini boyaka dia na moto yona odi na bikɔmɛli bimina.

1 Bakolinto 6:10

babi, bato bambengea, bato babolangoa, babosambolu, na mibɛngɔ, batasangoa nongo Bokumu boNjambe.

1 Bakolinto 6:18

Toma gbeseani bɔɔli. Bobe botongo bokɔkɔ moto bocingiti na mokuku; moto ko yona ongɛkɛ bɔɔli akɔkɔ bobe a mokuku monde mɛnɛ.

1 Bakolinto 6:19

Otajebakani bo mikuku minu midi tempelo eMwembo Mosɛnɔke; mojɔ bo Mwembo Mosɛnɔke modi a tei enu? Omosɔni ai Njambe.

1 Bakolinto 9:24

Otajebakani bo bato bakapota mbambano, bapotaka bo basusu? yona osɔkɔ ndese ko, oko omɔci pɛ. Oko boa toma potani a bosɔ ndese.

2 Bakolinto 12:21

Nadi na mokakwano isa Njambe adi bokeja mbi sɔni a boso bonu a bodoa bombi; isa nadi boyea bio a mojɔ mobato banɛnɛ baya bakɔ bobe boso, na bajasakini dosa a mojɔ mobikɔmɛli bibu bibosɔtɔ, na bɔɔli, na bosambolu.

Bagalata 6:7

T’osakoseeni oko; moto atasɛkɛ Njambe, mojɔ bo moto adi bojua oko jia jinaka yo.

Bakɔlɔsai 3:5

A mojɔ momina toma wejani ngando jingondo ye a tei enu, bɔɔli, mijɔ Mibosambolu, lisɔngi, posa jibe, mbengea. (Mojɔ momina modi bosakoa bobokosea.)

Baebele 12:14

Kɔni na ngulu enu esusu bo odaeni na bato basusu oko bowi, na bo odaeni na bosɛnɔ, mojɔ bo moto amiti da na bosɛnɔ atanɛ nongo Kumu.

Baebele 12:16

Nganjamani bo okwa onu atada moto obɔɔli, pɛpɛ ejimeli, o adaka Esau yona osɔmbɔtɔnɔ lisango linde lisɔmi a mojɔ moteni emɔci edia.

Baebele 13:4

Bolongana bobwani boda mojɔ molisuma ai bato basusu, na esambe emomi na mwali ebwani boda na bosɛnɔ. Mojɔ bo Njambe adi bosambeja bato balisɔngi na bato babɔɔli.

Yakobo 1:16

Pɛ bobungani, baninga baepaeli.

1 Yoane 3:7

Bana bambi, T’ojimeni oko bo moto alabojae no. Yona odi na ekɔmɛli ebodongo adi moto obodongo, o adi yo na bodongo.

Boboloja 21:8

A mojɔ mobimɛli ko, na baya bapeliti ejimeli, na bato babosambolu, na bawoi, na bato babɔɔli, na bato bademba, na basakoi babilimo, na bakosei basusu,—libondo libu lidi oko a libale limosa na supulu; bogwa bomina bodi bogwa bomabae.

Boboloja 22:15

Sokolu ko, oko mbwa, na bato bademba, na bato babɔɔli, na bawoi, na basakoi babilimo, na basusu baya bapalaka na bakɔkɔ bokosea.