1 Bakolinto 5:11 - Nouveau Testament en Ngombe 1961

¹¹ Mbi nasɔnea no bo otapanganani na moto oDenga yona odi na lisɔngi, isa mbengea, isa moto obole, isa moto oebaeli ebe, isa moto obolangoa, isa mobi. Obwanitini boyaka dia na moto yona odi na bikɔmɛli bimina.

1 Bakolinto 5:11 ပူးပေါင်းရင်းမြစ်များ

Matayo 18:17

Akalona bobahokea, jebeja Denga mojɔ momina. Akalona koko bohokea Denga, yɛ adae o mopakano na moputejai otako a miso mawɛ.

Matayo 23:25

Monɔngɔ ai no basɔni na BaPalusi, no bakosei! Osɛnojakani kɔpɔ na saani oko a sokolu; jilumi ko a tei oko na liba na lisɔngi.

Luka 18:11

MoPalusi angɔ, anga a tei ende na bikenge bi, Njambe, mbi nasakoaka wɛ cina bo mbi naditi na ekɔmɛli ebato batongo. Ibo badi bato bambengea, bato babokosea, bato babɔɔli; na so na moputeja yona otako, bosangiti nongo.

Luka 21:34

Toma nganjamani na nu bɛnɛ ko, bo milema minu misaka beha na magola, na malango, na mikakwano mingondo ye, bo osaka nɛni busa bomina mbalakaka;

Bikɔmɛli 1:15

Pɛtɛlo angɔ bokina busa a likita libaninga, (badaka baboli isa bato mokama na domi-ibae na dea) na abala bo,

Bikɔmɛli 9:17

Anania akɛ na akwea a ndako emina. Abakea mɔmɔ ai Saula, abala na nde bo, Mwangwa’mbi Saula, Kumu Yesu yona osanejabi ai wɛ yana adalakabi wɛ a njea, alomi mbi bo osɛ koko njɛnɛ ewɛ, na bo olume na Mwembo Mosɛnɔke.

Baloma 13:13

Yɛni bodae na ekɔmɛli epele ebato baya badalaka a bohu, te na ebueli na bolangoa, isa na ndukeli na lisɔngi, isa na miano na likaka.

Baloma 16:17

Baninga, mbi nangɔɔnɔkɔ no bo onganjameni a mojɔ mobato baya bapangoaka na basakejaka bato libaku, baya balonaka bokoja bosɔ no; pɛ bopanganani na bu.

1 Bakolinto 10:14

A mojɔ momina baninga, toma gbeseani bosakoa bobilimo.

1 Bakolinto 11:21

Mojɔ bo, yana ayakaka no, moto na moto ayakaka mia mande mɛnɛ; na okina adi ngasa na otongo alangoi.

1 Bakolinto 5:13

Njambe asambejaka baya badi a sokolu. Dongejani moto mobe yona odi a tei enu.

1 Bakolinto 6:10

babi, bato bambengea, bato babolangoa, babosambolu, na mibɛngɔ, batasangoa nongo Bokumu boNjambe.

1 Bakolinto 6:6

Moto na moto ko akɛkɛ na mwangwa’nde a esambi, ee, esambi ebato baya badi pɛ bojima Njambe.

1 Bakolinto 6:9

Otajebakani bo bato babe batasangoa Bokumu boNjambe? T’opanganeni; bato balisɔngi bato babole, bato babɔɔli, bimwalimwali, bibamibami,

1 Bakolinto 7:12

Eleho embi ai bato batongo, te eleho eKumu, edi oko ye; isa moto oDenga adi na mwali yona odi pɛ hojima Njambe, na apalaka bo adae na muma’nde, momi omina abwaniti bomodongeja.

1 Bakolinto 7:15

Isa momi, isa mwali, yona odi pɛ bojima Njambe apalaka adonge, yɛ adonge. Ekada boa, moto oDenga, isa momi isa mwali, aditi na mbɔci. Mojɔ bo Njambe abea so bo bodae na bowi.

1 Bakolinto 8:11

Oko boa, moto yona moyɛmbu, oko mwangwao mɛnɛ, adi bobeha a mojɔ moejebeli ewɛ; na Masiya agwea moto omina.

Bagalata 2:12

Yakobo aloma bakina bato oho, na yana adaka bo pɛ bopeta mea, Pɛtɛlo ayakaka na bapakano. Yana ko amea bato bamina, asahɛngɛ, na abɔtɔnɔ na bapakano, mojɔ bo abangaka BaYuda.

Baɛpɛsɔ 5:18

T’olangoeni oko na vino; mojɔ momina modi bosambolu; endele ko dani balumake na Mwembo.

Baɛpɛsɔ 5:5

Toma iebani mojɔ mu na soti; pɛpɛ nongo moto obɔɔli, pɛpɛ nongo moto obosambolu, pɛpɛ nongo moto ombengea (cina emina edi moto yona osakoaka njambe obokosea) odi bosangoa lisango a Bokumu boMasiya na boNjambe.

Bakɔlɔsai 3:5

A mojɔ momina toma wejani ngando jingondo ye a tei enu, bɔɔli, mijɔ Mibosambolu, lisɔngi, posa jibe, mbengea. (Mojɔ momina modi bosakoa bobokosea.)

2 Batɛsalɔnike 3:14

Moto akalona bosuma mijɔ Mibalaka so a mokanda mu, mombeteani; t’okataneni oko na nde, bo omokejaeni sɔni.

2 Batɛsalɔnike 3:6

Iso bobekeaka no baninga a kombe eKumu osu Yesu Masiya bo obɔtɔneni na baninga basusu baya badi na ekɔmɛli ebe, baya badi pɛ bosuma bokoja bosɔ no ai so.

1 Timoteo 3:3

te nongo moto obolangoa, isa moto okɛlɛ, oko moto obowi; te nongo moto omiano, isa moto yona odi na posa eli-konja.

1 Timoteo 6:5

na bibalabala a tei ebato baya badi balaboake a milema Mibu; bapeliti nongo mojɔ mosoti, na badingaka bo ejimeli al Njambe edi njea a bokonja likonja.

2 Yoane 1:10

Moto akadoa ai no yona oditi na bokoja bomina, pɛ bomosɔni a ndako, pɛ bomobɛjɛni njɛbɛ;

Boboloja 2:14

Endele ko, nadi na wɛ mikina mijɔ. Odi na bakwa bato oho baya bajimaka bokoja boBalama, yona okoja Balaka bo asakejae bana baYisalaele libaku, bo bayake masiko maya mapama ai banjambe babokosea, na bo bakɔe mijɔ Mibosambolu.

Boboloja 2:20

Endele ko, nadi na wɛ mojɔ mu; ojimaka bo Yesabela, mwali yona obalaka bo adi motɔndɔi, akojae na alabojae bakɔmɛli bambi a bokɔ ngando jibosambolu, na a boyaka masiko maya mapama ai banjambe babokosea.

Boboloja 21:8

A mojɔ mobimɛli ko, na baya bapeliti ejimeli, na bato babosambolu, na bawoi, na bato babɔɔli, na bato bademba, na basakoi babilimo, na bakosei basusu,—libondo libu lidi oko a libale limosa na supulu; bogwa bomina bodi bogwa bomabae.

Boboloja 22:15

Sokolu ko, oko mbwa, na bato bademba, na bato babɔɔli, na bawoi, na basakoi babilimo, na basusu baya bapalaka na bakɔkɔ bokosea.