1 Bakolinto 4:5 - Nouveau Testament en Ngombe 1961

⁵ Oko boa, pɛ bosambejani oko ehole ebwanakini. Kumu akadoa, yo adi bomeja ngando jibombamake jimodidi a bohu, na adi boboloja ndungu jimilema mibato. A ehole emina, moto na moto adi bosɔ ndese ende ai Njambe.

1 Bakolinto 4:5 ပူးပေါင်းရင်းမြစ်များ

Matayo 10:26

Yɛni ko bobanga bato bamina; mojɔ bo ngando jisusu jia jikundami jîkundoama, na jia jibombami jîboloa.

Matayo 24:30

Embete eMwana ’Moto êmana oho Diko a ehole emina. Makota masusu mangondo mâyea bio, na bânɛ Mwana ’Moto akadoe a biyembi bidiko na kpaci na ekumu enɛnɛ.

Matayo 24:46

Moswa’nde akahula, na akamotana a elomu, adi bosepa na mokɔmɛli omina.

Matayo 25:21

Moswa ’nde abala na nde bo, Bopele! wɛ odi mokɔmɛli mopele; obɔngi. Alongi wɛ na libondo likɛkɛ, nadi bokina leka lonɛnɛ a mɔmɔ mawɛ. Doa a bosepa na moswa’wɛ.

Matayo 25:23

Moswa’nde abala na nde bo, Bopele! wɛ odi mokɔmɛli mopele; obɔngi. Alongi wɛ na libondo likɛkɛ, nadi bokina leka lonɛnɛ a mɔmɔ mawɛ. Doa a bosepa na moswa’wɛ.

Luka 6:37

T’osambejaeni oko, na ôtasambani; t’odumbeni oko na ôtadumbamani; kinani jibe, na bâkina jibe jinu.

Yoane 21:22

Yesu amosɔmbeja bo, Mbi nakajima bo yo ayeyoe oko a lihule limbi, moditi mojɔ mowɛ. Wɛ, susa mbi.

Yoane 21:23

Oko boa, mojɔ monangana a tei ebaninga bo mocingami omina atagwa. Yesu ko aibala bo atagwa. Abala bo, Mbi nakajima bo yo ayeyoe oko a lihule limbi, moditi mojɔ mowɛ.

Yoane 5:44

Ino odini bojima na ye? mojɔ bo osɔkɔni oko ekumu enu ai bato batongo; otadukakani nongo ekumu yena ehulaka ai Njambe pɛ.

Baloma 14:4

Wɛ nda? Wɛ obwani bosambeja mokɔmɛli omoto otongo? Moswa’nde mɛnɛ ajebaka isa amai mema isa akwi. Adi bo’ma mema ko, mojɔ bo Kumu adi na ngulu bo amombilimejae.

Baloma 2:1

Oko boa opeliti mokalo, wɛ moto yona osambejaka otongo. Mojɔ bo okasambeja moto otongo, osadumbaka wɛ mɛnɛ, cina bo, wɛ yona osambejaka okɔkɔ ngando jimina wɛ mɛnɛ.

Baloma 2:16

Mojɔ mu modabi bohu a busa bosambejabí Njambe mijɔ mibombamake mibato, oko na Masiya Yesu; mwako mombi modi oko boa.

Baloma 2:29

Moto adi MoYuda, isa adi MoYuda a tei; bolena boganda bosoti bodi mojɔ momolema na momwembo, te nongo momokuku; bodi a mojɔ moesako eNjambe te a mojɔ momoto.

Baloma 2:7

adi bopa bomɔ bua bodi na bosusu ai bato baya badi na lingbangba a bikɔmɛli bipele, baya badukaka ekumu, na lisuma, na bomɔ bua bodi na bosusu.

1 Bakolinto 1:7

A mojɔ momina, pɛpɛ nongo ekina epeeli eMwembo ebwani botaka na nu. Ombakani oko bodoa boKumu osu Yesu Masiya.

1 Bakolinto 11:16

Isa okina moto ko adi na kitɛ, so boditi na ekina ekɔmɛli etongo, isa Menga maNjambe.

1 Bakolinto 11:26

Mojɔ bo, bihole bisusu biyakaka no molɛmbɛ mu, na bimwakaka no kɔpɔ ye, otɔndɔkɔni mwako mobogwa boKumu oko a bodoa bonde koko.

1 Bakolinto 15:23

Masiya adi o mbuma eboso, ngɔngɔ jinde oko baya badi bato bande a bodoa bonde.

1 Bakolinto 3:13

mojɔ bo Busa bomina bobo-lojabí elomu emina a bohu. Eboloabí oko na mosa. Mosa momina modi bomeka elomu emoto na moto.

1 Bakolinto 3:14

Moto akayoa diko dieyoeli ecina, na elomu ende ekayeyoa, moto omina adi bosɔ ndese.

1 Bakolinto 3:8

Yona onaka ngua na yona omɛsɛkɛ madiba badi amɛci; na moto na moto adi bosɔ ndese yena ebwani na elomu ende.

2 Bakolinto 10:18

Mojɔ bo, Kumu akalongeja moto, moto omina adi molongi, te moto yona osalongejaka yo mɛnɛ.

2 Bakolinto 10:9

Nitapalaka bo bato balɛe bo nangbengbejaka no na mikanda mimbi.

2 Bakolinto 4:2

Iso boloni bikɔmɛli bibosambolu na bipoloso; ekɔmɛli esu editi nongo na epulu; botahekojaka Ebaeli eNjambe a ekina cina etongo. Botɔndɔkɔ mijɔ misoti a bohu, bo bodae na lilonga a boso bobato basusu, na a boso boNjambe.

2 Bakolinto 5:10

Mojɔ bo, iso basusu bodi bo’ma a bohu a boso bomongbɛlɛngɔ moesambi eMasiya, bo moto na moto asɛ ndese ende a mojɔ mobopele, isa a mojɔ mobobe bokɔ yo a mokuku mu.

1 Batɛsalɔnike 5:2

Ojebakani no bɛnɛ bo Busa boKumu bodi bodoa o adoaka mobi na bulu.

Baebele 4:13

Pɛpɛ nongo moto odi bosabomba ai yo, na mijɔ misusu midi bohu na mbundu mɛnɛ a miso mande yona osambejaka so.

Yakobo 4:11

Baninga, t’olɔngɔneni oko. Moto akalɔngɔ mwangwa’nde, isa akasambeja mwangwa’nde, alɔngɔkɔ Mibeko, na asambejaka Mibeko. Isa osambejaka Mibeko, otasumaka Mibeko, na osabakeaka juji.

Yakobo 5:7

Baninga, toma dani na lingbangba oko a bodoa boKumu. Anjani moto yona odi na gbie; yo ambaka mbuma jipele jigbie, na adi na lingbangba oko a ehole ekwaka mbua baboso na mbua basuka a gbie.

Yakobo 5:9

T’ohimaneni oko baninga, osaka sambani. Hokeani; juji adi a modipe.

1 Pɛtɛlo 1:7

Oko boa, bomeka boejimeli enu bôda na bosakoa, na ekumu, na lisuma, a bodoa boYesu Masiya. Mojɔ bo, isa bamekaka wɔlɔ na mosa, wɔlɔ eka ebobeha, esingaiti ejimeli enu yena enɔi wɔlɔ na yumu.

1 Pɛtɛlo 5:4

Na Mobanei Monɛnɛ akadoa, ôsɔni corona eekumu yena etagwa.

Mokanda Momibae Mosɔnɔ Pɛtɛlo - 2PE 3:12

yana ambaka no bodoa bobusa bua boNjambe na posa enɛnɛ; mojɔ bo Busa mɛnɛ bodi bongoa na bonangoa, na njɔtɔ badi bonangoa na mosa pongono.

Mokanda Momibae Mosɔnɔ Pɛtɛlo - 2PE 3:4

Badi bosuma oko posa jibu bɛnɛ; badi bobala bo, Sako ebodoa bonde edi jɔ? Mojɔ bo, banga na boyoa bongondo, na ehole egwa basangwa’su, ngando jisusu jidi oko amɛci.

Yuda 1:14

Anoka, yona odaka a elulu esambo ngɔngɔ jiAdama, apa koko eseko a mojɔ mobato bamina; abala bo, Anjani, Kumu akɛkɛ adoe na mandundu mabasɛnɔke bande

Boboloja 1:7

Hokeani; akɛkɛ adoe na biyembi. Miso masusu madi bomonɛ, na baya bamondea pongono. Na makota masusu mangondo mâyea bio a mojɔ monde. Ee, Amen.

Boboloja 20:12

Nanɛ koko bagwake, banɛnɛnɛ na bakɛkɛlɛkɛ; badaka ba’mi a boso bongɛndɛ. Mikanda midipoama. Na mokina mokanda motongo modipoama, oko mokanda mobomɔ. Na bagwake basamba a mojɔ mobikɔmɛli bibu bia bisɔnɔmɔ a mikanda.