1 Bakolinto 3:18 - Nouveau Testament en Ngombe 1961

¹⁸ Moto abwaniti bosakosea. Okina onu akalɛ bo adi na bowɛi bongondo ye, yɛ apete da oko egegele, bo adae moto obowɛi soti.

1 Bakolinto 3:18 ပူးပေါင်းရင်းမြစ်များ

Matayo 13:22

Ngua jia jikwa a bisika bidaka njani jidi oko mwako mokaka moto, Mwako ko mogbokaka oko na mikakwano a mojɔ mongando jingondo ye, a mojɔ mobokosea bomakonja, na motabotaka nongo.

Matayo 18:4

Moto akasatiteja bo adae o adi mwana yoyo, yo âda boso a Bokumu boDiko.

Malako 10:15

Mbi natɔndɔkɔ no na soti bo moto amiti sɔ Bokumu boNjambe o eltɔmɛli emwana mokɛkɛlɛkɛ, atakwea nongo ena.

Luka 18:17

Mbi natɔndɔkɔ no na soti bo, moto amiti sɔ Bokumu boNjambe na ekɔmɛli emwana mokɛkɛlɛkɛ, atakwea nongo ena.

Luka 21:8

Yesu asɔmbeja bo, Toma nganjamani bo bato basaka laboja no. Mojɔ bo bato banɛnɛ bâdoa a kombe embi na bâbala bo, Mbi nadi yo; na, Ehole eba’i mea. Pɛ bosusani bato bamina.

Baloma 11:25

Baninga, mbi napalaka bo ocingeeni mojɔ mu mobombamake, osaka dani na egbo. Modi oko bo likma libondo liYisalaele lidi na miso mago, na bâda boa oko a ehole êbwana etango ebapakano.

Baloma 12:16

Dani na molema momɔci. T’odaeni oko na jala a milema minu; katanani na bato baya badi na milema mititake. Pɛ bosakumejani na bowɛi bonu.

1 Bakolinto 15:33

Yɛ bosakoseani! Mambaci mabe mabejeka ekɔmɛli epele emoto.

1 Bakolinto 3:17

Moto akabeja tempelo eNjambe, Njambe adi bomobeja yo pongono. Mojɔ bo tempelo eNjambe edi esɛnɔke, na mo odini tempelo emina.

1 Bakolinto 4:10

Iso bodi oko bigegele a mojɔ moMasiya. Ino ko odini na bowɛi a tei eMasiya! Iso bodi bayɛmbu; mo ko odini bapipo! Ino odini na ekumu; iso ko bosamboi.

1 Bakolinto 6:9

Otajebakani bo bato babe batasangoa Bokumu boNjambe? T’opanganeni; bato balisɔngi bato babole, bato babɔɔli, bimwalimwali, bibamibami,

Bagalata 6:3

Moto yona odi oko moto-ngasa pɛ, akalɛ bo adi moto monɛnɛ, usakoseaka yo mɛnɛ.

Bagalata 6:7

T’osakoseeni oko; moto atasɛkɛ Njambe, mojɔ bo moto adi bojua oko jia jinaka yo.

Baɛpɛsɔ 5:6

T’ojimeni oko bo moto akosee no na ebalabala, mojɔ bo kɛlɛ eNjambe edi ai bana balipanga a mojɔ mongando jimina.

2 Timoteo 3:13

Bato babe ko, na bato babokosea badi bohɛ na bobe; badi balaboake bo bɛnɛ, na balabojaka bato batongo pongono.

Tito 3:3

Mojɔ bo so bɛnɛ bodaka boso na bogegele, na lipanga, bato balaboake, na babuli baposa jibe, na balisɔngi. Mida misu midaka masu masusu oko na bobe na likaka. Bato balona so, na so bolonana so bɛnɛ.

Yakobo 1:22

Kɔni o akojaka Ebaeli. T’odaeni oko bato baya ba’kaka pɛ, baya basakoseaka bo bɛnɛ.

Yakobo 1:26

Isa moto alɛkɛ bo adi na ejimeli ai Njambe, pɛ ko bogbokeja yemi ende, akoseaka molema monde mɛnɛ; ejimeli emoto omina edi eka engasa.

1 Yoane 1:8

Boka-bala bo boditi na bobe, bosakoseaka So bɛnɛ, na Soti editi a tei esu.