1 Bakolinto 3:10 - Nouveau Testament en Ngombe 1961

¹⁰ Njambe akɔni monganji bo nadae moyoeli obowɛi. Natanda matai macina, na moto otongo ayoaka diko. Moto na moto yona oyoaka abwani bonganjama na eyoeli ende.

1 Bakolinto 3:10 ပူးပေါင်းရင်းမြစ်များ

Matayo 24:45

Mokɔmɛli olisuma na bopasa adi jɔ, yona obwani bosɔ kpaci ai moswa’nde a bobanea ndako ende, na a bopa bato mia a ehole eboyaka?

Matayo 7:24

Moto yona o’kaka bikenge bi bimbi, na asumaka bikenge bimina, adi o moto obowɛi yona oyoa ndako ende a diko dilitai.

Luka 11:35

Oko boa, toma nganjama bo bohu bua bodi a tei ewɛ bosaka da oko modidi.

Luka 21:8

Yesu asɔmbeja bo, Toma nganjamani bo bato basaka laboja no. Mojɔ bo bato banɛnɛ bâdoa a kombe embi na bâbala bo, Mbi nadi yo; na, Ehole eba’i mea. Pɛ bosusani bato bamina.

Bikɔmɛli 18:27

Yana akana yo bo akɛe a Akaya, bato baDenga bamokɔmeja, na basɔnea bacingami oho mokanda bo bamosɛ bopele. Amea yo oho, akɔmeja bou mɛnɛ bato baya bama jima oko na monganji moNjambe,

Baloma 1:5

Iso bosɔ monganji na elomu ebabwɛnji oko ai yo, bo bohekojae makota masusu a lisuma hejimeli a mojɔ mokombe ende.

Baloma 12:3

Mbi nalehaka no basusu na monganji mosɔ mbi, bo moto atasakumeja yo mɛnɛ. Adi bosa’ngɛ na bolɛ, na mwɛngi moejimeli mokabaka Njambe ai moto na moto.

Baloma 15:15

Endele ko, mbi nasɔnei no mikina mijɔ na ebaeli epipo a bolɛjɛ no, mojɔ bo Njambe akɔni monganji

Baloma 15:20

Mojɔ bo posa embi edaka bo natɔndɔe Mwako Mopele a makota maya maipaka ka kombe eMasiya, bo nasaka yoa a diko dieyoeli-ecina emoto otongo.

1 Bakolinto 3:11

Eyoeli-ecina edi oko Yesu Masiya; pɛpɛ nongo moto odi boyoa eyoeli-ecina etongo.

1 Bakolinto 9:2

Isa batongo bataji-maka bo nadi obwɛnji, nadi obwɛnji ai no, mojɔ bo odini embete bo Kumu apani elomu eobwɛnji.

2 Bakolinto 10:15

Botasakumejaka ngasa; bota-sakumejaka a mojɔ mobilomu bibato batongo; na ejimeli enu ekahɛ, njingo esu edi bo mwei moelomu esu a tei enu modi bokɛ bohali mɛnɛ,

Baɛpɛsɔ 2:20

Babwɛnji na batɔndɔi badi eyoeli-ecina enu, na Masiya Yesu yo mɛnɛ adi litai limogbukusu.

Bakɔlɔsai 1:29

Elomu ekɔkɔ mbi edi oko a mo jɔ momina; naekɔkɔ na molema mombi mosusu, oko na ngulu ende yena elindaka mbi na bopipo.

Bakɔlɔsai 4:17

Pani Alukipo monɔkɔ mu; Banea elomu esɔ wɛ ai Kumu, bo okɔe elomu emina na soti.

1 Batɛsalɔnike 3:2

Na boloma mwangwa’su Timoteo, mokɔmɛli oNjambe, a elomu eMwako Mopele moMasiya. Bomoloma bo ambilimejae no a ejimeli enu, na a boleha no,

1 Timoteo 4:16

Toma sɛnjɛlɛ bopele a mojɔ mowɛ mɛnɛ, na a mojɔ mobokoja bowɛ. Okakɔ boa, odi bohela wɛ mɛnɛ, na odi boheleja bato baya bakaka wɛ.

2 Timoteo 2:15

Kɔ na ngulu ewɛ esusu bo opasame a boso boNjambe, o moto yona oditi na sɔni a mojɔ moelomu ende, yona odi na bɛtɛ a elomu eEbaeli eSoti.

Yakobo 3:1

Baninga bambi, T’ojimeni oko bo banɛnɛ banu badae bakoja. Mojɔ bo ojebakani bo so baya bakojaka bodi bosamba na esambi epipo.

1 Pɛtɛlo 4:11

Isa moto atɔndɔkɔ mwako, abwani botɔndɔ oko mijɔ miNjambe. Moto akakɔ ekina elomu, abwani boekɔ na ngulu epaka Njambe, bo Njambe asɛ ekumu na ngando jisusu, cina eYesu Masiya. Ekumu na bokumu ai yo oko na bosusu! Amen.

Mokanda Momibae Mosɔnɔ Pɛtɛlo - 2PE 3:15

Jimani bo Kumu osu ambaka na lingbangba a boheleja. Paulo moninga osu oepaeli asɔnea no boa pongono na bowɛi bosɔ yo.

Boboloja 21:14

Mongba mongando modaka na eyoeli-ecina, mboba domi-na-jibae, na kombe jibabwɛnji domi-na-babae ba-Mwana-Bata jidaka a mboba jimina.

Boboloja 21:19

Eyoeli-ecina engando edaka na matai mayumu tungu jisusu. Mboba eboso eyoama na yasepi; yena ejibae sapili;