1 Bakolinto 2:6 - Nouveau Testament en Ngombe 1961

⁶ Iso botɔndɔkɔ ngando jibowɛi oko ai bato bapingamake. Bowɛi bomina ko boditi bowɛi bongondo ye, isa bowɛi bobakumu bangondo ye, baya badi bodimoa.

1 Bakolinto 2:6 ပူးပေါင်းရင်းမြစ်များ

Matayo 13:22

Ngua jia jikwa a bisika bidaka njani jidi oko mwako mokaka moto, Mwako ko mogbokaka oko na mikakwano a mojɔ mongando jingondo ye, a mojɔ mobokosea bomakonja, na motabotaka nongo.

Matayo 19:21

Yesu amosɔmbeja bo, Isa opalaka bobɔngɔ na soti mɛnɛ, kɛ angɛjɛe leka lowɛ losusu, na kaba na bato babokwali, nongo odae na likonja liyumu oho Diko; osa ko odoe a bocingama na mbi.

Matayo 5:48

Ino ko, toma dani babɔngɔke mɛnɛ, mojɔ bo Sangwa’nu yona odi a Diko adi kanga mobɔngɔke mɛnɛ.

Luka 16:8

Kumu okapita mobe amosakoa a mojɔ mobowɛi bonde. Mojɔ bo, bana bangondo ye banɔi bana babohu na bowɛi a mojɔ mongando jibu.

1 Bakolinto 1:28

Njambe ahɔkɔ bato bangasangasa baya bapeliti nongo ekumu a miso mabato, ee oko bato bangasa mɛnɛ, a bodumba ngando jia jidi edɛye.

1 Bakolinto 12:8

Okina asɔkɔ ebaeli ebowɛi a Mwembo, na otongo asɔkɔ ebaeli eejebeli a Mwembo momina.

1 Bakolinto 14:20

Baninga, t’odaeni oko na bocingea bobɛngɛ. Dani na ekɔmɛli ebana bakɛkɛ a mojɔ mobobe; dani basuku ko a mojɔ mobocingea.

1 Bakolinto 2:1

Baninga, yana akɛ mbi ai no a botɔndɔ Mwako Mopele moNjambe, naikɛ nongo na bɛtɛ ekɔpi, isa na bowɛi.

1 Bakolinto 2:13

Iso botɔndɔkɔ ngando ji, oko na bibaeli bikojaka Mwembo so, te nongo na bibaeli bibowɛi bobato. Bokojaka ngando jiMwembo oko na kɔpi eMwembo.

1 Bakolinto 2:8

Bakumu bangondo ye batacingeaka bowɛi bomina. Akɔkɔ bo cingea, ka baiwa Kumu oEkumu a mole-mobokea.

1 Bakolinto 3:1

Baninga, yana atɔndɔ mbi mwako, naihɔnɔ bobala na nu o bato baMwembo. Mojɔ bo odakani bato bamunu; oipaka botamani a tei eMasiya.

2 Bakolinto 1:12

Iso bosepaka na mojɔ mumu; molema mosu motataka bo ekɔmɛli esu a miso mabato, na a miso manu bɛnɛ, edaka na bosɛnɔ na lisuma ai Njambe; te nongo na bowɛi bongondo, oko na mo-nganji moNjambe.

2 Bakolinto 13:11

Mojɔ mosuka baninga,—asɔni njɛbɛ embi. Bɔngejani midi minu. Hokeani eleho embi. Dani na molema momɔci. Dani na bowi, na Njambe obowi lida na nu.

2 Bakolinto 4:3

Isa Mwako Mopele mosu modi mobombamake, mobombami oko ai bato baya bagwaka.

2 Bakolinto 4:4

Mojɔ bo njambe ongondo ye ahua milema mibato bamina baya badi pɛ bojima, bo bata’nɛ bohu boMwako Mopele moekumu eMasiya yona odi elimo eNjambe.

Baɛpɛsɔ 2:2

Mida minu midaka oko moda mongondo ye, na odakani na lisuma ai kumu yona odi na bokumu bonde a pwea, oko mwembo mua modi na ngulu a tei ebana balipanga e dɛye.

Bakɔlɔsai 1:28

Iso botɔndɔkɔ mwako monde; bolehaka bato basusu, na bokojaka bato basusu na bowɛi bosusu, bo bokwejae a boso boNjambe moto na moto mobɔngɔke a tei eMasiya.

Bakɔlɔsai 4:12

Epapulo, moto onu bɛnɛ, alomeaka no njɛbɛ pongono. Iyo adi mokɔmɛli oMasiya, na angaka a mojɔ monu na bingi bihole bisusu, bo odaeni bato bapingake na bambilimake a bosuma bolulea boNjambe bosusu.

Baebele 5:14

Dia lidi a mojɔ mobato bapingake, baya balandoi na ekɔmɛli ebokokeleja mijɔ, baya babwani bobɔteja bopele na bobe.

Baebele 6:1

A mojɔ momina, bobwani bokina mijɔ miMasiya mia midi o mijɔ Mibana, bo bonɔe a mijɔ Mibosuku. Bobwaniti bosɔnibɔ koko a botanda eyoeli-ecina, oko bohekoja bomolema a bokina bilomu bingasangasa, na ejimeli ai Njambe,

Yakobo 3:15

Bowɛi bomina boditi bowɛi boDiko; bodi oko bowɛi bongondo ye, bowɛi bua bocingi na Posa jimokuku, na miembo Mibe.

Yakobo 3:2

Iso basusu bodi na mabunga manɛnɛ. Isa moto aditi nongo na libunga a ebaeli ende, adi moto mobɔngɔke mɛnɛ yona odi na ngulu bo asangbindee mokuku mosusu.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.