1 Bakolinto 15:57 - Nouveau Testament en Ngombe 1961

⁵⁷ Yɛni bosakoe Njambe yona okɔkɔ bo so bogbokejae a mojɔ moKumu osu Yesu Masiya.

1 Bakolinto 15:57 ပူးပေါင်းရင်းမြစ်များ

Yoane 16:33

Mbi nabali na nu ngando ji, bo odaeni na bowi a tei embi. Odani na monɔngɔ a ngondo; pɛ mojɔ; dani oko na sepi, mojɔ bo mbi nagbokejai ngondo.

Bikɔmɛli 27:35

Ama yo bala boa, ami tomba oko molɛmbɛ, asakoa Njambe a boso bobu basusu, abuka molɛmbɛ na abanga boyaka.

Baloma 7:25

Oko Njambe; a mojɔ moYesu Masiya Kumu osu; bosakoa ai yo! Oko boa mbi mɛnɛ nasumaka Mibeko miNjambe na molema mombi; nasumaka ko mobeko mobobe na munu mombi.

Baloma 8:37

Pɛpɛ. Iso bogbokejaka a tei engando ji jisusu na bopipo mɛnɛ, oko na yo yona opalaka so.

1 Bakolinto 15:51

Hokeani! Nadi boboloja mojɔ mobombamake ai no. Iso basusu botahwɛ; iso basusu ko bokindoabí.

2 Bakolinto 1:11

Kɔmejani so na bingeeli binu, bo bato banɛnɛ basakoe Njambe a mojɔ momonganji mosɔ so, cina ebingeeli bibu.

2 Bakolinto 2:14

Mbi nasakoaka Njambe mojɔ bo adalejaka so mondinda na Yesu, na ekumu ende, masu masusu. Na ejebeli ende enanganaka na su a bisika bisusu o soo epele.

2 Bakolinto 9:15

Yɛni bosakoe Njambe a mojɔ moepeeli ende yena enɔi kɔpi emoto.

Baɛpɛsɔ 5:20

Sakoani Njambe Sango bihole hisusu, a mojɔ mongando jisusu, a kombe eKumu osu Yesu Masiya.

Baebele 2:14

Oko boa, isa bana basangoaka mokuku na makia, yo mɛnɛ alwa elimo ebu, bo agbokejae yona odi na kpaci ebogwa, oko Satana mɛnɛ, a mojɔ mobogwa bonde,

Boboloja 12:11

Bamogbokejai a mojɔ momakia maMwana-Bata na a mojɔ moebaeli etati ebu, cina bo baijuma bopa mihelo Mibu, pɛ bobanga bogwa.

Boboloja 21:4

Iyo adi bohakoa mbisoli jisusu a miso mabu. Bogwa botada koko na ikina. Batayea koko kɔndɔ na ikina, pɛpɛ koko bio isa mwano, mojɔ bo ngando jiboso jisia oko bosia.