1 Bakolinto 15:24 - Nouveau Testament en Ngombe 1961

²⁴ Ngɔngɔ jimina, suka emijɔ misusu edoabí. A ehole emina, oko amaka gbokeja makumu masusu, kpaci jisusu, ngulu esusu, asɔmbejabí bokumu ai Njambe Sango.

1 Bakolinto 15:24 ပူးပေါင်းရင်းမြစ်များ

Matayo 10:22

Bato basusu bâlona no a mojɔ mokombe embi. Yona ko ôda mombilimake oko a suka, yo âhela.

Matayo 11:27

Sangwa’mbi apani kpaci a ngando jisusu. Pɛpe nongo moto ojebaka Mwana. Edi oko Sango pɛ yona omojebaka. Pɛpɛ nongo moto ojebaka Sango. Edi oko Mwana pɛ yona omojebaka, Na Mwana akajima, amobolojaka ai bato bo bamojebe.

Matayo 24:13

Moto ko akada na lingbangba oko a suka, moto omina âhela.

Matayo 28:18

Yesu abatama na bu, na abala na bu bo, Kpaci esusu epami ai mbi oho Diko na ya nase.

Luka 10:22

Sangwa’mbi apa leka losusu ai mbi. Pɛpɛ nongo moto ojebaka yona odi Mwana; Sango pɛ ajebaka. Na pɛpɛ nongo moto ojebaka yona odi Sango; Mwana pɛ ajebaka. Mwana akapala, adi bomoboloja ai moto.

Yoane 13:3

Yesu ajeba bo Sango ama kina ngando jisusu a mɔmɔ mande. Ajeba koko bo ama donga ai Njambe, na bo adi bosɔmbɔ ai Njambe.

Yoane 3:35

Sango adi na ngɛnjɔ ai Mwana, na akina mijɔ misusu a mɔmɔ mande.

Baloma 8:38

Mbi najebaka na soti bo pɛpɛ nongo eka emɔci ekɔ Njambe edi na ngulu a bobɔteja so na ngɛnjɔ eNjambe yena edi a tei eMasiya Yesu Kumu osu,

Baɛpɛsɔ 5:20

Sakoani Njambe Sango bihole hisusu, a mojɔ mongando jisusu, a kombe eKumu osu Yesu Masiya.

Bakɔlɔsai 2:10

na bomɔ bodi bolumeja no, oko a tei ende yona odi Kumu omakumu masusu na bakumu basusu.

Bakɔlɔsai 2:15

Abeja makumu na bakumu; abasambo-ja a boso bobato na abagbokeja a mole-mobokea.

1 Timoteo 6:15

Iyona obojongoa, yona odi na ngulu esusu, Koi o baroi, na Kumu obakumu, adi boneja mojɔ momina oko ehole ekabwana.

1 Pɛtɛlo 4:7

Suka engando jisusu edi hulelu; a mojɔ momina, sangbindeani, na dani na mongangele a mojɔ mobo’nga.

Mokanda Momibae Mosɔnɔ Pɛtɛlo - 2PE 1:11

Oko boa, njea ebokwea a Bokumu boKumu osu Yesu Masiya, bua bodi na bosusu, êda kanga bohu mɛnɛ ai no.