1 Bakolinto 14:4 - Nouveau Testament en Ngombe 1961

⁴ Moto akabala na kɔpi etongo asapingejaka oko yo mɛnɛ pɛ; yona ko otɔndɔkɔ mwako, apingejaka Denga.

1 Bakolinto 14:4 ပူးပေါင်းရင်းမြစ်များ

Malako 16:17

Baya bâjima badi bokɔ bimbete bi; lɔâmeja miembo mibe a kombe embi. Bâbala na kɔpi jitongo.

Baloma 14:19

Oko boa, kinani milema misu midae oko na posa a ngando jibowi, ho bokɔmejane moto na moto.

1 Bakolinto 12:10

Okina asɔkɔ epeeli a bokɔ mindumba, na otongo asɔkɔ epeeli a botɔndɔ mwako moNjambe. Okina asɔkɔ epeeli a bombetea miembo, na otongo asɔkɔ epeeli ekɔpi jitongo-tongo, na otongo koko a’kaka kɔpi jitongo-tongo.

1 Bakolinto 12:28

Njambe akolea bato a tei eDenga, boso oko babwɛnji, na ngɔngɔ jibu oko batɔndɔi. Bacingi na bu ngɔngɔ oko bakoja, na bato baya bakɔkɔ mindumba, bato basengo, bakɔmeja, bato babilomu, bato bakɔpi jinɛnɛ.

1 Bakolinto 13:1

Nongo nakabala na kɔpi jibato, isa jibabwɛnji-badiko, na napeliti epaeli, nadi oko doi dieboli, isa lisanga lia likɔkɔ ngɛ-ngɛ-ngɛ.

1 Bakolinto 13:2

Namiti da na epaeli, nadi eka engasa mɛnɛ; nongo nakatɔndɔ mwako, nongo nakacingea ngando jibombamake, nongo nakada na ejebeli esusu, nongo nakada na ejimeli enɛnɛ a bodongeja meno minɛnɛnɛ, pɛ mojɔ.

1 Bakolinto 14:12

Oko boa, ino okamboani bipeeli bimwembo, dani oko na posa ebipeeli bia bidi bokɔmeja Denga na soti.

1 Bakolinto 14:22

Oko boa, kɔpi jidi oko embete ai bato baya bajimakini, te nongo ai bato baejimeli. Etɔndɛli ko emwako moNjambe edi embete ai baya bajimaka, te nongo ai baya bajimakini.

1 Bakolinto 14:26

Cina emina edi bo, baninga? Edi oko bo, omakatitanani, isa okina onu adi na eyembo, na otongo adi na eleho, isa na bokoja, isa na kɔpi, isa na bocingea, kɔni ngando jisusu a bopingeja ejimeli enu.

1 Bakolinto 14:3

Moto ko yona otɔndɔkɔ mwako, abalaka na bato bo abalehe, abakɔmejae, na agɔmbejae milema mibu.

1 Bakolinto 14:5

Mbi napalaka bo obaleni no basusu na kɔpi jitongo, bou oko bo otɔndɔeni mwako. Moto akabala na kɔpi jitongo, pɛ ko bojebeja Denga cina emina, atakɔmeja Denga. Oko boa yona otɔndɔkɔ mwako adi boso bonde.