1 Bakolinto 14:20 - Nouveau Testament en Ngombe 1961

²⁰ Baninga, t’odaeni oko na bocingea bobɛngɛ. Dani na ekɔmɛli ebana bakɛkɛ a mojɔ mobobe; dani basuku ko a mojɔ mobocingea.

1 Bakolinto 14:20 ပူးပေါင်းရင်းမြစ်များ

Matayo 11:25

A ehole emina, Yesu abala bo, Sesa, Kumu oDiko na nase, mbi nasakoaka wɛ cina bo obomba ngando jiji ai bato babowɛi, ai bato baya bacingeaka mijɔ, na ojibolojai ai bana bakɛkɛ.

Matayo 18:3

na abala bo, Mbi natɔndɔkɔ no na soti bo omiti kindoani, bo odaeni o bana bakɛkɛlɛkɛ, otakweani nongo a Bokumu boDiko.

Matayo 19:14

Yesu ko abala bo, Kinani bana ba bakɛkɛ; yɛni badoe ai mbi, mojɔ bo Bokumu boDiko bodi oko ai bo.

Matayo 19:4

Iyo abasɔmbeja bo, Ino olangakinini bo yona obakɔ a bobanga, abakɔ momi na mwali,

Malako 10:15

Mbi natɔndɔkɔ no na soti bo moto amiti sɔ Bokumu boNjambe o eltɔmɛli emwana mokɛkɛlɛkɛ, atakwea nongo ena.

Luka 18:17

Mbi natɔndɔkɔ no na soti bo, moto amiti sɔ Bokumu boNjambe na ekɔmɛli emwana mokɛkɛlɛkɛ, atakwea nongo ena.

Baloma 1:13

Baninga, napalaka najebejae no bo nadaka na mokano mobodoa oho ai no bihole binɛnɛ, bo nadae na likina lituna a tei enu o adi mbi na lituna a makota matongo; nanɛkini ko njea.

Baloma 16:19

Bato basusu bajebaka mojɔ molisuma linu, na mbi nasepaka a mojɔ monu. Endele ko, napalaka bo ejebeli enu edae oko a ngando jipele; a mojɔ mobobe, dani o bana.

1 Bakolinto 13:11

Amaka mbi da yɛngɛ, nadaka na ebaeli eyɛngɛ, bolɛ bombi bodaka bolɛ boyɛngɛ, molema mombi modaka molema moyɛngɛ; ama mbi kandoa ko, nami kina oko ngando jibwɛngɛ.

1 Bakolinto 14:19

Endele ko, na bobala bikenge koto domi na kɔpi etongo, na bikenge bitano na bocingea bombi mɛnɛ, napalaka gbo oko bo nabale na Denga oko na bikenge bitano na bocingea.

1 Bakolinto 2:6

Iso botɔndɔkɔ ngando jibowɛi oko ai bato bapingamake. Bowɛi bomina ko boditi bowɛi bongondo ye, isa bowɛi bobakumu bangondo ye, baya badi bodimoa.

Baɛpɛsɔ 4:13

oko a ehole ehomea bosu basusu a boka-tana boejimeli, na a ejebeli eMwana ’Njambe, bo bokandoe bato bapingake, na bo mwɛngi mosu mobwane na mwɛngi mobobɔngɔ boMasiya.

Bafilipoi 1:9

Na mojɔ mongaka mbi modi bo epaeli enu ehɛe bou mɛnɛ, na bo elume na ejebeli na bocingea,

Bafilipoi 3:15

A mojɔ momina, so baya badi bato bapingake bobwani boda na mokano momina. Isa odini na mokina mokano motongo, Njambe yo mɛnɛ adi bocingea no mojɔ momina.

1 Pɛtɛlo 2:2

Adi no bana baya bapakiti botama, kwani posa enu edae a mabɛ masɛnɔke mamwembo, bo okandoeni a mojɔ mobohela,

Mokanda Momibae Mosɔnɔ Pɛtɛlo - 2PE 3:18

Hɛni oko na monganji na ejebeli eKumu na Moheleja osu Yesu Masiya. Ekumu ai yo e dɛye oko a ehole yena epeliti suka. Amen.