1 Bakolinto 13:4 - Nouveau Testament en Ngombe 1961

⁴ Epaeli edi na lingbangba; edi koko na likabo. Epaeli editi na likaka, na editi na egbo.

1 Bakolinto 13:4 ပူးပေါင်းရင်းမြစ်များ

Matayo 27:18

Mojɔ bo Pilato ajeba bo bama pea Yesu oko cina elisoki.

Bikɔmɛli 7:9

Batata bamina bangɛjɛ Yosepa a Ejipito, oko a mojɔ molikaka.

Baloma 1:29

Baluma na bobe tungu jisusu, na bosɛtɔ, na mbengea, na libwano; likaka oko botɔ, na bowa, na miano, na epulu, na lisoki, na malɔngi.

Baloma 13:13

Yɛni bodae na ekɔmɛli epele ebato baya badalaka a bohu, te na ebueli na bolangoa, isa na ndukeli na lisɔngi, isa na miano na likaka.

1 Bakolinto 3:3

Odini na likaka na misoo a tei enu; oko boa oditini bato bamunu? ekɔmɛli enu, te ekɔmɛli ebato bangondo?

1 Bakolinto 4:18

Bakina banu ko basakumejaka; balɛkɛ bo nitadoa ai no.

1 Bakolinto 4:6

Baninga, mbi nabali na nu ngando jimina o mondɛ, a mojɔ mosu na Apolo, bo okoeni na ekoaneli esu, na bo odaeni na lisuma a Misɔnɔ. Obwanitini bokumeja okina osu na bolona yona otongo.

1 Bakolinto 5:2

Ino odini na egbo, na obwanini boyea bio a mojɔ momina. Enɔi na bopele bo odongejaeni ai no moto yona okɔkɔ mojɔ momina.

1 Bakolinto 8:1

A mojɔ momasiko mapejaka bato a bilimo, bojebaka so basusu cina emina. Ejebeli ko ehuulejaka moto na egho; epaeli ko embilimejaka.

2 Bakolinto 12:20

Mokakwano mombi modi bo, nakamea oho ai no, nitatana no o adi mbi na njingo; na bo mbi mɛnɛ nitada o alɛkɛ no. Isa nadi botana no na miano, na kɛnjɔ, na likaka, na misoo, na biloli, na egbo na wokowoko?

2 Bakolinto 6:6

na ekɔmɛli epele, na ejebeli esoti, na eci, na monganji, na Mwembo Mosɛnɔke, na epaeli mɛnɛ,

Bagalata 5:26

Bobwamti bosakumeja; pɛ bodingeanani; pɛ bokejanani likaka.

Baɛpɛsɔ 4:2

oko na bosatiteja bonɛnɛ, na bombɔki, na lingbangba. Moto adi boda na moto otongo oko bowi a mojɔ moepaeli.

Baɛpɛsɔ 4:32

Na dani na monganji, moto ai mina’nde moto, na molema mo yɛmbu; kinanani jibe, moto na mina’nde moto, o akwa Njambe jibe jinu a tei eMasiya.

Bafilipoi 1:15

Bakina batɔndɔkɔ mwako moMasiya oko na likaka na misoo, batongo ko batɔndɔkɔ na milema mipele.

Bakɔlɔsai 1:11

Yɛ ngulu ende yena enɔi, epingejae no na ngulu esusu, bo ohɔneni mijɔ misusu na lingbangba, na eci, na sepi pongono.

Bakɔlɔsai 2:18

T’ojimeni oko bo obungejaeni ndese enu a mojɔ momoto yona obekeaka no bo osatitejaeni a bosakoa babwɛnji badiko. Moto omina alɛkɛ oko mijɔ minjɔti pɛ, na egbo emolema monde mobe.

Bakɔlɔsai 3:12

Njambe ahɔ no, basɛnɔke na bato baepaeli. A mojɔ momina kwani elwali enu edae milema miwa, na peye, na bosatiteja, na bo yɛmbu, na bowi.

1 Batɛsalɔnike 5:14

Iso bongɔɔnɔkɔ no baninga bo oleheni baya balaboaka; pingejani milema Mibato baya bangwai; mbilimeja ba yɛmbu; dani na lingbangba ai bato basusu.

1 Timoteo 6:4

moto omina adi oko na egbo; t’ajebake nongo mojɔ. Adi oko na posa emisoo na kitɛ; na ekɔmɛli emina engɔjɔkɔ likaka, na miano, na biloli, na nduki emijɔ,

2 Timoteo 2:25

Adi boleha baya badi na nde soki oko na bo yɛmbu, na njingo bo Njambe abasɛ dosa bo bajɛbɛ Soti.

2 Timoteo 3:10

Wɛ ko ojebaka na bopele mɛnɛ bokoja bombi, ekɔmɛli embi, mokano mombi, ejimeli embi, lingbangba limbi, epaeli embi, bombɔki bombi,

2 Timoteo 4:2

Tɔndɔ Mwako Mopele na bingi, isa na pela, isa na ngange. Lemoa na bato; basia, baleha, na pɛ bongwa nongo bokoja.

Tito 3:3

Mojɔ bo so bɛnɛ bodaka boso na bogegele, na lipanga, bato balaboake, na babuli baposa jibe, na balisɔngi. Mida misu midaka masu masusu oko na bobe na likaka. Bato balona so, na so bolonana so bɛnɛ.

Yakobo 4:5

Ino odingakani bo ebaeli eMisɔnɔ edi ngasa yena ebalaka bo, Epaeli ende edi na likaka a mojɔ momwembo mokɔ yo a boda a tei esu?

1 Pɛtɛlo 2:1

Dumbani bobe bosusu, na epulu esusu, na bokosea, na likaka, na malɔngi masusu.

1 Pɛtɛlo 3:8

Mojɔ motongo; dani no basusu na molema momɔci, na peye na epaeli ai baninga, na wa, na bombɔki.

1 Pɛtɛlo 4:8

Mojɔ monɛnɛ modi bo opalaneni na ngɛnjɔ enɛnɛ, mojɔ bo ngɛnjɔ ekundaka jibe kanga jinɛnɛ mɛnɛ.

Mokanda Momibae Mosɔnɔ Pɛtɛlo - 2PE 1:7

epaeli ai baninga a lisuma, na ngɛnjɔ ai epaeli.

1 Yoane 4:11

Baninga baepaeli, isa ngɛnjɔ eNjambe ai so edaka boa, iso bobwani boda na ngɛnjɔ pongono, moto ai mina’nde moto.