1 Bakolinto 12:2 - Nouveau Testament en Ngombe 1961

² Yana adaka no bapakano, ojebakani bo ojimani bo bato balabojae no a bosakoa banjambe-babokosea baya badi oko bimimi.

1 Bakolinto 12:2 ပူးပေါင်းရင်းမြစ်များ

Matayo 15:14

Kinani badae. Bagwa miso, na banejaka bato njea baya bagwa koko miso. Moto yona ogwa miso akaneja moto njea yona ogwa koko miso, bo basusu babae badi bokwa a libɛngɛ.

1 Bakolinto 6:11

Bakina banu badaka boa; osɛnoani ko, ohɛngɛmɛni ai Njambe, na odini na lilonga, a kombe eKumu Yesu Masiya na a Mwembo moNjambe osu.

Bagalata 4:8

Boso-boso, oijebakani nongo Njambe; odakani babuli baba-njambe baya baditi banjambe na soti.

1 Batɛsalɔnike 1:9

Bato bamina babalaka a mojɔ mobodoa bosu ai no, bo o’sɔni so bopele, na bo okwani bosakoa bobilimo, na ohekoani ai Njambe, a bokɔmɛ Njambe osoti na obomɔ,

Tito 3:3

Mojɔ bo so bɛnɛ bodaka boso na bogegele, na lipanga, bato balaboake, na babuli baposa jibe, na balisɔngi. Mida misu midaka masu masusu oko na bobe na likaka. Bato balona so, na so bolonana so bɛnɛ.

1 Pɛtɛlo 1:18

Ojebakani bo osikoamani a ngando jingasangasa jibasangwa’nu, te nongo na makonja mabo-beha o adi wɔlɔ na palata;

1 Pɛtɛlo 4:3

Ehole yena edaka no na bikɔmɛli bibapakano esii edɛye; mojɔ bo odakani na lisɔngi, posa jibe, bolangoa, makita mamana, matanga, na bosakoa bobilimo.