1 Bakolinto 12:10 - Nouveau Testament en Ngombe 1961

¹⁰ Okina asɔkɔ epeeli a bokɔ mindumba, na otongo asɔkɔ epeeli a botɔndɔ mwako moNjambe. Okina asɔkɔ epeeli a bombetea miembo, na otongo asɔkɔ epeeli ekɔpi jitongo-tongo, na otongo koko a’kaka kɔpi jitongo-tongo.

1 Bakolinto 12:10 ပူးပေါင်းရင်းမြစ်များ

Malako 16:17

Baya bâjima badi bokɔ bimbete bi; lɔâmeja miembo mibe a kombe embi. Bâbala na kɔpi jitongo.

Malako 16:20

Ibo ko bakɛ, na batɔndɔ Mwako Mopele a bisika bisusu. Kumu abakɔmeja a elomu, na angameja Ebaeli na bimbete bia bidaka bicingi na Ebaeli.

Luka 24:49

Ikani ko! mbi nalomeaka no mua modikeja Sangwa’mbi. Toma mbani ko a ngando oko adi ndangasa eDiko pɛ bopeta lwaja no.

Yoane 14:12

Mbi natɔndɔkɔ no na soti bo, yona ojimeaka mbi adi bokɔ bilomu bikɔkɔ mbi. Ee, adi bokɔ bilomu bia binɔi bilomu bi, mojɔ bo mbi nakayane ai Sango.

Yoane 16:13

Iyo akadoa, oko Mwembo mosoti, yo âboloja ngando jisusu jisoti ai no. Mojɔ bo yo atabala na kpaci ende mɛnɛ; âbala oko ngando jikaka yo, na âjebeja no ngando jia jidoakini.

Bikɔmɛli 1:8

Ino ko ôsɔni ngulu yana âdoa Mwembo Mosɛnɔke ai no. Na ôdani batati bambi a Yelusalema, a likota lisusu liYuda, a Samalia, oko a suka engondo.

Bikɔmɛli 11:27

Bakina batɔndɔi badonga a Yelusalema, na bamea a Antiokia a masu mamina.

Bikɔmɛli 11:28

Okina obu angɔ, kombe ende Agabo; na yo apa eseko oko na Mwembo bo linjaele linɛnɛ likɛkɛ adoe a ngondo esusu. Mojɔ momina mokwa ngɔngɔ, a masu makumu Kulaudio.

Bikɔmɛli 19:6

Na yana abakea Paulo mɔmɔ mande ai bo, Mwembo Mosɛnɔke motita ai bo, babanga bobala na kɔpi jitongo, na bapa biseko.

Bikɔmɛli 5:3

Pɛtɛlo ko abala bo, Anania, Satana alumejai molema mowɛ bo okosee Mwembo Mosɛnɔke, na bo obombe ekenge elikonja ligbie mojɔ moye?

Baloma 12:6

Bipeeli bisu biditi amɛci; bicingi oko na monganji moNjambe ai moto na moto. Yona odi na epeeli ebotɔndɔ mwako, abwani botɔndɔ mwako na mwɛngi monde moejimeli.

Baloma 15:19

na ngulu ebimbete na mindumba, na ngulu eMwembo Mosɛnɔke. Oko boa, abanga mbi a Yelusalema, nananganejai Mwako Mopele a makota matongo, suka oko Ililiko.

1 Bakolinto 11:4

Moto aka’nga, isa akatɔndɔ mwako na egbala a molo, asambojaka molo monde.

1 Bakolinto 13:8

Epaeli epeliti nongo suka. Bitɔndɛli bidi bosia, na kɔpi jiyɛyɔ bogo; ejebeli edi bodimoa.

1 Bakolinto 14:13

A mojɔ momina, moto yona obalaka na kɔpi etongo abwani bo’nga bo asɛ epeeli ebocingea bato cina.

1 Bakolinto 14:39

Oko boa baninga, bakeani milema minu a botɔndɔ mwako moNjambe. Pɛ bosiani bato a bobala na kɔpi jitongo.

Bagalata 3:5

Iyona opaka no Mwembo na okɔkɔ mindumba a tei enu, akɔkɔ boa cina ebilomu biMibeko, isa a mojɔ moejimeli eMwako Mopele?

1 Batɛsalɔnike 5:20

Pɛ bosɛtojani biseko.

Baebele 2:4

Na Njambe aneja bo tati ebu edi soti, oko na bimbete, na mindumba, na mijɔ Mibokamoa, na bipeeli biMwembo, o ajima yo na bolulea bonde.

1 Yoane 4:1

Baninga, t’ojimeni oko miembo misusu. Sisoani miembo a bojeba isa micingi na Njambe, cina bo batɔndɔi babokosea banɛnɛ banangani a ngondo.

Boboloja 2:2

Mbi najebaka bikɔmɛli biwɛ, na elomu ewɛ, na lingbangba liwɛ. Najebaka bo bato babe bakɔkɔ wɛ maneene, bo osisoi baya basabeaka babwɛnji na baditi nongo babwɛnji, na onini bo badi bakosei.