1 Bakolinto 1:9 - Nouveau Testament en Ngombe 1961

⁹ Njambe atakputoja nongo sako ende. Edi oko yo, yona obea no a bokatana na Mwana’nde Yesu Masiya Kumu osu.

1 Bakolinto 1:9 ပူးပေါင်းရင်းမြစ်များ

Matayo 24:35

Busa bodi bogwa, na ngondo edi bodimoa, bikenge bimbi ko bitakputoa.

Yoane 17:21

bo ibo basusu badae oko omɔci, bo badae omɔci a tei esu, o adi wɛ Sesa a tei embi, na mbi a tei ewɛ, bo ngondo ejime bo wɛ oloma mbi.

Baloma 11:17

Bikina bitape ko bikatɛndɔmɔ, na wɛ olive oesika okakatana na mole a esika edaka bitape bimina, odi bokatana na cina emole, na odi bosɔ ngulu emole moolive.

Baloma 8:28

Bato bakapala Njambe, bakabeama na mokano monde, ngando jisusu jikɔkɔ yo jidi a mojɔ mobopele bobu.

Baloma 8:30

Abahɛngɛ oko a mojɔ momina, na ahabea. Ababea na abalongeja. Abalongeja na abakumeja.

Baloma 9:24

mojɔ bo abobei, te a tei eBaYuda pɛ, oko a tei ebapakano pongono.

1 Bakolinto 1:30

Bomɔ bonu a tei eMasiya Yesu bohulaka oko ai yo. Njambe akɔ bo Masiya Yesu adae bowɛi, na bodongo, na bosɛnɔ, na lisiko, a mojɔ mosu.

1 Bakolinto 10:13

Ino onɛkinini bomeka bua bonɔi ngulu enu. Njambe t’akputojake sako jinde, na yo atajima bo odaeni na bomeka bua bonɔi ngulu enu; mojɔ bo bomeka bokadoa ai no, yo adi bopa no njea ebohela, bo ohɔneni bomeka bomina.

1 Bakolinto 10:16

Kɔpɔ ejongoaka so, te bokatana bosu na makia maMasiya? Molɛmbɛ mobukaka so, te bokatana bosu na mokuku moMasiya?

2 Bakolinto 1:18

Oko Njambe! monɔkɔ mosu ai no moditi na mojimo na bongana, Ee na Pɛpɛ.

Bagalata 1:15

Njambe ko, yona ohɛngɛ mhi oko a bobotama bombi, abea mbi na monganji monde,

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

Baɛpɛsɔ 3:6

Cina emina edi bo bapakano badi basangoli pongono; badi binama bimokuku momɔci, na basangoaka njikano yena edi a tei eYesu Masiya a mojɔ moMwako Mopele.

Bakɔlɔsai 1:24

Mhi nasepaka e dɛye a mojɔ mominɔngɔ minɛkɛ mbi a kombe enu. Masiya adingoaka a mini mimbi a mojɔ momokuku monde, oko Denga dinde; na mbi napalaka bo nabwanejae libondo limadingoa mamina.

1 Batɛsalɔnike 2:12

bo okumejaeni Njambe na mida minu, oko Njambe yona obea no a Bokumu bonde na ekumu ende.

2 Batɛsalɔnike 2:14

Iyo abea no na Mwako Mopele mosu oko a mojɔ momina, bo osɛni ekumu eKumu osu Yesu Masiya.

2 Batɛsalɔnike 3:3

Kumu ko atakputoa. Iyo âmbilimeja no, na âkakela no ai Yona Mobe.

2 Timoteo 1:9

Iyo abohelejai na abobei a elomu esɛnɔke, te a mojɔ mobilomu bisu bɛnɛ, oko a mojɔ momokano monde mɛnɛ, na monganji monde mopa yo so a tei eMasiya Yesu oko a libangake mɛnɛ.

2 Timoteo 2:13

Nongo ejimeli ekataka na su, yo t’akputojake nongo sako, mojɔ bo aditi bosa’ngana yo mɛnɛ.

Tito 1:2

bo badae na njingo ebomɔ bua bodi na bosusu, bomɔ bodikeja Njambe a libangake mɛnɛ; na yo Pakputojake nongo sako.

Baebele 10:23

Yɛni so bopee boku njingo ejimaka so, pɛ nongo bokamakama, mojɔ bo yo atakputoja nongo sako ekina yo.

Baebele 11:11

Sala yo mɛnɛ, nongo adaka yo mobange, asɔ ngulu bo alwae demi cina eejimeli, mojɔ bo ajima bo yona omokinea sako atakpu toja sako.

Baebele 2:17

Oko boa ebɔngɔ na nde bo adae na bananango elimo emɔci, amɛci mɛnɛ, bo adae nganga monɛnɛ owa na ejimeli a elomu eNjambe, a bopa lisiko a mojɔ mojibe jibato.

Baebele 3:1

Baninga basɛnɔke, baya babeama a bokatana a elomu eDiko, toma lɛni Yesu, Obwɛnji na Nganga Monɛnɛ oejimeli esu.

Baebele 3:14

Mojɔ bo libondo lisu lidi a tei eMasiya, bokapea boku oko a suka, ejimeli yena edaka na su a libangake,

Baebele 6:18

A mojɔ momina, so baya bacii bo bobolame, bobwani bosapingeja na bopea boku njingo yena edi a boso bosu, cina emijɔ mi Mibae mia mitakputoa nongo, mojɔ bo Njambe atahɔnɔ bokosea na mijɔ mimina.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.

1 Yoane 1:3

Iso botɔndɔkɔ no oko mua monɛ so, na mua moka so, bo okataneni na su; na bokatana bosu bodi na Sango, na Mwana’nde Yesu Masiya.

1 Yoane 1:7

Bokadala ko a bohu, o adi yo a bohu, bokatanaka, moto na mina’nde moto, na makia maYesu Mwana’nde masɛnojaka so a bobe bosusu.

1 Yoane 4:13

Bojebaka bo bodi a tei ende, na bo yo adi a tei esu, mojɔ bo abopi Mwembo monde.

Boboloja 19:11

Nanɛ bo Diko didi bwase, na nanɛ punda mopu. Okina adaka abaki a punda yona odi na kombe ji, Yona oejimeli, Yona osoti. Iyo asambejaka, na anaka bila oko na bodongo.