1 Bakolinto 1:30 - Nouveau Testament en Ngombe 1961

³⁰ Bomɔ bonu a tei eMasiya Yesu bohulaka oko ai yo. Njambe akɔ bo Masiya Yesu adae bowɛi, na bodongo, na bosɛnɔ, na lisiko, a mojɔ mosu.

1 Bakolinto 1:30 ပူးပေါင်းရင်းမြစ်များ

Matayo 1:21

Iyo adi bobota mwana-momi, na odi bomobakea kombe Yesu, mojɔ bo âheleja bato bande a jibe jibu.

Luka 11:49

Bowɛi boNjambe bobala a mojɔ momina bo, Mbi nâbalomea batɔndɔi na babwɛnji; bâwa bakina, na bâdingoja batongo.

Luka 21:15

Mojɔ bo mbi napa no bɛtɛ ebobala, na bowɛi a bogbokeja, na bodumba soki jinu jisusu.

Yoane 1:18

Pɛpɛ nongo moto onɛ Njambe; Mwana-sɔmi omɔci ko yona odi a bupa boSango amobolojai ai so.

Yoane 14:6

Yesu abala na nde bo, Mbi nadi Njea, na Soti, na Bomɔ. Pɛpɛ nongo moto odi bodoa ai Sango; adi bodoa ai Sango oko na mbi.

Yoane 17:26

Mbi nabolojai kombe ewɛ ai bo, na nâeboloja koko, bo ngɛnjɔ edi wɛ na mbi edae a tei ebu, na mbi a tei ebu.

Yoane 17:8

Mbi nabapi bikenge bipani wɛ. Ba’si bikenge bimina; bajebaka na soti bo mbi nadonga ai wɛ, na bajimaka bo wɛ oloma mbi.

Yoane 8:12

Yesu abala koko na bato bo, Mbi nadi bohu bongondo. Moto akacingama na mbi, atadala a modidi; âda oko na bohu bobomɔ.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Baloma 1:17

Bodongo boNjambe boboloi a tei eMwako Mopele, banga oko na ejimeli, suka oko na ejimeli, o adi mosɔnɔ bo, Moto obodongo ahela oko a mojɔ moejimeli.

Baloma 11:36

Leka kanga losusu mɛnɛ lodi ai yo, lohelaka a mojɔ monde na losukeaka oko na nde. Ekumu ai yo na bosusu. Amen.

Baloma 12:5

Iso bodi koko boa. Nongo adi so banɛnɛ, bodi mokuku momɔci a tei eMasiya, na bokatani so basusu, moto na moto.

Baloma 16:11

Abɛjɛni Elodiona, moto ombi mɛnɛ. Abɛjɛni bato baKumu baya badi a denga diNalukiso.

Baloma 16:7

Abɛjɛni Anduloniko na Yunia, baninga bambi baya badi a njango o adi mbi mɛnɛ. Badi na gala epele a tei ebabwɛnji, na bajima Masiya oko mbi napetakini jima.

Baloma 4:25

oko Yesu yona ogwa a mojɔ mojibe jisu, na angɔ a bogwa a bolongeja so.

Baloma 4:6

Dawidi pongono ajongoaka moto olongejaka Njambe, te nongo cina ebilomu.

Baloma 5:19

Mojɔ bo isa bato banɛnɛ badi na lindo a mojɔ molipanga limoto omɔci, iboa koko bato banɛnɛ badi bolonga a mojɔ molisuma limoto omɔci.

Baloma 5:21

A mojɔ momina, o adaka bobe na bokumu bobogwa, monganji moNjambe modi boda na bokumu bobomɔ oko na bosusu, a mojɔ moYesu Masiya Kumu osu.

Baloma 8:1

Bodumba boditi koko edɛye a mojɔ mobato baya badi a tei eMasiya Yesu.

Baloma 8:23

Te leka lokɔ Njambe pɛ, oko so bɛnɛ baya bajui mbuma jiboso jiMwembo, bobemaka a tei esu yana ambaka so lisiko limikuku misu, oko bosɔmi bosu.

Baloma 8:9

Ino ko oditini bato bamunu; odini oko bato baMwembo, isa Mwembo moNjambe modi a tei enu soti. Moto amiti da na Mwembo moMasiya a tei ende, aditi moto onde.

1 Bakolinto 1:2

a Denga diNjambe dia didi oho Kolinto, oko bahɛngɛmɛkɛ baMasiya Yesu, baya babeama bo badae basɛnɔke, na bato basusu baya bangaka a kombe eKumu Yesu Masiya a bisika na bisika. Adi Kumu obu na Kumu osu pongono.

1 Bakolinto 1:24

Endele ko, Masiya adi ngulu eNjambe, na bowɛi boNjambe, ai bato baya babeama, isa BaYuda isa BaEla.

1 Bakolinto 12:18

Njambe akolea binama bisusu a mokuku, emɔci-emɔci, o apalaka yo.

1 Bakolinto 12:27

Ino odini mokuku moMasiya, odini binama binde, moto na moto oko enama.

1 Bakolinto 12:8

Okina asɔkɔ ebaeli ebowɛi a Mwembo, na otongo asɔkɔ ebaeli eejebeli a Mwembo momina.

1 Bakolinto 4:15

Nongo okadani na bakoja koto domi a tei eMasiya, sangwa’nu adi oko omɔci pɛ. Mojɔ bo mbi nabota no na Mwako Mopele a tei eMasiya.

1 Bakolinto 6:11

Bakina banu badaka boa; osɛnoani ko, ohɛngɛmɛni ai Njambe, na odini na lilonga, a kombe eKumu Yesu Masiya na a Mwembo moNjambe osu.

2 Bakolinto 12:2

Mbi naje-baka moto a tei eMasiya yona otombama oho a Diko yena enɔi, bianga bisii edɛye domi-na-binɛi. (Isa a mokuku, isa amana a mokuku, nitajeba; Njambe pɛ ajebaka.)

2 Bakolinto 4:6

Mojɔ bo, Njambeyona obala bo, Kma bohu bohoe a tei emodidi, ahojai milema misu bohu mɛnɛ, bo apɛ bohu boejebeli eekumu eNjambe a boso boMasiya.

Bagalata 1:4

Iyo asapa a mojɔ mojibe jisu bo asikoe so a ngondo ye ebe, o akana Njambe Sangwa’su.

Bagalata 3:13

Masiya asikoa so a esinga eMibeko, mojɔ bo yo mɛnɛ adaka esinga a mojɔ mosu. Mojɔ bo mosɔnɔmɔ bo, Moto na moto yona ogwaka a mole alakejami.

Baɛpɛsɔ 1:10

atitanejae ngando jisusu a tei eMasiya, ngando jiDiko, na ngando jinase, oko etango emasu emaka bwana.

Baɛpɛsɔ 1:14

mua modi ndanga elisango lisu, oko a ehole ebosɔ lisango limina, a mojɔ mobosakoa ekumu ende.

Baɛpɛsɔ 1:7

Lisiko lisu lidi oko a tei ende a mojɔ momakia mande, na bo yɛ bojibe jisu a mojɔ momonganji monde mua monɔi.

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Baɛpɛsɔ 4:30

T’okejaeni oko Mwembo Mosɛnɔke moNjambe sɔni, mojɔ bo o’sɔni embete ende a mojɔ mobusa bobosikoa.

Baɛpɛsɔ 5:26

bo ahsɛnojae cina ebosɛnɔ bobososa bomadiba maEbaeli.

Bafilipoi 3:9

te nongo a mojɔ mobodongo bombi mɛnɛ bua bocingi na Mibeko, oko a mojɔ mobodongo bua bocini na ejimeli ai Masiya, bua bohulaka ai Njambe a mojɔ moejimeli.

Bakɔlɔsai 1:14

A tei ende, iso bodi na lisiko, bo yɛ bojibe.

Bakɔlɔsai 3:16

Kinani Ebaeli eMasiya edae a tei enu, na enɛnge a tei enu na bowɛi bosusu. Ikojanani na lehanani na njembo jiNjambe, njembo jibosakoa, njembo jiMwembo. Imbani njembo ai Njambe na sepi a milema minu.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

Baebele 9:12

na akwea a Esika-eBosɛnɔ ehole emɔci pɛ yena ebwani na bosusu; aikwea na makia makambɛli na bana-bangɔmbɔ, oko na makia mande mɛnɛ, na aboloja lisiko lia lidi oko na bosusu.

Yakobo 1:5

Okina onu akataka bowɛi, yɛ ange Njambe, nongo asɛ; mojɔ bo yo adi na likabo linɛnɛ ai bato basusu, atajuma nongo mweka.

1 Pɛtɛlo 1:2

ai bato bahɔ Njambe na mbuno ende mɛnɛ, bato bahɛngɛ yo na Mwembo bo badae na lisuma ai Yesu Masiya, na bo bamɛsɛme na makia mande. Yɛ monganji moNjambe na bowi bohɛe ai no bou mɛnɛ.

Mokanda Momibae Mosɔnɔ Pɛtɛlo - 2PE 1:1

Simona Pɛtɛlo, mobuli na obwɛnji oYesu Masiya, aibaya bakatani na su a ejimeli emɔci a tei ebodongo boNjambe na boMoheleja osu Yesu Masiya.

1 Yoane 5:6

Edi oko yo, Yesu Masiya, yona odoa na madiba na makia; te na madiba pɛ, oko na madiba na makia pongono.

Boboloja 14:4

Ibo badi oko baya baisabeja na bali, mojɔ bo batajebaka mojɔ momwali. Bacingamaka na Mwana-Bata bisika bisusu bikɛkɛ yo. Basikoama a tei ebato bo badae mbuma jiboso ai Njambe, na ai Mwana-Bata.

Boboloja 5:9

Ibo ba’mba yembo ye eyene, bo, Wɛ obɔngi botomba mokanda na bobuka bimbete; Mojɔ bo wɛ ogwa, na osikoa bato na makia mawɛ mɛnɛ ai Njambe, Bato bamakota masusu, na kɔpi jisusu, na maboti masusu, na tungu jisusu;