1 Bakolinto 1:23 - Nouveau Testament en Ngombe 1961

²³ Iso ko botɔndɔkɔ Mwako moMasiya yona ogwa a mole-mobokea. Mojɔ momina modi oko libaku ai BaYuda, na yebe ai BaEla.

1 Bakolinto 1:23 ပူးပေါင်းရင်းမြစ်များ

Matayo 11:6

Bojongoa ai moto yona otabunga mojɔ mombi.

Matayo 13:57

Na bamolona oko bolona. Yesu ko abala na bu bo, Motɔndɔi adi o motongasa oko a ngando ende mɛnɛ pɛ, na a ndako ende mɛnɛ pɛ.

Luka 2:34

Simeona abapamboa, na abala na Maha nange ’mwana bo, Mwana yoyo ahɛngɛmɛ a bodumba na a bongɔjɔ bato banɛnɛ baYisalaele; ahɛngɛmɛ bo adae embete; bato ko bâmolona, mojɔ bo âmeja bilɛli bibato banɛnɛ a bohu.

1 Bakolinto 1:18

Mojɔ bo mwako momole-mobokea modi oko ebalabala ai bato baya badi a njea ebogwa; modi ngulu eNjambe ko ai so baya bahelaka.

1 Bakolinto 1:21

Mojɔ bo Njambe akolea na bowɛi bonde, bo ngondo etamojeba na bowɛi bongondo; na ajima bo ahelejae bato baya bajimaka, a mojɔ moyebe eetɔndɔli eMwako Mopele.

1 Bakolinto 1:28

Njambe ahɔkɔ bato bangasangasa baya bapeliti nongo ekumu a miso mabato, ee oko bato bangasa mɛnɛ, a bodumba ngando jia jidi edɛye.

1 Bakolinto 2:14

Moto ko, o abotama yo, t’asɔke ngando jiMwembo moNjambe; jidi oko yebe pɛ a miso mande. Abwaniti bojicingea, mojɔ bo adi bojicingea oko na Mwembo.

1 Bakolinto 2:2

Mbi najima na molema mombi mosusu bo mtajeba mokina mojɔ motongo a tei enu, oko Yesu Masiya pɛ yona ogwa a mole-mobokea.

1 Bakolinto 4:10

Iso bodi oko bigegele a mojɔ moMasiya. Ino ko odini na bowɛi a tei eMasiya! Iso bodi bayɛmbu; mo ko odini bapipo! Ino odini na ekumu; iso ko bosamboi.

2 Bakolinto 4:5

Iso botɔndɔkɔ Mwako Mopele moYesu Masiya, bo yo adi Kumu, te nongo mijɔ misu bɛnɛ. Iso bɛnɛ bodi oko bakɔmɛli banu a kombe eYesu.

Bagalata 3:1

Ino BaGalatia, ino bindanga. Oseli no nda? ino baya banɛ na miso manu Yesu Masiya a mole-mobokea, bohu mɛnɛ.

Bagalata 5:11

Baninga, isa mbi nakojaka mojɔ mobolena ganda, banɔngejaka mbi mojɔ moye? Akɔki mbi kɔ boa, ka mole-mobokea moditi koko libaku.

Bagalata 6:14

Mbi ko naditi nongo na ekina ekumu etongo, oko yena emole-mobokea moKumu osu Yesu Masiya, mojɔ bo ngondo ebakeama a mole-mobokea ai mbi, na mbi nabakeama a mole-mobokea a ngondo, a mojɔ monde.

Baɛpɛsɔ 3:8

Mbi nasɔ monganji mu, bo nabolojae ai bapakano mijɔ miyumu miMasiya mia midi na bonɛtɔ, oko mbi yona odi ngɔngɔ jibasɛnɔke basusu,

Baebele 12:2

Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.

1 Pɛtɛlo 2:8

na Litai limina lidi bosakeja bato, Lidi litai linɛnɛnɛ a bokweja bato. Mojɔ bo basakaka libaku cina bo batasumaka Ebaeli; suka ebu edi boa.