1 Batɛsalɔnike 5:6 - Nouveau Testament en Ngombe 1961

⁶ Oko boa bobwaniti bohwɛ hiɔ o akɔkɔ bakwa; bobwani boda oko misu bo bosɛnjɛle.

1 Batɛsalɔnike 5:6 ပူးပေါင်းရင်းမြစ်များ

Matayo 13:25

Yana ko adaka bato bahwɛli, soki ende adoa. Iyo ana ngua jinjani a esika edaka lɔsɔ, na ayana.

Matayo 24:42

A mojɔ momina, toma kɛngɛlɛni, mojɔ bo otajebakani busa bohulaka Kumu onu.

Matayo 25:13

A mojɔ momina, toma sɛnjɛlɛni, mojɔ bo otajebakani busa na ehole.

Matayo 25:5

Yana ayeyoa momi obolongana a njea, ibo basusu bapɔngɔpɔngɔ na hiɔ, na bahwɛ oko bohwɛ.

Matayo 26:38

Abala na bu bo, Molema mombi modi na wa te’pele, oko yogo mɛne. Ambani ya a bokɛngɛlɛ na mbi.

Malako 13:37

Mbi nabalaka na bato basusu oko ekenge ebali mbi na nu bo, Sɛnjɛlɛni.

Luka 12:37

Kumu aka’tana bakɔmɛli bande misu a lihule linde, bakɔmɛli bamina bâda na sepi. Mbi natɔndɔkɔ no na soti bo yo âlwa bisenja bielomu, âbadeja a mesa, na âdoa bo abapɛ mia.

Luka 12:39

Pɛ bobosani mojɔ mu; Moswa ’ndako, akɔki yo jeba ehole ekanaka mobi bodoa, ka adaki na mongangele, na ajimiti bo moto aluse ndako ende.

Luka 21:36

A mojɔ momina, toma sɛnjɛlɛni; mgakani bihole hisusu bo ngulu enu ebwane a mojɔ mobohela a ngando ji jisusu jia jidoaka, na a bo’Ina a boso boMwana ’Moto.

Luka 22:46

Abala na bu bo, Ino ohwɛini hiɔ mojɔ moye? Angɔni, ingakani bo otakweani a bomeka.

Bikɔmɛli 20:31

Oko boa toma nganjamani. Pɛ bobosani bo mbi naingwa boleha no basusu na mbisoli, mabulu na mei, bianga bisusu bisato.

1 Bakolinto 15:34

Sisoani, na dani na yongi epele. Yɛni bokɔ bobe. Natɔndɔkɔ no, a bokeja no sɔni, bo bakina banu batajebaka nongo Njambe.

1 Bakolinto 16:13

Ino, toma sɛnjɛlɛni bopele; dani bambilimake a ejimeli enu; dani bami mɛnɛ; dani bato bapipo.

Baɛpɛsɔ 2:3

Iso pongono, so basusu, bopangana na bu, na lisuma lisu lidaka oko a posa jimokuku. Bodaka babuli baposa jimokuku na jimolema. Bodaka bana bakɛlɛ oko a bobotama bosu, iso na ’bo tungu emɔci.

Baɛpɛsɔ 5:14

A mojɔ momina, abala bo, Wɛ yona ohwɛi hiɔ, sisoa! Angɔ a bogwa, Na Masiya âpa wɛ bohu.

Baɛpɛsɔ 6:18

Ingakani bihole bisusu na Mwembo, tungu jisusu jibingeeli na mangɔɔnɔ; toma nganjamani na bopipo a mojɔ momina, na ingakani a mojɔ mobaMasiya basusu,

Bafilipoi 4:5

Kɔni bo bato basusu banɛe bombɔki bonu. Kumu adi mbuci mɛnɛ.

Bakɔlɔsai 4:2

Dani na lingbangba a bonga; sɛnjɛlɛni a bonga na sepi.

1 Batɛsalɔnike 4:13

Baninga, botapalaka bo odaeni a libumi a mojɔ mobato baya bagwa. Obwanitini bobayea o akɔkɔ bato batongo baya bapeliti nongo njingo.

1 Batɛsalɔnike 5:10

Yesu Masiya agwea so bo bodae na nde, isa a bogwa isa a bomɔ.

1 Batɛsalɔnike 5:8

Iso ko, bato babohu, bobwani bosɛnjɛlɛ na bolwa ebende ebupa, yena edi ejimeli na epaeli, na kɛsike eebende a molo, yena edi njingo ebohela.

1 Timoteo 2:15

Endele ko, mwali adi bohela na bohota, akayeyoa na ejimeli, na epaeli, na bosɛnɔ, na yongi.

1 Timoteo 2:9

Napalaka koko bo bali baiwae bisenja bia bibɔngi, te nongo na jala, na posa bo basanejae. Babwaniti bobaka swe jimosɛsɛ, isa na manaka na leka loyumu, isa mokina molilo moyumu.

1 Timoteo 3:11

Bali babu pongono badi boda na yongi epele, te nongo bato babiloli, oko bato babowi na lisuma a ngando jisusu.

1 Timoteo 3:2

Monjeli oDenga ko adi boda na esako epele mɛnɛ, momi omwali omɔci pɛ, moto obowi na molema motitake, moto oyongi epele yona odi na monganji ai bato, na bowɛi a bokoja;

2 Timoteo 4:5

Wɛ ko, sabekea bihole bisusu. Da na eci a tei ebodingoa. Kɔ elomu emotɔndɔi oMwako Mopele. Kɔ ngando jisusu jia jicingi na elomu ewɛ.

Tito 2:12

Mokojaka so bo bolone ngando jisusu jia jikɛsɛni na njea eNjambe, bo bolone posa jingondo, bo bosangbindee, bo bodae na ekɔmɛli yena edi bojo, na lisuma ai Njambe a ngondo ye.

Tito 2:6

Leha koko menga bo basabekee.

1 Pɛtɛlo 1:13

A mojɔ momina, toma ngbimejani bocingea bonu; sangbi-ndeani; kinani njingo enu esusu edae a monganji moNjambe mua modoabi ai no yana aboloabi Masiya.

1 Pɛtɛlo 4:7

Suka engando jisusu edi hulelu; a mojɔ momina, sangbindeani, na dani na mongangele a mojɔ mobo’nga.

1 Pɛtɛlo 5:8

Sangbindeani; sɛnjɛlɛni. Satana, soki enu, adukaka bato bo aba yake, na ababɛmbɛkɛ na wio o ekɔmɛli egbɔngɔ yona ogbemaka.

Boboloja 16:15

(Hokeani; mbi nadoaka na mbɛmbɛ emobi. Bojongoa ai moto yona odi mosu, yona obaneaka bisenja binde bo atamana mbundu na sɔni a boso bobato.)

Boboloja 3:2

Sisoa, na pingeja ngando jia jidikai, jia jidi hulelu na bogwa; mojɔ bo mbi nanɛkɛ bo bikɔmɛli biwɛ bibɔngiti nongo a miso maNjambe ombi.