1 Batɛsalɔnike 5:12 - Nouveau Testament en Ngombe 1961

¹² Iso bongɔɔnɔkɔ no baninga bo odaeni na lisuma ai bato baya bakɔkɔ elomu a tei enu, baya badi basuku banu a tei eKumu na balehaka no.

1 Batɛsalɔnike 5:12 ပူးပေါင်းရင်းမြစ်များ

Luka 10:7

Dani oko a ndako emina; yakani na mwakani leka lopaka bato no, mojɔ bo mosali abwani bosɔ pɔsɔ ende. Pɛ bokɛni a ndako ndako.

Yoane 4:38

Ino oiliani nongo a esika elomi mbi no a bojua. Batongo balia molio, ino ko osangoini bilomu bibu.

Bikɔmɛli 20:28

Mwembo Mosɛnɔke mohɔ no habanei babwela a bobɔkɔ Denga diNjambe dia disikoa yo na makia mande mɛnɛ. A mojɔ momina toma sabaneani no bɛnɛ, na baneani bwela bosusu pongono.

Bikɔmɛli 20:35

Mbi naneja no na ngando ji jisusu bo bobwani bokɔ elomu boa, a bokɔmeja bayɛmbu, na pɛ bobosa nongo bikenge bibala Kumu Yesu bo, Na bopa na bosɔ, enɔi na bopele oko bopa.

Baloma 16:12

Abɛjɛni Tulupaina na Tuluposa; badi bakɔmɛli baKumu. Abɛjɛni Pelesida, mwali oepaeli yona okɔkɔ elomu enɛnɛ a mojɔ moKumu.

Baloma 16:6

Abɛjɛni Malia; yo akɔi elomu enɛnɛ a tei enu.

1 Bakolinto 12:28

Njambe akolea bato a tei eDenga, boso oko babwɛnji, na ngɔngɔ jibu oko batɔndɔi. Bacingi na bu ngɔngɔ oko bakoja, na bato baya bakɔkɔ mindumba, bato basengo, bakɔmeja, bato babilomu, bato bakɔpi jinɛnɛ.

1 Bakolinto 15:10

Nadi adi mbi, oko a mojɔ momonganji moNjambe, na monganji monde ai mbi moinama. Mbi nakɔ elomu epipo, pɛpɛ nongo okina obu obwana na mbi a njea emina; mbi mɛnɛ ko naikɔ, oko monganji moNjambe mua modi ai mbi.

1 Bakolinto 16:16

Mbi nalehaka no baninga bo odaeni na lisuma ai bato baya badi na ekɔmɛli emina, na bato basusu baya babakɔmejaka, na baya bakɔkɔ elomu eNjambe.

1 Bakolinto 16:18

Bagɔmbejai molema mombi na milema minu pongono. Obwamni bosuma bato baya badi na ekɔmɛli emina.

1 Bakolinto 3:9

Iso bodi bakɔmɛli baNjambe, na bokɔkɔ elomu na nde. Ino odini gbie eNjambe; odini eyoeli endako eNjambe.

2 Bakolinto 11:23

Isa bo badi bakɔmɛli baMasiya, esingaiti mbi. (Nabalaka o moto olilale.) Mbi nakɔ bilomu bmɛnɛ; nakwea a blɔkɔ bihole binɛnɛ; batuani nji pɛ njɛngi; napa njupi bihole binɛnɛ;

2 Bakolinto 5:9

A mojɔ momina, bodukaka njea bo bomosepejae, isa a mokuku mu, isa oho.

2 Bakolinto 6:1

Akɔkɔ so elomu na Njambe yo mɛnɛ, bongɔɔnɔkɔ no bo otasɔni monganji moNjambe esɔ’sɔ.

Bagalata 4:11

Mbi nadi na mokakwano isa elomu embi a tei enu enami oko bonama.

Bafilipoi 2:16

Peani Ebaeli ebomɔ oko boku. Oko boa mbi nadi bosepa a busa boMasiya bo naipota epotapota, na bo naikɔ elomu ekɔkɔ.

Bafilipoi 2:19

Njingo embi edi ai Kumu Yesu bo nalomee no Timoteo ngɔngɔ bosme; oko boa nadi boka miako minu, na molema mombi modi bogɔmbɔ.

Bakɔlɔsai 1:29

Elomu ekɔkɔ mbi edi oko a mo jɔ momina; naekɔkɔ na molema mombi mosusu, oko na ngulu ende yena elindaka mbi na bopipo.

1 Batɛsalɔnike 2:9

Baninga, otabosakani elomu na monɔngɔ mosu. Yana atɔndɔkɔ so Mwako Mopele moNjambe a tei enu, bokɔkɔ elomu mabulu na mei bo botada nongo muna ai no.

1 Batɛsalɔnike 4:1

Mojɔ motongo baninga; okoanani na su ekɔmɛli yena ebwani na nu a bosepeja Njambe. Oko boa bongɔɔnɔkɔ no, na bolehaka no e dɛye a kombe eKumu Yesu, bo odaeni na ekɔmɛli emina. Okɔkɔni boa; endele ko, toma nɔjɔni mwɛngi momina.

1 Batɛsalɔnike 5:14

Iso bongɔɔnɔkɔ no baninga bo oleheni baya balaboaka; pingejani milema Mibato baya bangwai; mbilimeja ba yɛmbu; dani na lingbangba ai bato basusu.

1 Timoteo 5:1

T’olemoe oko na mosuku na bopipo; moleha ko o sangwao. Leha bami batongo o baninga.

1 Timoteo 5:20

Isa bakina bakɔkɔ bobe, toma lemoa na bu a boso bobato basusu, bo batongo babange.

2 Timoteo 2:6

Moswa ’gbie, yona okɔkɔ elomu, abwani bosɔ libondo liboso limbuma jigbie.

Tito 1:3

Na angameja ebaeli ende a ehole ebwanake, oko na bwɛnji bosɔ mbi na mobeko moNjambe Mobeleja osu:

Tito 1:5

Mbi nakina wɛ a Kulete bo okolee mijɔ mia midika a bokolea, na a bohɔ basuku baDenga a ngando na ngando, o ama mbi tɔndɔ wɛ.

Tito 2:15

Koja ngando jimina. Leha, na lemoa na bato na kpaci enɛnɛ. T’ojime oko bo moto asɛtojae wɛ.

Baebele 13:17

Sumakani basuku banu, na kɔni o apalaka bo, mojɔ bo badi o banjeli bamilema minu, o bato baya badi boneja elomu ebu. Kɔni bo elomu ebu edae na sepi, te nongo na manji, osaka samboani no bɛnɛ.

Baebele 13:7

Pɛ bobosani basuku banu baya batɔndɔ no mwako moNjambe. Lɛni suka emihelo Mibu; ikoanani na ejimeli ebu.

Boboloja 1:20

Cina enjɔtɔ sambo bani wɛ a ebɔ embi ebami, na paka jiwɔlɔ sambo edi oko ye; njɔtɔ sambo badi babwɛnji baMenga sambo, na paka sambo jidi Menga sambo.

Boboloja 2:12

Sɔnea obwɛnji oDenga diPelugamona bo, Iyona odi na abɛnɛ onjɛngɔ jibae jipɔlu abalaka mijɔ mimi.

Boboloja 2:18

Sɔnea obwɛnji oDenga diTwatila bo, Mwana ’Njambe abalaka mijɔ mimi, oko yona odi na miso mamosa mongoake, na bibota binde o mboa jipele jibolailai.

Boboloja 2:3

Najebaka bo odi na lingbangba a mojɔ mokombe embi; ohɔnɔkɔ muna momina na otangwaka.

Boboloja 2:8

Sɔnea obwɛnji oDenga diSemuluna bo, Iyona oboso, yona osuka, yona ogwa na ohela koko, abalaka mijɔ mimi.

Boboloja 3:1

Sɔnea obwɛnji oDenga diSaludi bo, Iyona odi na Miembo miNjambe sambo, na njɔtɔ sambo, aba-laka mijɔ mi. Mbi najebaka bikɔmɛli biwɛ. Odi na kombe emoto yona odi mɔ, na odi oko mogwake.

Boboloja 3:14

Sɔnea obwɛnji oDenga diLaodikia bo, Iyona odi Amen, yona odi motati osoti na oejimeli, yona odi litandei lielomu eNjambe eboyoa, yo abalaka mijɔ mimi.

Boboloja 3:7

Sɔnea obwɛnji oDenga diPiladelupia bo, Iyona mosɛnɔke, yona osoti, yona odi na sabe eDawidi, yona odipoaka na pɛpɛ nongo moto odi bodipa, yona odipaka na pɛpɛ nongo moto odi bodipoa, yo abalaka mijɔ mimi.