1 Batɛsalɔnike 4:3 - Nouveau Testament en Ngombe 1961

³ Bolulea boNjambe bodi oko bo odaeni bahɛngɛmɛke ai yo, bo obɔtɔneni na edukeli,

1 Batɛsalɔnike 4:3 ပူးပေါင်းရင်းမြစ်များ

Matayo 12:50

Mojɔ bo, moto na moto yona okɔkɔ bolulea boSangwa’mbi yona odi oho Diko, yo adi mwangwa’mbi, na ngɛnɛ embi, na ngwa’mbi.

Matayo 15:19

Bileli bibe bimanaka a molema, na bowa, na bɔɔli, na lisɔngi, na liba, na bokosea, na minango.

Matayo 5:32

Mbi ko natɔndɔkɔ no bo, Moto na moto yona oyanejaka mwali onde, na editi na cina ebɔɔli, akɔkɔ mwali omina moto obɔɔli. Na moto yona osɔkɔ mwali omina angɛkɛ na nde bɔɔli.

Matayo 7:21

Badi bokwea a Bokumu boDiko, te nongo baya babeaka mbi Kumu, Kumu, oko moto yona okɔkɔ bolulea boSangwa’mbi yona odi oho Diko.

Malako 3:35

Moto yona okɔkɔ bolulea boNjambe, yo adi mwangwa ’mbi na ngɛnɛ embi na ngwa’mbi.

Yoane 4:34

Yesu abala na bu bo, Mambi mia madi oko bo nakɔe bolulea boyona olomani, na bo nasiejae elomu ende.

Yoane 7:17

Isa moto apalaka bo akɔe bolulea boyona olomani, adi bocingea bokoja bombi, isa bohulaka ai Njambe, isa nakojaka na kpaci embi mɛnɛ.

Bikɔmɛli 15:20

Bopele bo bobasɔnee mokanda bo bakie ngando jisusu jia jicingi na bosakoa bobanjambe babokosea, na bɔɔli, na tito baya bagwa na mocibano, na makia.

Bikɔmɛli 15:29

Toma kiani tito bamasiko ai banjambe babokosea, na makia, na tito baya bagwaka na mocibano, na bɔɔli. Okasangbindeani a mojɔ mongando jimina, ôkɔni bopele. Dikani bopele.

Bikɔmɛli 20:32

Edɛye nakmaka no a mɔmɔ maNjambe na ebaeli emonganji monde. Iyo adi na ngulu a bombilimeja no, na adi bopa no lisango linu a tei ebato basusu baya bahɛngɛmɛ ai yo.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Baloma 1:29

Baluma na bobe tungu jisusu, na bosɛtɔ, na mbengea, na libwano; likaka oko botɔ, na bowa, na miano, na epulu, na lisoki, na malɔngi.

Baloma 12:2

T’odaeni oko na ekɔmɛli ebato bangondo ye. Toma dani na milema miyene bo okindoeni elimo etongo; oko boa odini bojeba bolulea boNjambe na soti, bolulea bonde bopele, bobɔngɔke na bobwanake.

Baloma 6:22

Edɛye ko osikoamini a bobe, na odini babuli baNjambe. Mbuma jibotaka no jidi oko bosɛnɔ, na suka emina edi oko bomɔ bua bodi na bosusu.

1 Bakolinto 1:30

Bomɔ bonu a tei eMasiya Yesu bohulaka oko ai yo. Njambe akɔ bo Masiya Yesu adae bowɛi, na bodongo, na bosɛnɔ, na lisiko, a mojɔ mosu.

1 Bakolinto 7:2

Endele ko, momi abwani boda na mwali onde mɛnɛ, na mwali abwani boda na muma’nde mɛnɛ, a bogbesea bɔɔli.

2 Bakolinto 12:21

Nadi na mokakwano isa Njambe adi bokeja mbi sɔni a boso bonu a bodoa bombi; isa nadi boyea bio a mojɔ mobato banɛnɛ baya bakɔ bobe boso, na bajasakini dosa a mojɔ mobikɔmɛli bibu bibosɔtɔ, na bɔɔli, na bosambolu.

Bagalata 5:19

Bikɔmɛli bimokuku bidi bohu mɛnɛ, oko bibi,—bɔɔli, ndukeli, lisɔngi,

Baɛpɛsɔ 5:17

T’odaeni oko na yebe; cingeani ko bolulea boNjambe.

Baɛpɛsɔ 6:6

Kɔni ngando jipalaka Njambe na milema minu, o bakɔmɛli baMasiya, te nongo a bosepeja bato baya banjaka no na miso pɛ.

Bakɔlɔsai 1:9

Iso bobanga bonga Njambe a mojɔ monu a busa boka so mojɔ momina, na botakinaka bonga. Bongaka bo olumeni na ejebeli ebolulea boNjambe, oko na bowɛi na bocingea bosusu boMwembo,

Bakɔlɔsai 3:5

A mojɔ momina toma wejani ngando jingondo ye a tei enu, bɔɔli, mijɔ Mibosambolu, lisɔngi, posa jibe, mbengea. (Mojɔ momina modi bosakoa bobokosea.)

Bakɔlɔsai 4:12

Epapulo, moto onu bɛnɛ, alomeaka no njɛbɛ pongono. Iyo adi mokɔmɛli oMasiya, na angaka a mojɔ monu na bingi bihole bisusu, bo odaeni bato bapingake na bambilimake a bosuma bolulea boNjambe bosusu.

1 Batɛsalɔnike 4:2

Ojebakani bokoja bosɔ so ai Kumu Yesu a bopa no.

1 Batɛsalɔnike 4:4

bo moto na moto onu ajebe bosɔ mwali onde mɛnɛ na bosɛnɔ na lisuma,

1 Batɛsalɔnike 5:18

Sakoani Njambe a mojɔ mongando jisusu, mojɔ bo Njambe apalaka bo Okɔeni boa a tei eMasiya Yesu.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

2 Batɛsalɔnike 2:13

Baninga, Kumu adi na nu ngɛnjɔ; na so bobwani bosakoa Njambe bihole bisusu mojɔ bo Njambe ahɔ no oko a libangake bo oheleni, oko na hosɛnoja boMwembo, na cina eejimeli eSoti.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

Baebele 10:36

Etakaka na nu oko lingbangba bo okɔeni bolulea boNjambe, na bo osɛni mua modikeja yo.

Baebele 12:16

Nganjamani bo okwa onu atada moto obɔɔli, pɛpɛ ejimeli, o adaka Esau yona osɔmbɔtɔnɔ lisango linde lisɔmi a mojɔ moteni emɔci edia.

Baebele 13:21

Yɛ abɔngejae no na ngando jisusu jipele a bokɔ bolulea bonde, na akɔe a tei enu o apalaka yo, a mojɔ moYesu Masiya. Ekumu ai yo oko na bosusu. Amen.

Baebele 13:4

Bolongana bobwani boda mojɔ molisuma ai bato basusu, na esambe emomi na mwali ebwani boda na bosɛnɔ. Mojɔ bo Njambe adi bosambeja bato balisɔngi na bato babɔɔli.

1 Pɛtɛlo 1:2

ai bato bahɔ Njambe na mbuno ende mɛnɛ, bato bahɛngɛ yo na Mwembo bo badae na lisuma ai Yesu Masiya, na bo bamɛsɛme na makia mande. Yɛ monganji moNjambe na bowi bohɛe ai no bou mɛnɛ.

1 Pɛtɛlo 4:2

bo atasuma koko posa jimokuku a masu maya madikai, oko bolulea boNjambe.

1 Yoane 2:17

Ngondo ekɛkɛ adimoe, na posa engondo pongono. Moto ko yona okɔkɔ bolulea boNjambe ayeyoaka oko na bosusu.

Boboloja 21:8

A mojɔ mobimɛli ko, na baya bapeliti ejimeli, na bato babosambolu, na bawoi, na bato babɔɔli, na bato bademba, na basakoi babilimo, na bakosei basusu,—libondo libu lidi oko a libale limosa na supulu; bogwa bomina bodi bogwa bomabae.

Boboloja 22:15

Sokolu ko, oko mbwa, na bato bademba, na bato babɔɔli, na bawoi, na basakoi babilimo, na basusu baya bapalaka na bakɔkɔ bokosea.