1 Batɛsalɔnike 4:16 - Nouveau Testament en Ngombe 1961

¹⁶ Mojɔ bo, mosuku obabwɛnji baDiko âdumbea na kɔpi epipo, na mondule moNjambe môhweama. A ehole emina, Kumu yo mɛnɛ âdonga a Diko, âtita na bobekoa bonɛnɛ, na baya bagwa a tei eMasiya bângɔ boso.

1 Batɛsalɔnike 4:16 ပူးပေါင်းရင်းမြစ်များ

Matayo 16:27

Mojɔ bo, Mwana ’Moto adi bodoa na babwɛnji bande a ekumu eSangwa’nde, na adi bokaba ai moto na moto libondo lia libwani na bikɔmɛli binde a ehole emina.

Matayo 16:28

Mbi natɔndɔkɔ no na soti bo bakina ba’mi yaya baya batagwa oko banɛkini Mwana ’Moto akadoe a Bokumu bonde.

Matayo 25:31

Mwana ’Moto akadoa na babwɛnji bande basusu a ekumu ende, adi boda a ngɛndɛ eekumu ende.

Matayo 26:64

Yesu amosɔmbeja bo, O abali wɛ. Mbi ko natɔndɔkɔ no bo odini bonɛ Mwana ’Moto na mobondo a dɔngɔ diebɔ ebami eNdangasa, na akadoe a diko dibiyembi biDiko.

Bikɔmɛli 1:11

Ibo babala bo, Ino bami baGalile, okahoakani miso diko boa mojɔ moye? Iyo Yesu yona odaki na nu, yona otombami oho Diko, ahulabi koko boa, o amoni no akɛkɛ oho Diko.

1 Bakolinto 15:18

Na pongono, bato baya bagwa a tei eMasiya badimoa.

1 Bakolinto 15:20

Masiya ko angɔ a tei ebagwake soti, o mbuma eboso ebaya bagwa.

1 Bakolinto 15:23

Masiya adi o mbuma eboso, ngɔngɔ jinde oko baya badi bato bande a bodoa bonde.

1 Batɛsalɔnike 1:10

na a bo’mba bohula boMwana’nde oho Diko yona ongɔjɔ yo a bogwa, oko Yesu yona ohelejaka so a likundu lia likɛkɛ adoe.

1 Batɛsalɔnike 3:11

Yɛ Njambe Sangwa’su yo mɛnɛ, na Kumu osu Yesu, bapɛ so njea ai no.

2 Batɛsalɔnike 1:7

na âhemeja so na no baya badi-ngoaka, a busa bômana Kumu osu Yesu oho Diko na bahwɛnji bande bapipo,

2 Batɛsalɔnike 2:1

Baninga, a mojɔ mobodoa boKumu osu Yesu Masiya na bobolea bosu ai yo, bongɔɔnɔkɔ no

Mokanda Momibae Mosɔnɔ Pɛtɛlo - 2PE 3:10

Busa boKumu ko bodoabí o adoaka mobi. Busa bodi-moabí na daka enɛnɛ a ehole emina; njɔtɔ banangoabí na mosa; ngondo etumbamabí na mosa, na leka losusu lua lodi ena.

Yuda 1:9

Nongo Mikaele, mosuku obabwɛnji-baDiko, yana aswiana yo na Satana a mojɔ momokuku moMose, aipala bomotɔkɔlɔ; abala oko bo, yɛ Njambe alemoe na wɛ.

Boboloja 1:10

Nadaka a Mwembo a busa boKumu, na naka kɔpi epipo a ngɔngɔ jimbi o mondule bo,

Boboloja 1:7

Hokeani; akɛkɛ adoe na biyembi. Miso masusu madi bomonɛ, na baya bamondea pongono. Na makota masusu mangondo mâyea bio a mojɔ monde. Ee, Amen.

Boboloja 14:13

Naka koko kɔpi ekabale oho Diko bo, Sɔnɔ mojɔ mu; Bagwake baya bagwaka a tei eKumu badi na bojongoa, e dɛye, oko na bosusu. Mwembo mobalaka bo, Ee badi na bojongoa, bo baheme a minɔngɔ Mibu, mojɔ bo bilomu bibu bibasusaka.

Boboloja 8:13

Anja mbi koko, nanɛ popo akapimboe oho ta busa, na akabekoe na kɔpi epipo bo, Monɔngɔ, monɔngɔ, monɔngɔ, ai bato baya badi a ngondo, a mojɔ momindule mitongo Mibabwɛnji baya bakɛkɛ ahue.

Boboloja 8:2

Na mbi nanɛ babwɛnji-baDiko sambo baya badi a boso bo-Njambe; na basɔ mindule sambo.