1 Batɛsalɔnike 3:8 - Nouveau Testament en Ngombe 1961

⁸ Mojɔ bo, adi no bambilimake a tei eKumu, o so boheli.

1 Batɛsalɔnike 3:8 ပူးပေါင်းရင်းမြစ်များ

Yoane 15:4

Yeyoani a tei embi, na mbi nâyeyoa a tei enu. Etape, oko etape ngasa, editi nongo na libota. Emiti da a tei ebomwe, etabota nongo mbuma; ino koko boa, omiti yeyoani a tei embi, ôtabotani nongo mbuma.

Yoane 15:7

Okayeyoani a tei embi, na bikenge bimbi bikayeyoa a tei enu, obwanini bonga mojɔ mopalaka no, na ôsɔni.

Yoane 8:31

Yesu abala na BaYuda baya bamojimea bo, Okayeyoani a ebaeli embi, odini bacingami bambi na soti.

Bikɔmɛli 11:23

Amea yo oho, na anɛ yo monganji moNjambe, asepa a mojɔ momina. Iyo aleha bo basusu bo basabekee, na bo bacingame na Yesu na lingbangba.

1 Bakolinto 15:58

A mojɔ momina, baninga bambi baepaeli, dani bambilimake, pɛ bombɛni nongo mweka; kɔmɛni Kumu na elomu enɛnɛ masu masusu, mojɔ bo ojebakani bo elomu enu ai Kumu êtanama nongo.

1 Bakolinto 16:13

Ino, toma sɛnjɛlɛni bopele; dani bambilimake a ejimeli enu; dani bami mɛnɛ; dani bato bapipo.

Bagalata 5:1

Masiya asikoa so bo bodae na bosɔmi. A mojɔ momina, dani bambihmake a bosɔmi bonu; T’ojimeni oko bo opikameni koko a libuli.

Baɛpɛsɔ 3:17

Nangɔɔnɔkɔ bo Masiya adihe esika eboda a milema minu cina eejimeli enu, na bo odaeni bambilimake na ngbi a epaeli;

Bafilipoi 1:21

Mojɔ bo, ai mbi, bomɔ bodi oko Masiya, na bogwa bodi ndese.

Bafilipoi 1:27

Ino ko, toma dani na ekɔmɛli yena ebwani na Mwako Mopele moMasiya. Oko boa, nongo nakadoa a bo’nɛnɛ na nu, isa nakadika ya, nadi boka mwako monu, bo odini bambilimake na molema momɔci, a bo’na o moto omɔci a mojɔ moejimeli eMwako Mopele.

Bafilipoi 4:1

A mojɔ momina, baninga bambi baepaeli, toma dani bambilimake boa a tei eKumu. Mbi nadi na posa ai no; sepi embi edi ai no, na odini ekumu embi.

Bakɔlɔsai 1:23

okayeyoani bambilimake na ngbi a ejimeli, pɛ nongo bodonga a njingo eMwako Mopele moka no. Mwako momina motɔndɔmɔ ai bato basusu ya nase, na mbi Paulo nahɛngɛmɛ ho nadae mokɔmɛli omwako momina.

1 Batɛsalɔnike 3:7

A mojɔ momina baninga, nongo adi so na minɔngɔ na jɔɔlɔ so bɛnɛ, ejimeli enu esejai mokakwano mosu a mojɔ monu.

Baebele 10:23

Yɛni so bopee boku njingo ejimaka so, pɛ nongo bokamakama, mojɔ bo yo atakputoja nongo sako ekina yo.

Baebele 3:14

Mojɔ bo libondo lisu lidi a tei eMasiya, bokapea boku oko a suka, ejimeli yena edaka na su a libangake,

Baebele 4:14

Adi so ko na Nganga Monɛnɛ yona onɔi oho Diko, oko Yesu Mwana ’Njambe, kwani bopee boku ejimeli esu.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.

Mokanda Momibae Mosɔnɔ Pɛtɛlo - 2PE 3:17

Ino ko baninga, ajebaka no oko ngando jimina jidoakini, toma nganjamani, bo osaka laboani a mojɔ mobo-kosea bobato babe, na otadani koko bambilimake.

Boboloja 3:11

Mbi nakɛkɛ adoe bokpa. Pea boku mua mopeli wɛ, bo moto asaka katoa likongo liwɛ.

Boboloja 3:3

Toma lɛ mijɔ misɔ wɛ, na mijɔ mika wɛ. Banea mijɔ mimina, na hekoja molema mowɛ. Omiti nganjama, mbi nâdoa o mobi, na otajeba ehole êdoa mbi ai wɛ.