1 Batɛsalɔnike 2:10 - Nouveau Testament en Ngombe 1961

¹⁰ Ekɔmɛli esu a tei enu baejimeli edaka esɛnɔke na bojo, pɛpɛ nongo mojɔ; ino bɛnɛ odini banjɛnɛki bamojɔ momina, na Njambe pongono.

1 Batɛsalɔnike 2:10 ပူးပေါင်းရင်းမြစ်များ

Luka 23:41

Iso bobwani na mokindo momina; bosɔkɔ oko ndese ejibe jisu; yo ko akɔiti nongo mojɔ mobe.

Bikɔmɛli 20:18

Yana amea bo, Paulo abala na bu bo, lno ojebakani ekɔmɛli embi a tei enu bihole bisusu, donga a busa boduboa mbi a Asia.

Bikɔmɛli 20:26

A mojɔ momina, mbi natɔndɔkɔ no a bohu busa bu, bo iindo jimakia manu jicingiti na mbi.

Bikɔmɛli 24:16

A mojɔ momina, mbi nakɔkɔ na bingi bihole bisusu bo molema mombi motada na mojɔ, isa a boso boNjambe, isa a boso bobato.

2 Bakolinto 1:12

Iso bosepaka na mojɔ mumu; molema mosu motataka bo ekɔmɛli esu a miso mabato, na a miso manu bɛnɛ, edaka na bosɛnɔ na lisuma ai Njambe; te nongo na bowɛi bongondo, oko na mo-nganji moNjambe.

2 Bakolinto 11:11

Mojɔ moye? Naditi na epaeli ai no? Njambe ajebaka bo nadi na epaeli ai no.

2 Bakolinto 11:31

Njambe, Sange ’Kumu Yesu yona odi na bojongoa oko na bosusu, ajebaka bo nitakosaka.

2 Bakolinto 4:2

Iso boloni bikɔmɛli bibosambolu na bipoloso; ekɔmɛli esu editi nongo na epulu; botahekojaka Ebaeli eNjambe a ekina cina etongo. Botɔndɔkɔ mijɔ misoti a bohu, bo bodae na lilonga a boso bobato basusu, na a boso boNjambe.

2 Bakolinto 5:11

Iso bokengaka bojimeja bato, mojɔ bo bonjaka Kumu oko na bɔ. Iso bɛnɛ bodi a bohu a miso maNjambe. Nadi koko na njingo bo ekɔmɛli esu edi bohu a Inilema minu.

2 Bakolinto 7:2

Pani so pokiso a tei emilema minu. Iso boikɔ nongo bobe ai moto. Boilaboja nongo moto. Boikɔ nongo moto poloso.

1 Batɛsalɔnike 1:5

Mwako Mopele mosu moidoa ai no na kɔpi pɛ; modoa na ngulu, na Mwembo Mosɛnɔke, na ejimeli enɛnɛ. Ojebakani ekɔmɛli yena edaka na su a tei enu a mojɔ monu.

1 Batɛsalɔnike 2:5

Ojebakani no bɛnɛ bo boitombea no na bibaeli bisu. Na boimeka bodiha likonja na poloso; Njambe yo mɛnɛ adi monjɛnɛki osu.

2 Batɛsalɔnike 3:7

Ojebakani no bɛnɛ bo obwanini bokoana na su, mojɔ bo ekɔmɛli esu a tei enu eidaka ebe.

1 Timoteo 4:12

T’okine oko bo moto asɛtojae wɛ mojɔ bo odi oko mwɛnga pɛ. Aneja bato baejimeli ekoaneli epele na ebaeli ewɛ na moda mowɛ, a mojɔ moepaeli, na ejimeli, na bosɛnɔ.

2 Timoteo 3:10

Wɛ ko ojebaka na bopele mɛnɛ bokoja bombi, ekɔmɛli embi, mokano mombi, ejimeli embi, lingbangba limbi, epaeli embi, bombɔki bombi,

1 Pɛtɛlo 5:3

Adi no na libondo libato a bobanea, pɛ bosakumejani a boso bobu. Anejani ekoaneli epele ai bwela bosusui