Yohana 16:20 - Chimpoto

²⁰ Chakaka numpwaghila, mwehapa anamlelaje na kuombuleza, nambu bhandu bha pundema anabhahekalyaje. Na mwehapa anajumbina mitima jinu, nambu mabhinilu ghinu anaghang'anambuka na kubha chiheku.

Yohana 16:20 ပူးပေါင်းရင်းမြစ်များ

Matayo 21:38

Nambu bhalemi bhala pabhakumbweni mwana waki bhakapwaghani bheni kwa bheni, ‘Ajoju nde mpwelelu waki, henu tunkomaje nahuli tuutola upwelelu waki!’

Matayo 5:4

“Bhapengaliki bhabhabhi na huzuni, maghambu Chapanga anaabhajeghala mtima!”

Mako 14:72

Panihapa likongobhi lakabhekiki mala ja kabhele, na Petulu akakombwiki Yesu moakumpwaghile, “Mangane likongobhi kubheka mala pabhele, wingana mala patatu.” Na Petulu paakakombwiki, akalihawi pahi na akaleliki namaa.

Mako 16:10

Malia Magidalena akapiti kubhapwaghi bhabhabhi papamu na Yesu. Na chikahi hechi bhabhulwa bhala bhakabhi bhaombuleza na kulela.

Luka 22:45

Paakajomwi kulobha akakelawiki kwa bhabhulwa bhaki, akabhahimani bhaghochile, maghambu bhakabhi na huzune.

Luka 22:62

Petulu akapitiki kunja na kulela kwa kumbina mtima.

Luka 23:27

Lipogha likolongwa la bhandu lakabhi lunjengalela, pachilanda jabhu bhakabhi akambomba bhakabya bhundelela na kumuombulezela.

Luka 24:17

Yesu akabhalalukile, “Bho, ndongale kiki koni njenda?” Na bhombi bhakajemiki na kutumbala chinunu, koni bhakalangiya pamihu jabhu kubha bhabhi na huzuni.

Luka 24:21

Tepani tukahobhali kubha jombi nde joabhakombulaje bhandu bha Izilaeli. Nambu lalenu nde lichobha la katatu kutumbu mambu ghanihagha paghahengakike.

Luka 6:21

Mpengaliki mwanganya mwembi na injala sajeno, maghambu anantupilaje! Mpengaliki mwanganya mwendela sajeno, maghambu anamuhekaje!

Yohana 16:33

Numpwaghili mambu ghanihagha nahuli mpata kubha na lukwale mkati jangu. Pundema anampata ulale, nambu mulipekya mtima, kwa ndandi nepani niuweziki ndema!”

Yohana 16:6

Nambu kwa ndandi numpwaghi mambu ghanihagha, mitima jinu jitwelili huzuni.

Yohana 20:20

Na paakapwaghiki ghanihagha, akabhalangi mabhoku ghaki na indeta jaki. Bhela bhabhulwa bhala bhakahekalili namaa, pabhakumbweni Bambo.

Matendu 5:41

Bhela mitumi bhakapitiki kunja ja pachengu koni bhatweli chiheku, ndandi bhabhalangiki ikabhapaliki kupohakeka lihamu kwa ndandi ja lihina laka Yesu.

Bhalumi 5:11

Wala nga bhenibhela pela, nambu bhelabhela tuhekalela muka Chapanga kwa indela jaka Bambo witu Yesu Kristo, ambaju kwaka jombi sajenu tuujopalili ujonganeshu ghonihoghu.

2 Bhakolinso 6:10

hata koni tubhonikana tubhi na huzuni, nambu machobha ghokapi tuhekalela, hata koni tubhonikana akakahochu, nambu tubhatenda bhandu bhamaheli kubha na hindu yamaheli, hata koni tubhonikana kubha bhandu bhangakubha na chindu chokapi chela, nambu tubhi na hindu yokapi.

Bhagalatia 5:22

Nambu litunda laka Roho Mhuhu nde upalu, chiheku, lukwale, kuhinakila, utu wambone, kujangatana, ulongwana,

1 Bhasesalonike 1:6

Nanamu mkabhi bhahemba bhitu na bhaka Bambo, koni mkajopalyaje lilobhi mu ulali wamaheli, papamu na chiheku chaka Roho Mhuhu.

Yakobo 1:2

Bhalongu bhango, mbyaje na chiheku nakanope pampata malengakeku patalipatali,

Yuda 1:24

Kwaki Chapanga joaweza kundenda ngamwihika kuhabhuka, na kundeta mwehapa panga mahakau mbaka palongi ja ulumbalilu waki kwa chiheku chikolongwa,

Uyekuliku 11:10

Bhandu bhabhatama pundema anabhahekalya kwa kupotela kwa bhandu bhabheli habha. Anabhahenga uwangalalu na kupelekelana nhupu, kwa ndandi bhalota bhabheli habha bhakabhang'ahiki namaa bhandu bhabhatama pundema.

Uyekuliku 18:7

Kwa ntundu moakalilumbalili na kuhenga mambu gha kulihekeha, mumpekya mabhinilu na huzuni kulengana na bhenibhela. Maghambu alipwaghi muntima waki: ‘Nepani ndawala ngati malikia, nepani nga mbomba nenhweliwi na ndomi wangu, wala nganibhoni huzuni ng'o!’