Matayo 5:4 - Chimpoto

⁴ “Bhapengaliki bhabhabhi na huzuni, maghambu Chapanga anaabhajeghala mtima!”

Matayo 5:4 ပူးပေါင်းရင်းမြစ်များ

Luka 16:25

“Nambu Ibulahimu akamuyangiki, ‘Mwanango, ukombuka kubha ujomwi kupata mambu manyahi ghaku chikahi cha womi waku, na Lazalo akapatiki mambu mahakau. Na sajenu Lazalo abhi pambani ahekalela, nambu wenga ung'ahakika.

Luka 6:21

Mpengaliki mwanganya mwembi na injala sajeno, maghambu anantupilaje! Mpengaliki mwanganya mwendela sajeno, maghambu anamuhekaje!

Luka 6:25

Anamuchibhonaje mwentupi sajenu, maghambu mwibhona injala! Anamuchibhonaje mwemuheka sajenu, maghambu anamuombulizaje na kulela!

Luka 7:38

Akahiki kujema pambipi ja magholu ghaka Yesu, akaleliki na maholi ghaki ghakahabhuki pa magholu ghaka Yesu. Mbomba jola akaghahungwi magholu ghaka Yesu kwa majunju ghaki, na kughabusu magholu na kughapaka mahuta gha kunungi wichu.

Luka 7:50

Nambu Yesu akumpwaghi mbomba jola, “Uhobhalelu waku ukukengalili wenga, ujenda kwa lukwale.”

Yakobo 1:12

Mbanga mundu joahinakalila chikahi cha malengakeku, kwa ndandi anajomwi kupeta mu malengakeku anajopalya litaji la womi ambalu Chapanga akabhalaghalili bhala bhabhumpala.

Uyekuliku 21:4

Chapanga anaabhahungulaje maholi ghokapi mu mihu ghabhu. Nyiwa ngajikubhi kabhete, wala maombulezu, wala chilelu, wala mabhinilu, kwa kubha mambu gha kutumbula ghajomwi kupeta.”