Matayo 28:7 - Chimpoto

⁷ Bhela njendanya manyata, mkabhapwaghila bhabhulwa bhaki, ‘Ahyokiki kuhuma kwa bhakuwa. Lingalyaje, sajenu andongulela kujenda ku Galilaya, konihoku nde komwakumbonaje.’ Haya, nyomwi kumpwaghila.”

Matayo 28:7 ပူးပေါင်းရင်းမြစ်များ

Matayo 24:25

Njowanyaje, nyomwi kumpwaghila mangani ja chikahi kuhika mambu ghaghipitalyaje kulongi.”

Matayo 26:32

Nambu ananyomwi kuhyoka, ananundongulya kujenda ku Galilaya.”

Matayo 28:10

Panihapa Yesu akabhapwaghile, “Ngamwijoghopa, njendanya mkabhapwaghila bhalongu bhangu bhajenda ku Galilaya, konihoku nde kobhakamonaje.”

Matayo 28:8

Bhakabhokiki manyata kuhuma palitengeli, kwa choghohi na chiheku chamaheli, na kubhutuka imbelu kubhapwaghila bhabhulwa bhaki.

Mako 14:28

Nambu panihyokaje, ananundongulya kujenda ku Galilaya.”

Mako 16:10

Malia Magidalena akapiti kubhapwaghi bhabhabhi papamu na Yesu. Na chikahi hechi bhabhulwa bhala bhakabhi bhaombuleza na kulela.

Mako 16:13

Na bhombi kabheti bhakapiti kubhapwaghi bhajabho, nambu papamu na bhela ngachebhahobhalile.

Luka 24:34

bhakapwaghaje, “Chakaka Bambo ayokike, na akumpitali Simoni.”

Yohana 14:29

Numpwaghi mambu ghanihagha sajenu mangani ngacheghapitalile, nahuli paghipitalyaje mpata kuhobhalela.

Yohana 16:4

Nambu numpwaghili mambu ghanihagha, nahuli chikahi chela pachihikaje, mpata kukomboka kubha nyomwi kumpwaghila. “Ngachenumpwaghili mambu ghanihagha kutumbu pakutumbula, maghambu nakabhi papamu na mwehapa.”

1 Bhakolinso 15:4

kubha akataghakiki, na akahyokiki lichobha la katatu, ngati moghapwagi Malembu Mahuhu,

1 Bhakolinso 15:6

Kabheti akabhapitalili bhalongu bhahobhalela kupeta mia tano papamu, pachilanda ja bhanihabha bhamaheli bhakali bhome, nambu bhakumu bhabhu bhapotile.