Matayo 27:12 - Chimpoto

¹² Nambu bhapenganyambiku bhakolongwa papamu na bhazee, pabhakuntakile ngacheakayangiki lilobhi.

Matayo 27:12 ပူးပေါင်းရင်းမြစ်များ

Matayo 26:63

Nambu Yesu akatumbi chinunu. Mpenganyambiku Nkolongwa akumpwaghile, “Nukulapisha kwaka Chapanga joabhi mwome, utupwaghilaje ngati wehapa nde wa Kristo, Mwana waka Chapanga.”

Matayo 27:13

Panihapa Pilato akumpwaghile, “Bho, ngacheujowana mambu ghanihagha ghokapi ghabhukutaki nagho?”

Matayo 27:14

Nambu Yesu ngacheakayangiki lilobhi hata limu, na nkolongwa wa ku Loma hoju akakangichi namaa.

Luka 23:9

Bhela Helode akundaluki Yesu malalukilu ghamahele, nambu Yesu ngacheayangiki lilobhi.

Matendu 8:32

Nkolongwa hoju asomika pandu pambani pa Malembu Mahuhu: “Bhakundongwi ngati limbelele lebhajenda kulichinja, ngati mwanambelele moatumbalila, palongi jaka joanheketa mangoma, jombi ngacheakalongi lilobhi.

1 Petulu 2:23

Paakatonduliki jombi ngacheakayangiki kwa litondu, paakang'ahakike jombi ngacheakabhohiki malobhi gha kuyoghoha, nambu akaghabhekiki mahobhalelu ghaki kwaka Chapanga, joatemula ngati moipalakila.