Luka 6:21 - Chimpoto

²¹ Mpengaliki mwanganya mwembi na injala sajeno, maghambu anantupilaje! Mpengaliki mwanganya mwendela sajeno, maghambu anamuhekaje!

Luka 6:21 ပူးပေါင်းရင်းမြစ်များ

Matayo 5:4

“Bhapengaliki bhabhabhi na huzuni, maghambu Chapanga anaabhajeghala mtima!”

Matayo 5:6

“Bhapengaliki bhabhabhi na injala na inywita ja kutenda ghaaghapala Chapanga, maghambu Chapanga anaabhatupalishaye.”

Luka 1:53

Abhatupalishi bhabhabhi na injala kwa hindu yambone, na bhanamali abhatopwi mabhoku matopu.

Luka 6:20

Yesu akabhang'anambuki bhabhulwa bhaki na kupwagha, “Mpengaliki mwanganya mwabhahochu, maghambu Ukolongwa waka Chapanga nde winu!

Luka 6:22

“Mpengaliki mwehapa ngati bhandu pabhunhakalila, pabhuntenga, pabhuntondola na kumpwaghi mahakau, kwa ndandi jaka Mwana waka Mundu!

Luka 6:25

Anamuchibhonaje mwentupi sajenu, maghambu mwibhona injala! Anamuchibhonaje mwemuheka sajenu, maghambu anamuombulizaje na kulela!

Yohana 11:35

Yesu akaleliki mahole.

Yohana 4:10

Yesu akamuyangiki, na kumpwaghila, “Ngati ukamanyiki chindu chela Chapanga cheapala kukupekeha, najombi nde nane joakupwaghila, ‘Mbekya machi ngunywaje,’ ukabya unjopiki jombi, najombi akabya akupekihi machi ghaghabhi ghomi.”

Yohana 6:35

Yesu akabhapwaghile, “Nepani nde libumunda la womi. Jokapi joahika kwangu nepani ngayibhoni injala ng'o, na jola joanhobhale nepani ngayibhoni inywita ng'o.

1 Bhakolinso 4:11

Mbaka chikahi chenjenu tepani tubhili na injala na inywita, ngachetubhi na ingobhu inyahi, tulapuliki maghanja, na ngachetubhili na pakutama.

2 Bhakolinso 11:27

Ndendiki lihengu linonopi na mang'ahiku, ndemi mihu panga lughonu mala pamaheli, nakabhi na injala na kubhona nywita, mala pamaheli ngongiki kula na kutama mu imbepu panga ingobhu.

2 Bhakolinso 12:10

Anana nde ndandi, kwa ndandi jaka Kristo, nyetakela kukosa kwangu makili, matondu, kulagha, mang'ahiku, na ulale, kwa ndandi pangubha nga makili, panihapa nde pangubha na makili.

2 Bhakolinso 6:10

hata koni tubhonikana tubhi na huzuni, nambu machobha ghokapi tuhekalela, hata koni tubhonikana akakahochu, nambu tubhatenda bhandu bhamaheli kubha na hindu yamaheli, hata koni tubhonikana kubha bhandu bhangakubha na chindu chokapi chela, nambu tubhi na hindu yokapi.

Yakobo 1:12

Mbanga mundu joahinakalila chikahi cha malengakeku, kwa ndandi anajomwi kupeta mu malengakeku anajopalya litaji la womi ambalu Chapanga akabhalaghalili bhala bhabhumpala.

Uyekuliku 21:3

Nakajowini sauti ngolongwa kuhuma pa chiteu cha kikolongwa pala, jakapwaghaje, “Lingalyaje! Sajenu Nyumba jaka Chapanga jibhi papamu na bhandu! Anaatamaje pachilanda jabhu, nabhombi anabhakubhaje bhandu bhaki. Najombi anaakubhaje Chapanga wabhu.

Uyekuliku 7:16

Ngabhibhoni kabhete injala ng'o, wala ngabhibhoni inywita kabhete, na lyobha ngalabhatinyihe kabheti na wala kupyopa kukali ngakwabhajochi.