Luka 17:25 - Chimpoto

²⁵ Nambu mangani ja mambu ghanihagha ghokapi anaang'ahakika namaa na kukanakika na bhandu bha kibheleku chenu.

Luka 17:25 ပူးပေါင်းရင်းမြစ်များ

Matayo 16:21

Kutumbu chikahi chenihechi Yesu akatumbwi kubhalandila bhabhulwa bhaki hotuhotu, “Imbalika kujenda ku Yelusalemu, na kupata mang'ahiku ghamaheli kuhuma kwa bhazee, na bhapenganyambiku bhakolongwa, na bhabhola bha Shelia, na konihoku anangomakikaje na lichobha la katatu niyokaje.”

Matayo 21:42

Panihapa Yesu akabhapwaghile, “Bho, ngachemwasomiki lijambu haleli mu Malembu Mahuhu? ‘Liganga lebhalikaniki bhachenga sajenu libhi liganga lelipalika nakanopi la luhuli. Bambo nde joatehi lijambu haleli, na lombi nde la ukangachu namaa kwitu!’ ”

Mako 10:33

Akabhapwaghile, “Ndingalyaje, tukwela kujenda ku Yelusalemu. Na konihoku Mwana waka Mundu anabhumpelaka mu mabhoku gha bhapenganyambiku bhakolongwa na bhabhola bha Shelia, na bhombi anabhuntemula apotilaje na kubhapeke bhandu bha mataifa ghange.

Mako 12:10

Bho, ngachensomiki Malembu aghagha? ‘Liganga lebhalikaniki bhachenga, sajenu libhi liganga likolongwa la punkeghi.

Mako 8:31

Yesu akatumbwi kwabhola bhabhulwa bhaki, “Impalika Mwana waka Mundu ang'ahikaje pamaheli na kukanakika na bhazee na bhapenganyambiku bhakolongwa na bhabhola bha Shelia. Bhela anakomakikaji, na baada ja machobha ghatatu anahyokaje.”

Mako 9:31

maghambu akabhi abhabhola bhabhulwa bhaki. Akabhapwaghile, “Mwana waka Mundu anabhumpelaka kwa bhandu na bhombi anabhunkomaje, nambu lichobha la katatu anahyokaje.”

Luka 18:31

Yesu akabhatoliki bhabhulwa bhaki komi na bhabheli punkeghi na kubhapwaghila, “Njowanyaje! Tukwela kujenda ku Yelusalemu, na malembu ghokapi ghaghalembakiki na bhalota bhaka Chapanga panani jaka Mwana waka Mundu anaghapitalyaje.

Luka 18:33

Anabhundapulaje na kunkoma, nambu lichobha la katatu anaayokaje.”

Luka 24:46

Akabhapwaghile, “Ilembakiki mu Malembu Mahuhu kubha Kristo aying'ahakika na kuyoka lichobha la katatu.

Luka 9:22

Yesu akapwaghiki kabheti, “Impalika Mwana waka Mundu kupata mang'ahiku na kukanakika na bhazee, bhapenganyambiku bhakolongwa, na bhabhola bha Shelia. Na jombi anabhunkomaje, nambu lichobha la katatu anayokaje.”

Yohana 1:11

Akahikiki kwa bhandu bhaki mweni, nambu bhombi ngachebhunjopalile.

Yohana 12:38

Nahuli ghapata kupitalila malobhi ghaakapwaghiki mlota Isaya, “Bambo, bho, nde nane joakauhobhalile ubholu wito? Na bho, nde nane joayekuliwi makili ghaka Bambo?”