2 Timoseo 4:4 - Chimpoto

⁴ Anabhakanaje kuujowana uchakaka, anabhang'anambukyaje hadisi ya upuhe.

2 Timoseo 4:4 ပူးပေါင်းရင်းမြစ်များ

Matayo 13:15

Maghambu mitima ja bhandu bhanihabha jitehi kunonopa, bhaghahibhiki makutu ghabhu, bhaghahibhiki mihu ghabhu. Nanga bhela, bhakabya bhaloliki kwa mihu ghabhu, bhakabya bhajowini kwa makutu ghabhu, bhakabya bhamanyi kwa malangu ghabhu, na kuning'anambukila, na nenga nakabya nabhalamihe.’

Matendu 7:57

Panihapa, bhandu bhokapi bhabhabhi pa uhimanganu wa pachengo pala, bhakajamalili na kuhibha makutu kwa mabhoku ghabho. Na bhela bhakamuhombili bhokapi kwa papamu,

2 Bhasesalonike 2:11

Ndemana Chapanga abhabhekiki pahi ja makili gha kuhobha, nahuli bhauhobhalya upuhi.

1 Timoseo 1:4

Wapwaghila ngabhibhoha chikahi chabhu kwa hadisi ya kuhumbulika na habali ilachu ya akahokolo, ambayu ipelakela bhandu kulochana, wala ngacheichenga lihengu laka Chapanga mu uhobhalelo.

1 Timoseo 4:7

Nambu ukanaje hadisi yangakubha ya dini, na yangakubha na ndandi, nanaghu ulibholaje kutama ngati moapali Chapanga.

1 Timoseo 6:20

Wenga Timoseo, ughalendaje wichu ghokapi ghala ghaupekiwi, ulijepaje na malobhi gha kindema, na ghangakubha na ndandi jokapi jela, na malochanu ambaghu kwa upuhe ghaghalowakeka kwa upuhe “Umanyi.”

2 Timoseo 1:15

Wehapa umanyi kubha bhandu bhokapi mu Asia bhanekike, hata Figelo na Helimogene bhanekike.

Titu 1:14

Ngabhijendalela kujowanela hadisi yanga na ndandi ya Bhayahude, na malaghalakilu ghaghahuma kwa bhandu bhabhukaniki uchakaka.

Bhaebulania 13:25

Chihomu chaka Chapanga chibya na mwehapa mabhokapi. Amina.

2 Petulu 1:16

Chikahi patukamboliki panani ja makili gha kuhika kwaki Bambo witu Yesu Kristo, ngachetukajengalili hadisi ya bhandu bhabhachenjile; nambu tepani tukumbweni jombi mu ulumbalilu wa ukolongwa waki kwa mihu ghitu tabhete.