Yuda 1:3 - KILOMBENO KIHYA KIA NFUMWETU YESU KIDISITU

³ A batomibwe kifulo, hanadi asasakata kwinufundjila ha mwanda wa kihandjilo kietu’twe boso, nadi munyishwe mwishimba diande kwinufundjila, na kwinulanga’shi, nulwile na kutuhwita ha mwanda wa lukumino lwinyi lubahelwe mususa umunenka kwi bahatulwe-bekishila.

Yuda 1:3 ပူးပေါင်းရင်းမြစ်များ

Bikitshino 17:3

Badi abula mukanda na kwibashitulwila’shi: Kidisitu badi na wa kufwambuka, na kubuka dimo ku lufu; uno Yesu namu kwete kwinulungula nyi Kidisitu na mwinyi.

Bikitshino 18:28

Mwanda e babofwishe Bena Yuda bikata bi moo ku mpala kw’a bantu boso, badi ebashisha mu Bifundwe bi’Efile’shi, Yesu nyi Kidisitu.

Bikitshino 20:27

Mwand’ami nkīmwishikile kwinulungula binangu bioso bi’Efile Mukulu.

Bikitshino 28:28

Binyibiabia nwikale beukye’shi: Kihandjilo ki’Efile Mukulu nkitumibwa kwi Badjentaila, n’abo abakekihusha.

Bikitshino 4:12

Sunga mu dingi tamwi kihandjilo, ooo; mwanda tamwi dingi eshina mushi mwiilu dibahebwa munkatshi mwa bantu diatukahandjila.

Bikitshino 6:7

Binyibiabia mwanda w’Efile Mukulu ubatamine, na bungi bwa balondji b’Efile bubafwimine bikata mu Yelusalema; kibumbu kikata kia batshiite-bakwidi namu abakokyele lukumino.

Bikitshino 9:13

Henihaha Ananaisa bālulwile’shi: A Mwanana, tampushishe kwi bebungi abikitā uno muntu bibubi kwi bahatulwe bobe be kishila mu Yelusalema.

Bikitshino 9:22

Anka Saulu badi kwete kutama mu bukome, bahatakeshe Bena Yuda babombele mu Ndamasaka, badi kwete kwibashisha’shi, uno nyi Kidisitu na mwinyi.

I Bena Kodinda 15:3

Mwanda’mi kwibedi nenuhele kiakia kianatambwile namu, mu bafwidile Kidisitu milwisho yetu mulombene Bifundwe bi’Efile;

Bena Ngalatea 2:5

Kwabadi (namu) atwe tatwibebakokole, ooo, sunga nkahindji kahela; eshi biabinyibinyi bia mukāndu-wibuwa bikadidile n’enu.

Bena Ngalatea 3:28

Mwadi e takwi mwina Yuda, sunga mwina Ngidiki, takwi sunga mpika, sunga muluñantu, takwi sunga mulume sunga mukashi; mwanda’nwe boso nwi bū’mune mu Kidisitu Yesu.

Bena Ngalatea 6:11

Anumono mwanenufundjile mukanda ukata ku mboko yande.

Bena Efisesa 1:1

Paulu mutuinibwa a Yesu Kidisitu mwamukyebel’eshimba di’Efile Mukulu, kwi balamunwe-bakishila be mu Efisesa, na kwi bashimate mu Kidisitu Yesu:

Bena Fidihai 1:1

Paulu na Temote bahika ba Yesu Kidisitu, kwi balamunwe bakishila boso be mu Kidisitu be ku Fidihai, na kwi bakulubaledi, na kwi balami ba bintu.

Bena Fidihai 1:27

Anka mwikelo weno wikale ulombane mu mukāndu wibuwa wa Kidisitu’shi, sunga nankafika kwinumona, sunga nkwikala shī kwanka nenu, nankahusha bia nyikashi yenu’shi, nwibanyiñamane n’eshimba dimune, na kikudi kimune, na kwinyishena hamune ha mwanda wa lukumino lwa mukāndu-wibuwa w’Efile Mukulu;

Bena Kolose 1:2

kwi bala-munwe-bakishila, na bakwetu ba kishima mu Kidisitu be mu Kolose; bu-muntu bwikale n’enu, na kufukama kw’Efile Mukulu Nshyetu, na kwi nfumwetu Yesu Kidisitu.

I Bena Tesalonika 2:2

Anka hatubahwile kufwambuka kwibedi, na kumweshibwa biabūfu, anka bu mwa nwiukila ku Fidihai, tubakankamene mw’Efile Mukulu kwinulungula mukāndu-wibuwa w’Efile Mukulu n’efita dimoo.

I Temote 1:18

Luno lukayikilo natulu kodibe, mwan’ande Temote, mwiyile mitemuko yibatemukile kwibedi hodi’shi, kwayidi, bodio kulwa ngoshi yibuwa;

I Temote 6:12

Olwe ngoshi yibuwa ya lukumino, kamina ku muwa wa ikala-ika koboitanyinwe, na kukumina bokuminyine bibuwa ku mpala kwa tumonyi twibungi.

Ii Temote 1:13

Kamina kihwandjikisho kia bishima bilombane bibohushishe kwandji, mu lukuluhilo na kifulo ki mu Kidisitu Yesu.

Tetusa 1:4

Kwi Tetuse mwan’ande ā’mi na mwinyi mulombene lukumino lwa kwi bosoboso: Bu-muntu na lusa, na kufukama kw’Efile Mukulu Yaiya, na Nfumwetu Kidisitu Yesu Muhashi etu.

Bena Bahebelu 13:22

Nenusendela’nwe bakwetu, nukumine mwanda w’elango, mwanda nenufundjila mukanda mu bishima bihela.

Bena Bahebelu 6:9

Anka sunga atwisamba bino, bafudibwe kifulo, twibeukidile biya myanda yikile yaya buwa hanudi’nwe, na myanda ayikunkushena na kihandjilo.

I Petelo 5:12

Kwi Shifanusa mukwetu a kishima, nyi ntentekyesha, nenufundjile bihela, kwinulungula ha bukoho na kwinulanga ’shi: Buno mbu-muntu bwa biabinyibinyi bw’Efile Mukulu bwa nwibemanyinyine.

Ii Petelo 1:1

Shimona Petelo mpika na bu mutumibwa a Yesu Kidisitu, kwi baba abatambwile lukumino luneme, hamune n’atwe ha kululama kw’Efile Mukulu etu na Muhashietu Yesu Kidisitu;

Ii Petelo 2:21

Mwanda ubadia kukila buwa bia bashī badi beukye eshinda dia kululama, he kwidiuka kufutala ku mulangilo uhatulwe-wi-kishila ubebahelwe.

Yuda 1:1

Yuda, mpika a Yesu Kidisitu, mukwabo na Yakoba, kwi’ba abaitanyinwa, batomibwe kifulo mw’Efile Mukulu Yaiya, abalamibwa na Yesu Kidisitu.

Yuda 1:17

Ank’anwe batomibwe kifulo nutentekyeshe myanda yibakwile batemuki ba Nfumwetu Yesu Kidisitu kwibedi’ shi,

Yuda 1:20

Anka’nwe bafudibwe kifulo, nwikudishe’nwe bana bene mu lukumino lwenu luhatulwe-lwi-kishila, (na) kuteka mu Kikudi-E-Selelee.

Kibafumulwe 12:11

N’abo abamukambile na mase a Mwan’a-Mukoko, na ha mwanda wa bulungudi bwabo bw’Efile; abo tababadi na miuwa yabo kifulo, mpaa na ku lufu, ooo.

Kibafumulwe 2:10

Totshinangā’ya myanda (yamalwa) yiotokyebe kukala, sunga ngumune; talanga, kafilefile takyebe kwela bamo b’enu mu nshibo ya lukano nutompibwe; anukamono bishiotshi mafuku ekumi; wekale mushimate mpaa na ku lufu, n’ami nankakuha kilongo kia muwa.